काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने विरुदको राहदानी दुरुपयोग सम्बन्धी मुद्दा आज सर्वोच्च अदालतको पेशीमा चढेको छ । लामो समयदेखि चर्चामा रहेको यो मुद्दा आज न्यायाधीश कुमार रेग्मी र मेघराज पोखरेलके संयुक्त इजलासमा सुनुवाइ हुने तय भएको छ ।
अमेरिकी र नेपाली दुवै राहदानी एकैसाथ प्रयोग गरेको आरोप लगाउँदै युवराज पौडेल (सफल) ले दुई वर्षअघि लामिछानेविरुद्ध सर्वोच्च अदालतमा रिट दायर गरेका थिए । यसअघि महान्यायाधिवक्ताको कार्यलयले लामिछानेविरुद्ध राहदानी विवादमा मुद्दा नचलाउने निर्णय गरेको थियो । उक्त निर्णय कानुनविपरीत रहेको भन्दै रिट निवेदकले त्यसलाई बदर गर्न माग गरेका छन् ।
यसअघि चार पटकसम्म ‘हेर्न नभ्याइने’ सुचीमा परेको यो मुद्दा आज १२ औँ नम्बरमा रहेको छ । २०७९ चैत २२ गते सर्वोच्चले यस विषयमा कारण देखाऊ आदेश जारी गर्दै महान्यायाधिवक्ता कार्यलयसँग फाइल मगाएको थियो । सबै आवश्यक कागजात प्राप्त भएपछि आज यो सुनुवाई हुन लागेको हो ।
काठमाडौँ । सम्पत्ति शुद्धीकरणको मुद्दामा अनुसन्धानका लागि नियन्त्रणमा लिइएका पूर्वमन्त्री दीपक खड्का अस्पताल भर्ना भएका छन्। हिरासतमा रहेका खड्कालाई स्वास्थ्यमा समस्या देखिएपछि उपचारका लागि त्रिवि शिक्षण अस्पताल (टिचिङ) महाराजगन्ज लगिएको हो।
सम्पत्ति शुद्धीकरण अनुसन्धान विभागले खड्कालाई नियन्त्रणमा लिएर अनुसन्धान अघि बढाएको थियो। प्रहरी प्रभाग पुल्चोकको हिरासतमा रहेका खड्कालाई गएराति अचानक बान्ता भएपछि सुरुमा नर्भिक अस्पताल लगिएको विभागका अधिकारीहरूले जनाएका छन्। तर, स्वास्थ्य अवस्था स्थिर नभएपछि उनलाई नर्भिकले शिक्षण अस्पताल रिफर गरेको हो।
काठमाडौँ जिल्ला अदालतले खड्कालाई अनुसन्धानका लागि हिरासतमा राख्न ७ दिनको अनुमति दिएको छ। उनीविरुद्ध भदौ २४ गते घरमा जलेका नोटहरू फेला परेको विषयलाई लिएर विभाग र केन्द्रीय अनुसन्धान ब्युरो (सीआईबी) ले सूक्ष्म अनुसन्धान गरिरहेका छन्।
विभागका अनुसार खड्काको बयान लिने कार्य सुरु भइसके पनि थप प्रमाणहरू जुटाउन र विस्तृत छानबिन गर्न बाँकी रहेकाले उनलाई हिरासतमा राख्न म्याद थप गरिएको हो। हाल उनलाई प्रहरीकै निगरानीमा अस्पतालमा राखेर उपचार भइरहेको छ।
काठमाडौँ । नेकपा एमालेका अध्यक्ष केपी शर्मा ओली र नेता रमेश लेखकको पक्राउको विरोधमा आइतबार काठमाडौँको माइतीघर क्षेत्रमा तनाव उत्पन्न भएको छ। प्रदर्शनका क्रममा एमाले कार्यकर्ता र प्रहरीबीच झडप हुँदा स्थिति नियन्त्रणमा लिन प्रहरीले लाठीचार्ज गरेको छ।
माइतीघरबाट बानेश्वरतर्फ अगाडि बढ्न खोजेका प्रदर्शनकारीलाई प्रहरीले रोकेपछि दोहोरो झडप सुरु भएको थियो। सो क्रममा प्रहरीको लाठी लागेर केही कार्यकर्ता घाइते भएका छन् भने एक जनाको टाउकोमा गम्भीर चोट लागेको छ। घाइतेहरूको अहिले बानेश्वरस्थित एभरेस्ट अस्पतालमा उपचार भइरहेको छ।
जिल्ला प्रहरी परिसर काठमाडौँका अनुसार प्रदर्शनका क्रममा उच्छृङ्खल गतिविधि गरेको आरोपमा ९ जना प्रदर्शनकारीलाई नियन्त्रणमा लिइएको छ। माइतीघर र बबरमहल क्षेत्रमा ठुलो संख्यामा सुरक्षाकर्मी परिचालन गरी सुरक्षा व्यवस्था कडा पारिएको छ। एमालेले आफ्ना शीर्ष नेताहरूको रिहाइ नभएसम्म आन्दोलन जारी राख्ने चेतावनी दिएको छ।
काठमाडौं । नेकपा एमालेका अध्यक्ष केपी शर्मा ओली र नेपाली कांग्रेसका नेता रमेश लेखकलाई थप १० दिन हिरासतमा राखेर अनुसन्धान गर्न प्रहरीले अदालतसँग अनुमति मागेको छ।
भदौमा २३ र २४ मा भएको जेन–जी आन्दोलन दमन प्रकरणमा गौरीबहादुर कार्की नेतृत्वको जाँचबुझ आयोगको सिफारिसमा पक्राउ परेका दुवै जनाको म्याद थपको बहस सुरु भएको हो ।सरकारी वकिल कार्यालयले म्याद थपका लागि दुवैलाई अदालतमा पेस गरेको हो।
स्वास्थ्य समस्याका कारण ओलीलाई शिक्षण अस्पतालबाट भिडियो कन्फरेन्स मार्फत उपस्थित गराइएको छ भने लेखक भौतिक रूपमा उपस्थित छन्। जिल्ला अदालत काठमाडौंका न्यायाधीश आनन्दप्रसाद श्रेष्ठको इजलासमा दुवै पक्षका वकिलहरूले बहस गरिरहेका छन्।
ओली र लेखक तर्फबाट वरिष्ठ अधिवक्ता तथा सांसद खम्मबहादुर खाती, वरिष्ठ अधिवक्ता हरिहर दाहाल, वरिष्ठ अधिवक्ता टीकाराम भट्टराई, गोपालकृष्ण घिमिरे र शेरबहादुर केसी लगायतले बहस गर्ने भएका छन् । बहस अहिले पनि जारी छ ।
काठमाडौँ । नवनियुक्त प्रधानमन्त्री बालेन शाहले कार्यभार सम्हालेको तेस्रो दिन मन्त्रीहरुसँगको भेटघाट र छलफललाई तीव्रता दिएका छन् । प्रधानमन्त्री तथा मन्त्रिपरिषद्को कार्यालय, सिंहदरबारमा आइतबार आयोजित यस बैठकमा सरकारको आगमी कार्ययोजना र मन्त्रालयगत प्राथमिकताका विषयमा छलफल भइरहेको बुझिएको छ ।
शुक्रबार प्रधानमन्त्री पदमा नियुक्त भएका शाहले सोही दिन पदभार ग्रहण गर्दै मन्त्रिपरिषद्को पहिलो बैठकबाट चारवटा महत्वपूर्ण निर्णयहरु सार्वजनिक गरेको थिए ।
अहिले भइरहेको मन्त्रीस्तरीय छलफललाई ती निर्णयहरुको कार्यान्वयन र प्रशासनिक सुधारको प्रारम्भिक कदमका रुपमा हेरिएको छ । सरकारले आफ्नो १०० दिने कार्यसूचीलाई प्रभावकारी बनाउन मन्त्रीहरुलाई आवश्यक निर्देशन दिने तयारी समेत गरेको स्रोतले जनाएको छ ।
काठमाडौँ । काठमाडौँ क्षेत्र नं. ३ बाट प्रतिनिधि सभा निर्वाचनका उम्मेदवार कुलमान घिसिङ उज्यालो नेपाल पार्टी (उनेपा) का अध्यक्ष घिसिङले आज निर्वाचनमा भएको खर्च विवरण सार्वजनिक गरेका छन्। उनको चुनाबी खर्च १४ लाख १० हजार आएको छ ।
घिसिङले प्रतिनिधि सभा सदस्य निर्वाचन ऐन, २०७४ को दफा ७२ तथा आयोगद्वारा स्वीकृत निर्वाचन आचारसंहिता बमोजिम निर्वाचन खर्च विवरण प्रस्तुत गरेको उनले जनाएका छन् ।
काठमाडौं–३ बाट उम्मेदवार भएका घिसिङ रास्वपाका उम्मेदवार राजु पाण्डेसँग पराजित भएका थिए। उनले चुनावमा १४ लाख १० हजार ८० रुपैयाँ खर्च गरेका छन्।
काठमाडौँ । नेकपा एमालेका अध्यक्ष केपी शर्मा आलीको गिरफ्तारको विरोधमा एमाले निकट जनवर्गीय संगठनहरुले आज पनि राजधानीसहित देशभर प्रर्दशन जारी राखेका छन् । शनिबारदेखि सुरु भएको यो आन्दोलन आइतबार पनि काठमाडौँको माइतीघर र बबरमहल क्षेत्रमा केन्द्रित देखिएको छ ।
एमालेका कार्यकर्ताहरुले काठमाडौँमा सडक प्रदर्शन मात्र गरेको छैनन, देशका जिल्ला प्रशासन कार्यलयहमार्फत सरकारलाई विरोध पत्र बुझाउने कार्यक्रम समेत तय गरेका छन् । आलीको रिहाइको माग गर्दैै विभिन्न जिल्लाहरुमा कार्यकर्ताहरुले सरकारी कदमको विरोधमा चर्को नाराबाजी गरिएका छन् ।
गत भदौ २३ र २४ गते भएको ‘जेनजी आन्दोलनका क्रममा भएको दमन र घटनाहरुको अनुसन्धानका सिलसिलामा पूर्वप्रधानमन्त्री ओली र पूर्वगृहमन्त्री रमेश लेखकलाई प्रहरीले नियन्त्रणमा लिएको छ । उक्त आन्दोलनको समयमा ओली प्रधानमन्त्री र लेखक गृहमन्त्रीको जिम्मेवारीमा हुनुहुन्थ्यो ।
काठमाडौँ । नेपाल कम्युनिष्ट पार्टी (नेकपा) एमालेका अध्यक्ष केपी शर्मा आलीको स्वास्थ्य आवस्थामा सुधार नआएको कारण भर्चुअल रुपमा अदालमता उपस्थित गराईने भएको छ ।
आलीलाई उनकै निवासबाट १४ गते प्रहरीले पक्राउ गरेको थियो । पक्राउ पछि स्वास्थयमा समस्या आएछि आलीलाई त्रिवि अस्पतालमा भर्ना गरिएको छ ।
अध्यक्षय आलीलाई जिल्ला अदालतमा उपस्थित गराउने खोजे पिनि उनको उपचारमा खटिएका चिकित्सकहरुले अनुमति नदिएको जानकारी प्राप्त भएको छ ।
त्यसतै, पूर्व गृहमन्त्रि रमेश लेखकलाई अदालतमा उपस्थित गराईसकिएको छ ।
ज्यान सम्बन्धी मुद्दा लागेका आली र लेखकको यस मुद्दा न्यायाधीश आनन्द श्रेष्ठको इजलासमा रहेका छ ।
