सेन्ट्रल जोन भलिबलमा नेपाली महिला टिमको दोस्रो जित

एभिसी एसियन सेन्ट्रल जोन महिला तथा पुरूष भलिबल च्याम्पियनसिपमा नेपाली महिला टिमले लगातार दोस्रो खेलमा जित हासिल गरेको छ।

बङ्गलादेशको राजधानि ढाकामा शुक्रबार भएको आफ्नो दोस्रो खेलमा नेपालले माल्दिभ्सलाई ३-० को सोझो सेटमा पराजित गराएको छ।

पहिलो सेट २५(११ ले सहज रुपमा जितेको नेपालले दोस्रो सेट पनि २५-९ ले सहजै जित्यो। तेस्रो सेटमा २५(५ ले जित्दै नेपाल विजयी भएको हो।

यसअघि नेपालले बिहीबार श्रीलंकालाई ३(२ को सेटमा पराजित गरेको थियो।