पशुपतिका फूल प्रसाद बिक्री गर्ने पसल व्यवस्थित गर्न मन्त्री आलेको निर्देशन

पशुपति क्षेत्रमा रहेका फूल प्रसाद बिक्री गर्ने पसल व्यबस्थित गर्न संस्कृति, पर्यटन तथा नागरिक उड्डयनमन्त्री प्रेमबहादुर आलेले निर्देशन दिएका छन् ।

सोमबार मन्त्रालयमा पशुपति क्षेत्र विकास कोषका पदाधिकारी तथा सम्बन्धित सरोकारवालाहरुसँग छलफल भएको थियो ।

उक्त छलफलमा फूल प्रसाद बिक्री बितरण गर्ने ठाउँ साँगुरो भएको तथा पशुपति क्षेत्रमा आउने भक्तजनहरुलाई पनि समस्या परेकाले उक्त पसलहरुलाई व्यबस्थि गर्न मन्त्री आलेले आग्रह गरेका हुन् ।

साथै नेपाली कांग्रेसका महामन्त्री गगनकुमार थापाले भने ‘पर्यटन मन्त्रीको पहलमा तपाईंहरुको व्यापार गर्ने ठाउँको व्यवस्था हुँदैछ, अनेकौँ बहाना गरेर बखेडा नगर्नुस्, आपसी सहमतिमा आफ्नो व्यापार गर्ने ठाउँ रोज्नुस् ।’