खोटाङ । खोटाङको केपिलासगढी गाँउपालिका वडा नम्बर २ मा बुधबार एक हेलिकोप्टर दुर्घटना भएको छ । काठमाडौँबाट शव लिएर उडेको एयर डाइनेस्टीको हेलिकोप्टर अवतरणका क्रममा दुर्घटना भएको हो ।
जिल्ला प्रशासन कार्यलयका अनुसार हेलिकोप्टरमा शव र मृतकका आफ्न्तहरु सवार थिए । प्रारम्भिक जानकारी अनुसार दुर्घटनामा परी एक जना यात्रुको खुट्टा भाँचिएको छ ।
घटनाको थप विवतरण र दुर्घटनाको कारणबारे विस्तृत जानकारी आउन बाँकी रहेको प्रशासनले जनाएको छ । अहिले घटनास्थलमा स्थानीय र सुरक्षाकर्मीको टोली पुग्ने क्रममा रहेको छ ।
काठमाडौँ :
भारतको महाराष्ट्र राज्य अन्तर्गत बारामती क्षेत्रमा बुधबार बिहान निजि विमान दुर्घटनामा परेको छ । अवतरणको क्रममा विमान बाहिर चिप्लिँदा दुर्घटना भएको जनाइएको छ ।
दुर्घटनामा महााराष्ट्रका उपमुख्यमन्त्री अजित पवार गम्भीर घाइते भएका छन् । उनी राजनीतिक कार्यक्रममा सहभागी हुन सो क्षेत्रमा पुगेका थिए ।
विमानमा उनका निजी सहयोगी, सुरक्षाकर्मी र चालक दलका सदस्यहरु पनि सवार थिए । सबै घाइतेहरुलाई तत्काल उद्धार गरी अस्पताल पुर्याइएको प्रशासनले जनाएको छ ।
घटनास्थलबाट आएको जानकारी अनुसार विमानमा आगो लागेको र केही भाग क्षेतिग्रस्त भएको छ । प्रविधिक समस्या, मौसम वा अवतरण प्रक्रियामा त्रुटि दुर्घटनाको कारण हुन सक्ने अनुमान गरिएको छ ।
स्थानीय प्रशासन, उद्धार टोली र स्वास्थ्यकर्मीहरुले घाइतेहरुको उपचार तत्काल सहयोग पुर्याएका छन् । अनुसन्धान जारी रहेको छ ।
सर्लाही :
सर्लाहीको धन्कौल क्षेत्रमा रहेको एक चिनी उद्योगमा काम गर्ने क्रममा मेसिनमा च्यापिएर एक युवकको ज्यान गएको छ ।
धन्कौल गाउँपालिका–३ मा सञ्चालित अन्नपूर्ण चिनी उद्योगको उखुको खुवा बनाउने मेसिनले च्याप्दा धन्कौल–४, महिनाथपुरका १९ वर्षीय चुनचुन रायको मृत्यु भएको हो ।
कामकै क्रममा मेसिनमा परेको रायको घटनास्थलमै मृत्यु भएको जिल्ला प्रहरी कार्यालय सर्लाहीले जनाएको छ । प्रहरीका अनुसार मृतकको शव परीक्षणका लागि प्रादेशिक अस्पताल मलङ्वामा राखिएको छ ।
घटनाको कारणबारे अनुसन्धान भइरहेको प्रहरीले जानकारी दिएको छ ।
काठमाडौँ । पुस २९
भारतको हिमाचल प्रदेशमा ग्यास सिलिन्डर विस्फोटपछि भएको आगलागीमा ९ जना नेपालीको मृत्यु भएको छ । मृतक सबै सल्यानको सिद्धकुमार गाउँपालिका–२ का दुई परिवारका सदस्य हुन् ।
सोलन जिल्लाको अर्की क्षेत्रमा सोमबार बिहान करिब साढे २ बजे भएको विस्फोटपछि आगालागी फैलिँदा उनीहरु घरभित्रै फसेका थिए । प्रारम्भिक रुपमा निसास्सिएर मृत्यु भएको अनुमान गरिएको छ ।
घटनामा धनबहादुर विक र काशीराम विकको परिवारका सदस्य परेका छन् । सबै मृतक हिमाचल प्रदेशमा काम गर्दैै आएका थिए । वडा कार्यालयले घटनापछि शोक बिदा दिएको छ ।
काठमाडौँ ।
चितवानको भरतपुर महानगरपालिका, २९ स्थित सिमलताल नजिक १ निलो रङको बसको टुक्रा त्रिशूली नदीको बगरमा फेला परेको छ ।
गत वर्ष २०८१ असार २८ मा त्रिशूलीमा खसेर दुई वटा बस हराएको थियो । बागमती प्रदेश –०३–००१ ख २४९५ नम्बरको गणपति र बागमती प्रदेश –०३–००६ख १५१६ नम्बरको एन्जल डिलक्स त्रिशूली नदिमा खसेको थियो । जसमा सवार ४० जना अझै वेपता रहेका छन् ।
निलो रङको बसको अवशेष बालुवा निकाल्ने क्रममा भेटिएको हो । जिल्ला प्रहरी कार्यलय चितवानका डिएसपी रवीन्द्र खनालले फेला परेको अवशेष यकिन गर्न प्रहरीको टोली घटनास्थलमा खटाइएको जानकारी दिनुभयो ।
भेटिएको अवशेष गत वर्ष सिमलतालबाट त्रिशूलीमा खसेका दुई सवारी को हुन सक्ने आशंका गरिएको छ । तर कुन सवारीको हो, पहिले हराएकै बसको हो वा अन्य हो भन्ने कुराको वास्ताविकता पत्ता लागेको छैन ।