मंगलबार भएको खेलमा नेपालको टी–२० विश्वकपमा पुग्ने सपना समाप्त

मंगलबार ओमानस्थित अल अमेरत क्रिकेट मैदानमा भएको सेमिफाइनल खेलमा नेपाल यूएईसँग ६८ रनले पराजित भएको छ ।

पराजित भए सँगै नेपालको यस वर्ष अस्ट्रेलियामा हुने टी–२० विश्वकपमा पुग्ने सपना समाप्त भएको छ । नेपालले १ सय ७६ रनको लक्ष्य लिएता पनि नेपाल १८.४ ओभरमा १ सय ७ रनमा अलआउट भएको हो ।

यूएईका जुनैद सिद्धिकीले लोकेश बम, आसिफ शेख र कुशल भुर्तेललाई आउट गराएका हुन् । दीपेन्द्रसिंह ऐरीले नेपालबाट सर्वाधिक ३९ रन बनाउन सफल भए । दीपेन्द्रसिंह ऐरीले ३८ बल खेली ३ चौका प्रहार गरेका हुन् ।

त्यसैगरी आरिफ शेखले ११ रन, ज्ञानेन्द्र मल्लले २० रन, जितेन्द्र मुखियाले पाँच रन सन्दीप लामिछानेले र कमल ऐरीले चार रन बनाउन सफल भएका हुन् । यूएईका कप्तान अहमद राजाले ५ विकेट लिएर नेपाललाइ पराजित गराएका हुन् । यूएईले सेमिफाइनलमा जित हात पारी टी–२० विश्वकपमा पुग्न सफल भएको छ ।