शताब्दी पुरुष सत्यमोहन जोशीको निधन, अन्तिम संस्कार भने नहुने

काठमाडौं : नेपाली वाङ्मयका अविच्छिन्न साधक सताब्दी पुरूष सत्यमोहन जोशीको निधन भएको छ।

१०३ वर्षको उमेरमा आइतबार बिहान ७ बजेर ९ मिनेटमा किष्ट अस्पतालमा उपचारको क्रममा उनको निधन भएको परिवार स्रोतले जानकारी दिएको हो।

२४ दिन अघि अस्पतालमा भर्ना भएका जोशीको आइसियूमै राखेर उपचार भइरहेको थियो।

शताब्दी पुरूष जोशीको शरीर भने नजलाउने निर्णय भएको छ।

यसअघिनै मृत्युपछि आफ्नो शरीर दान गरिसकेका जोशीको शरीर अध्ययनका लागि केमिकल प्रयोग गरेर राखिने भएको हो।

आइतबार किष्ट अस्पतालमा परिवार, महानगर र अस्पताल प्रशासनबीच भएको छलफलपछि जोशीको शरीर नजलाउने निर्णय भएको हो।

शवलाई अन्तिम श्रद्धाञ्जलीका लागि ललितपुर महानगरपालिका परिसरमा राखिने भएको छ।