– सूर्य नेपाल
बैशाख १६, २०७९
काठमाडौं/ गिरिजाप्रसाद कोइराला फाउण्डेशन बागमति प्रदेशले काठमाडौंको बुढानिलकण्ठ नगरपालीका वडा नं ११ कपनटारमा निः शुल्क स्वास्थ्य शिबिर सम्पन्न गरेको छ । कपनटार स्थित शारदा एकेडेमीमा संचालित सो शिबिर काठमाडौं मेडिकल कलेजको सहकार्यमा सञ्चालन गरि त्यहाका नागरिकहरुको होलवडी स्वास्थ्य जाँच गरिएको थियो ।
वी पी फाउण्डेशन बागमति प्रदेशका अध्यक्ष गणेश भट्टराई ले शिबिरको उद्धघाटन गर्नु भएको थियो । सो कार्यक्रमलाई सम्बोधन गर्दै उहाँले जीपी फाउन्डेसनले समाजका विभिन्न क्षेत्र र बिधाहरुमा काम गर्दै आएको र नागरिकको स्वास्थ्य जाँच सेवालाई पनि प्राथमिकता दिएर यस्ता स्वास्थ्य शिविरहरु सञ्चालन गर्दै आएको कुरा बताउनु भयो ।
विहान ९ः०० बजे देखि दिउँसो ३ः०० बजे सम्म शिबिर सञ्चालन भएको थियो । उक्त शिविरमा जनरल मेडिसिन, प्रसुति तथा स्त्री रोग, बाल रोग, छाला रोग, हाड जोर्नी तथा नसा, नाक, कान, घाँटी साथै आँखा रोग र दाँत सम्बन्धि रोगको काठमाडौ मेडिकल कलेजका बिशेषज्ञ डाक्टरहरु द्धारा चेक जाँच गरिएको थियो । सो सिबिरमा केहि बिरामीहरुको शल्यक्रिया समेत गरिएको थियो ।
त्यसै गरी सो शिविरमा भिडियो एक्सरे सेवा, ल्याबटेष्ट, ईसिजि सेवाहरु पनि प्रदान गरिएको थियो ।
बागमती प्रदेशका सह संयोजक एवं शिविर संयोजक कुमार खड्काले शिविरमा ९०२ जनालाई सेवा प्रदान गरिएको बताउनु भयो । यस्ता शिविरहरु यस अघि ३ वटा संचालन गरि सकिएको र आगामि दिनमा बुढानिलकण्ठ नगरपालिका सबै वडाहरुमा यस्ता स्वास्थ्य शिबिरहरु आयोजना गरिने जानकारी दिनु भयो ।