काठमाडौँ :
राष्ट्रिय स्वतन्त्र पार्टीका सभापति रवि लामिछानेको राहदानी दुरुपयोग सम्बन्धी मुद्दा सर्वोच्च अदालतका इजलासमा सुनुवाइका लागि पेसी तोकिएको छ ।
तत्कालीन महान्याधिवक्ताले मुद्दा नचलाउने निर्णय गरेपछि युवराज पौडेल (सफल) ले त्यसविरुद्ध रिट दायर गरेका थिए । उनले लामिछानेले राहदानी ऐनविपरीत नागरिकता विवरण प्रयोेग गरेको दाबी गरेका छन् ।
अदालतले यसअघि फाइल मगाउने आदेश दिइसकेको छ भने अहिले अन्तिम सुनुवाइ प्रक्रिया अघि बढेको छ । यस मुद्दाको निर्णयले लामिछानेको राजनीतिक भविष्यमा प्रभाव पार्ने अपेक्षा गरिएको छ ।