प्रधानमन्त्री कप महिला राष्ट्रिय क्रिकेटको उपाधि एपीएफले जितेको छ

कैलाली । प्रधानमन्त्री कप महिला राष्ट्रिय क्रिकेटको उपाधि एपीएफले जितेको छ । आज कैलालीको धनगढीमा भएको प्रधानमन्त्री कप महिला राष्ट्रिय क्रिकेटको फाईनलमा एपीएफले प्रदेश १ लाई पराजित गर्दै उपाधि जितेको हो ।

धनगढीस्थित फाप्ला क्रिकेटमैदानमा भएको खेलमा प्रदेश १ लाई एपीएफले ७ विकेटले हराँदै उपाधि आफ्नो कोल्टामा पारेको हो । प्रदेश १ ले दिएको ६८ रनको झिनो लक्ष्य एपीएफले १४ दशमलव २ ओभरमा ३ विकेटको क्षतिमा पूरा गरेको हो ।

एपीएफको जितमा ओपनर ज्योती पाण्डेयले अविजित ३७ रन बनाएकि थिइन भने ममता चौधरीले १७ रन जोडेकि थिइन् । यस्तै प्रदेश १ का लागि कप्तान रुविना क्षेत्रीले २ विकेट लिईन् ।

टस जितेर पहिले फिल्डिङ रोजेको प्रदेश १ ले ब्याटिङ गर्दै ६७ रन बनायो । खराब ब्याटिङ गरेको प्रदेश १ का लागि कप्तान रुविना क्षेत्रीले ३४ रन जोडेकि थिईन् । यस्तै अप्सरी वेगमले ११ रन बनाउनु बाहेक अन्य खेलाडीले दोहोरो रन अंक जोड्न सकेनन् । एपिएफका लागि सीता राना मगरले ३ र रेखा रावलले २ विकेट लिईन्।

उपाधिसँगै एपीएफले ५ लाख प्राप्त गरेको छ भने उपविजेता बनेको प्रदेश १ ले ३ लाख प्राप्त गरेको छ ।