काठमाडौँ । गैरआवासीय नेपाली संघ, अन्तरराष्ट्रिय समन्वय परिषद्को भाषा तथा साहित्य समिति र नेपाल प्रज्ञा–प्रतिष्ठानको सहकार्यमा साहित्यिक सङ्गोष्ठी तथा बहुभाषिक सिर्जना वाचन सम्पन्न भएको छ ।
गैरआवासीय नेपाली संघको २२ औँ स्थापना दिवसको अवसरमा सो साहित्यिक कार्यक्रमको आयोजना गरिएको हो ।
प्रज्ञा–प्रतिष्ठानको देवकोटा हलमा आयोजित सिर्जना वाचन कार्यक्रममा ५७ जना कविहरूले सहभागिता जनाएका थिए । जसमध्ये २५ जनाले आफ्नो मातृभाषामा कविता वाचन गरेका थिए ।
कार्यक्रमको प्रज्ञा प्रतिष्ठानका कुलपति भूपाल राई र एनआरएनए आइसिसी अध्यक्ष महेश कुमार श्रेष्ठले उद्घाटन गरेका थिए । कार्यक्रमको प्रमुख अतिथि रहेका राईले सबै भाषालाई समेटेर गरिएको कार्यक्रमले वास्तविक नेपाली अनुहार झल्किएको बताए ।
सो अवसरमा एनआरएनए अध्यक्ष श्रेष्ठले भाषाको सवालमा हामी नेपालीहरू संवेदनशील हुनुपर्नेमा जोड दिँदै विदेशमा हुर्किरहेका बालबच्चाहरूलाई नेपाली भाषा सिकाउन लाग्नु पर्नेमा जोड दिए । त्यसका लागि आफूहरूले जापानमा नेपाली अध्ययन गराउने विद्यालय स्थापना गरेको उदाहरण पनि दिएका थिए ।
एनआरएनए पूर्व महासचिव जानकी गुरुङ, मातृभाषा विभागका प्रमुख प्राज्ञ राजन मुकारुङ, एनआरएनए महिला संयोजक रश्मि थापाले पनि नेपाली भाषा संरक्षणमा एनआरएनएले भूमिका खेल्नु पर्नेमा जोड दिए ।
गोष्ठीमा विशाल नाल्बो, मिथोज सुनुवार, मिमबहादुर परियार, सोझो गाउँले, रमेश पौडेल, विमला तुम्खेवा, सिर्जना मगर, मनोज न्यौपाने, मणिराज सिंह, अन्जु राजवंशी, ओमकृष्ण श्रेष्ठ, जगत वाशिष्ठ, जनक रसिक, गणेश ताम्बुले राई, डम्बर थामी, निशेष आङदेम्बे, पदम वालाहाङ राई, पेम्बा गेलु शेर्पा, भूमिका थारु, राकेश बहादुर बुढामगर, जोगबहादुर बुढामगर, शर्मिला राना थारु, शोभा सुनुवार, रचना मोक्तान, स्नेहा झा, आलोक तिवारी, मनु ठाडा मगर, मणि लोहनी, सन्ध्या पहाडी, देवेन्द्र खापुङ, सीता तुम्खेवा, राधिका कल्पित, विजय हितान, गोविन्दमान सिंह कार्की, तीर्थराज भट्ट, योगराज राजन, रितेश त्रिपाठी, विमला गुरुङ, प्रगति राई, प्रकृति थारु, शिलाखा ताम्बुले, जर्नादन अधिकारी, रवीन्द्र आशिष, जायस जया, सङ्गीता काली, शशीश्री आचार्य, चेतनाथ धमला, शनि लिम्बु, उत्तम तुम्सा, स्वप्निल स्मृति, सुनिल आङबो, मिरा श्रेष्ठ, शनि लिम्बु, जमुना पौडेल, कर्ण दयाल, रश्मि रिमाल, सुशीला निनाम राई, प्रतापसिंह नाछिरिङ, निरन्ता तुम्बापो, दीपा लक्सम, सीता तुम्खेवा, डोल्मा शेर्पा, दसीराम थारु, परशुराम थारु लगायतले सिर्जना वाचन तथा मिडिया योगदान गरेका थिए ।
कार्यक्रमको सभापतित्व एनआरएनए आइसिसी उपाध्यक्ष तथा भाषा साहित्य समितिका संयोजक विश्वास दीप तिगेलाले गरेका थिए भने प्रज्ञा परिषद्का सदस्यसचिव डा. धनप्रसाद सुवेदीले सहभागीलाई स्वागत गर्दा कार्यक्रम सञ्चालन भाषा साहित्य समितिका सदस्य अमित थेबेले गरेका थिए ।