पोखराबाट जोमसोम उडेको तारा एयरको जहाज सम्पर्कबिहीन

काठमाडौं : पोखराबाट मुस्ताङको जोमसोम विमानस्थलका लागि उडेको तारा एयरको (9-N-AIT) कल साइनको ट्विनअटर विमान मुस्ताङको लेतेमा ठोक्किएको छ।

१३ नेपाली नागरिक, ४ जना भारतीय नागरिक, अन्य २ विदेशी नागरिक र सवार विमानको चालक दलका सदस्य सहित २२ जना रहेको विमान लेतेमा ठोक्किएको हो।

आइतबार बिहान ९ः५५ बजे उडेको उक्त जहाज सम्पर्कविहीन भएको र विमान मुस्ताङको लेतेमा ठोक्किएको जानकारी आएको पोखरा विमानस्थल स्रोतले जनाएको छ।

सम्पर्कविहीन रहेको जहाजको खोजीकार्य सुरु गरिएको तारा एयरका प्रवक्ता सुर्दशन बर्तौलाले जानकारी दिएका हुन्।

विमानमा क्याप्टेन प्रभाकर प्रसाद घिमिरे, को पाइलट इतासाप पोखरेल र एयर होस्टेज कास्मी थापा थिए। घटनाको विस्तृत जानकारीका लागि सुरक्षाकर्मी र स्थानीय सक्रियतापूर्वक लागिपरेको बताइएको छ।