२४ घण्टामा २४७ जनामा कोरोना सङ्क्रमण पुष्टि, चार जनाको मृत्यु

स्वास्थ्य तथा जनसङ्ख्या मन्त्रालयका अनुसार पाँच हजार २५५ जनाको पीसीआर परीक्षण गर्दा पछिल्लो २४ घण्टामा २४७ जनामा कोरोना सङ्क्रमण पुष्टि भएको छ ।

कुल आठ हजार १४० जनामा परीक्षण गर्दा पीसीआर र एन्टीजेन गरेर ३८८ जनामा सङ्क्रमण पुष्टि भएको तथा सोही अवधिमा १२ सय ५ जना सङ्क्रमणमुक्त भएको स्वास्थ्य तथा जनसङ्ख्या मन्त्रालयले जनाएको छ ।

२४ घण्टामा चार जनाको मृत्यु भएको छ । योसँगै मुलुकमा कोरोनाबाट मृत्यु हुनेको सङ्ख्या ११ हजार ९२५ पुगेको मन्त्रालयले जनाएको छ ।