नेपालमै उत्पादन भयो क्यान्सरको औषधि

नेपालमा टिजिग फर्मा प्राइभेट लिमिटेडले पहिलो पटक क्यान्सरको औषधि उत्पादन गरी बजारमा पठाएको छ ।

उक्त औषधीको खोलमा ‘मेड इन नेपाल’ लेखिएको छ ।

फर्माका कार्यकारी निर्देशक शैलेस वैद्यका अनुसार औषधि ट्याब्लेट र क्याप्सुलको बनोटमा रहेको छ ।

इन्जेक्सनमा आधारित औषधि पनि भविष्यमा बनाउने योजना रहेको वैद्यको भनाइ छ ।

नेपाल औषधि उत्पादक संघका अध्यक्ष प्रज्ज्वल पाण्डेले नेपालमा नै ‘एन्टी क्यान्सर’ सम्वन्धी औषधिहरुको उत्पादन हुनु गौरवको बिषय भएको बताए ।