Category: समाचार

काठमाडौं । हाल नेपालमा पश्चिमी वायू र स्थानीय वायुको आंशिक प्रभाव रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार आज दिउँसो सबै प्रदेशको हिमाली भू–भाग लगायत गण्डकी, लुम्बिनी, कर्णाली र सुदूरपश्चिम प्रदेशका पहाडी भू–भागमा साधारणतया बादल लाग्नेछ तथा बाँकी भू–भागमा आंशिक बादल लाग्नेछ ।

यस्तै, गण्डकी र कर्णाली प्रदेशका हिमाली भू–भागका थोरै स्थानहरूमा तथा बाँकी हिमाली र पहाडी भू–भागका एक–दुई स्थानमा मेघगर्जन÷चट्याङ्ग सहित हल्का वर्षा÷हिमपातको सम्भावना रहेको महाशाखाले जनाएको छ ।

साथै सबै प्रदेशका तराई भू–भागका केही स्थानहरूमा हावाहुरीको समेत सम्भावना रहेको छ ।

यस्तै, आज राती सबै प्रदेशको हिमाली भू–भाग लगायत गण्डकी, लुम्बिनी, कर्णाली र सुदूरपश्चिम प्रदेशका पहाडी भू–भागमा साधारणतया बादल लाग्नेछ तथा बाँकी भू–भागमा आंशिक बादल लाग्नेछ ।

गण्डकी र कर्णाली प्रदेशका हिमाली भू–भागका थोरै स्थानहरूमा तथा बाँकी हिमाली र पहाडी भू–भागका एक–दुई स्थानमा मेघगर्जन÷चट्याङ्ग सहित हल्का वर्षा÷हिमपातको सम्भावना रहेको महाशाखाले जनाएको छ ।

काठमाडौं । हाल नेपालमा पश्चिमी वायू र स्थानीय वायुको आंशिक प्रभाव रहेको छ।

हाल कोशी र सुदूरपश्चिम लगायत बाँकी प्रदेशको पहाडी र हिमाली भूभागमा साधारणतया बादल लागेको छ र बाँकी भूभागमा आंशिक बादल लागेको छ । कोशी, बागमती र गण्डकी प्रदेशको पहाडी भूभागका एकरदुई स्थानमा मेघगर्जनरचट्याङ्ग् सहित हल्का वर्षा भईरहेको छ ।

दिउँसो हिमाली र पहाडी भूभागमा आंशिक बादल लाग्नेछ तथा तराई भूभागमा मौसम मुख्यतया सफा रहनेछ । कोशी, बागमती, गण्डकी, कर्णाली र सुदूरपश्चिम प्रदेशको हिमाली भूभागका एकरदुई स्थानमा मेघगर्जन र चट्याङ्ग्सहित हल्का वर्षा र हिमपातको सम्भावना रहेको छ ।

आज राती गण्डकी, लुम्बिनी, कर्णाली र सुदूरपश्चिम प्रदेशको हिमाली भूभागमा साधारणतया बादल लाग्नेछ । गण्डकी, लुम्बिनी, कर्णाली र सुदूरपश्चिम प्रदेश लगायत बाँकी हिमाली भूभागमा आंशिक बादल लाग्नेछ, बाँकी पहाडी र तराई भूभागमा मौसम मुख्यतया सफा रहनेछ । गण्डकी प्रदेशको हिमाली भूभागका एकरदुई स्थानमा मेघगर्जन र चट्याङ्ग्सहित हल्का वर्षा र हिमपातको सम्भावना रहेको छ ।

टोरन्टो – सामाजिक न्यायका लागि सहयात्रा अन्तरराष्ट्रिय अलाएन्सले  इजरायली संसदद्वारा आतंकवादको आरोप लागेका प्यालेस्टिनीहरूलाई लक्षित गर्दै मृत्युदण्डको प्रावधान समेटिएको कानून पारित गरेको प्रति गम्भीर चिन्ता व्यक्त गर्दै भ्रत्सना गरेको छ ।

“जातीयता तथा राष्ट्रियताको आधारमा फरक–फरक दण्ड व्यवस्था लागू गर्ने यस्तो प्रावधान मौलिक मानव अधिकार र कानूनको नजरमा समानताको सिद्धान्तमाथि प्रत्यक्ष प्रहार हो,”  अलाएन्सले भनेको छ ।

“आजको विश्व, जहाँ सामाजिक न्याय, मानव गरिमा र विधिको शासनलाई सुदृढ बनाउने प्रयासहरू तीव्र गतिमा अघि बढिरहेका छन्, त्यस्तो अवस्थामा यस्तो विभेदकारी कानूनको निर्माण हुनु अत्यन्तै चिन्ताजनक तथा पश्चगामी कदम हो। पहिचानका आधारमा असमान दण्डलाई संस्थागत गर्ने कुनै पनि कानूनी संरचनाले लोकतान्त्रिक मूल्य–मान्यता र अन्तर्राष्ट्रिय मानव अधिकारका मापदण्डहरूलाई कमजोर बनाउँछ,” अलाएन्सद्वारा जारी विज्ञप्तिमा भनिएको छ।

“यस घटनाले इतिहासमा रहेका विभेदकारी कानूनी व्यवस्थाहरूको सम्झना दिलाउँछ—जस्तै नेपालको १८५४ को मुलुकी ऐन, जसमा जातीय आधारमा फरक दण्डको व्यवस्था गरिएको थियो। त्यस्ता कानूनी संरचनाहरूलाई समयसँगै अन्यायपूर्ण र आधुनिक मानव अधिकारका मूल्यसँग असंगत ठहर गरिँदै आएको छ।”

सहयात्रा अन्तरराष्ट्रिय गठबन्धनले लोकतन्त्र, मानव अधिकार र विधिको शासनमा विश्वास गर्ने सम्पूर्ण राष्ट्रहरूलाई उक्त कानूनविरुद्ध स्पष्ट र सैद्धान्तिक अडान लिन आह्वान पनि गरेको छ । साथै, अन्तरराष्ट्रिय  समुदायलाई उक्त कानून तत्काल फिर्ता गराउन कूटनीतिक तथा नैतिक दबाब सिर्जना गर्न आग्रह पनि गरेको छ । यसमा असफलता देखिएमा विभेदकारी न्याय प्रणाली सामान्यीकरण हुने र अन्यायको चक्र अझ गहिरो हुने खतरा रहन्छ,  ले जनाएको छ।

“हामी विश्वव्यापी मानव अधिकार संगठनहरू, कानूनी निकायहरू तथा नागरिक समाजलाई यस विषयमा एकजुट भई आवाज उठाउन र बिना भेदभाव मानव अधिकारको रक्षा गर्न सक्रिय भूमिका खेल्न अपिल गर्दछौं। न्याय कहिल्यै चयनात्मक हुनु हुँदैन। कानूनको नजरमा समानता सम्झौताको विषय होइन,” अलाएन्सद्वारा जारी विज्ञप्तिमा भनिएको छ ।

​काठमाडौँ । बढ्दो महँगी र इन्धनको मूल्यवृद्धिको अनुपातमा भाडादर समायोजन नभएको भन्दै राइड सेयरिङ चालकहरू आइतबार आन्दोलित भएका छन्।स्वतन्त्र चालक फाउन्डेसनको नेतृत्वमा भेला भएका चालकहरूले माइतीघर मण्डलामा आफ्ना सवारीसाधन राखेर शान्तिपूर्ण विरोध प्रदर्शन गरेका हुन्।

​सम्बन्धित कम्पनीहरूले चालकहरूको श्रम शोषण गरेको र एकलौटी रूपमा कमिसन तोकेर मनोमानी गरेको उनीहरूको आरोप छ। पेट्रोलको भाउ आकाशिए पनि लामो समयदेखि सेवा शुल्क परिमार्जन नहुँदा गुजारा चलाउनै मुस्किल परेको भन्दै चालकहरू सडकमा उत्रिएका हुन्। माइतीघरको धर्नापछि काठमाडौँका विभिन्न स्थानमा विरोधस्वरुप मोटरसाइकल र्‍याली निकाल्ने तयारी समेत गरिएको छ।

​काठमाडौँ । पूर्वगृहमन्त्री एवं नेपाली कांग्रेसका नेता रमेश लेखकलाई गैरकानुनी रूपमा हिरासतमा राखिएको दाबी गर्दै सर्वोच्च अदालतमा बन्दीप्रत्यक्षीकरणको रिट दायर गरिएको छ। लेखककी पत्नी यशोदा लेखकले आइतबार सर्वोच्च पुगेर सो निवेदन दर्ता गराउनुभएको हो।

​गत शनिबार प्रहरीले ‘जेनजी’ आन्दोलनका क्रममा भएको दमन र घटनाहरूको अनुसन्धानका लागि भन्दै पूर्वप्रधानमन्त्री केपी शर्मा ओली र पूर्वगृहमन्त्री लेखकलाई नियन्त्रणमा लिएको थियो। पक्राउ प्रक्रिया कानुनसम्मत नभएको जिकिर गर्दै लेखकको तर्फबाट दायर गरिएको रिट अहिले दर्ता प्रक्रियामा रहेको छ।

​यसअघि एमाले अध्यक्ष ओलीको रिहाइका लागि पनि सर्वोच्चमा यस्तै प्रकृतिको निवेदन दर्ता भइसकेको छ। दुई ठूला दलका शीर्ष नेताहरू एकैसाथ पक्राउ परेपछि अहिले कानुनी र राजनीतिक वृत्तमा यसले ठूलो तरंग पैदा गरेको छ। अदालतले उक्त रिटमाथि सुनुवाइ गर्दै चाँडै आदेश दिने अपेक्षा गरिएको छ।

काठमाडौँ । सरकारले सार्वजानिक यातायलाई सुरक्षित र प्रविधिमैत्री बनाउन आगमी ३० दिनभित्र विशेष सुरक्षा मापदण्ड लागु गर्ने भएको छ । मन्त्रिपरिषद्ले स्वीकृत गरेको १०० बुँदे शासकीय सुधारको कार्यसुची अनुसार अब सबै सार्वजानिक सवारीमा अनिवार्य सिसिटिभि र डयासक्याम जडान गरिनेछ ।

विशेषगरी राइड सेयरिङ एपहरुमा ‘खतराको अलार्म’ (एसओएस बटन) अनिवार्य गरिनेछ, जसले संकटको समयमा सिधै प्रहरीलाई सुचना पठाउने व्यवस्था मिलाउनेछ । यसका साथै, महिलाहरुको सुरक्षित यात्राका लागि सातै प्रदेशमा निःशुल्क ‘ब्लु बस सेवा सुरु गरिने भएको छ । यो योजना अन्तर्गत आगमी १०० दिनभित्र पहिलो चरणमा कम्तीमा २५ वटा बस सञ्चालनमाा ल्याउने सरकारको लक्ष्य छ ।

​भारतीय प्रधानमन्त्री नरेन्द्र मोदीले नवनियुक्त प्रधानमन्त्री बालेन्द्र शाह (बालेन) लाई पदभार ग्रहण गरेकोमा हार्दिक बधाई ज्ञापन गर्नुभएको छ। शुक्रबार सामाजिक सञ्जालमार्फत एक सन्देश जारी गर्दै मोदीले शाहको नियुक्तिलाई नेपाली जनताले उनको नेतृत्वप्रति दर्शाएको गहिरो विश्वासको प्रतिविम्बका रूपमा चित्रण गर्नुभएको छ।

​नेपाल र भारतबीचको ऐतिहासिक मित्रता र सहकार्यलाई नयाँ उचाइमा पुर्‍याउन आफू तत्पर रहेको उल्लेख गर्दै मोदीले आगामी दिनमा दुवै देशका नागरिकको पारस्परिक हितका लागि बालेनसँग नजिक रहेर काम गर्न उत्सुक रहेको बताउनुभएको छ। यस बधाई सन्देशले दुई देशबीचको कूटनीतिक सम्बन्धलाई थप सुदृढ बनाउने अपेक्षा गरिएको छ।

काठमाडौँ । रसुवाको पर्यटकीय क्षेत्र लाङटाङतर्फ उडेको मुस्ताङ एयरको एउटा हेलिकप्टर आज दिउँसोदेखि सम्पर्कविहीन भएको छ। नेपाल नागरिक उड्डयन प्राधिकरण स्रोतका अनुसार उक्त हेलिकप्टर दिउँसो साढे १ बजेदेखि टावरसँगको सम्पर्कभन्दा बाहिर रहेको हो।

हेलिकप्टर कुन स्थानबाट सम्पर्कविहीन भएको हो र त्यसमा कति जना सवार थिए भन्नेबारे विस्तृत विवरण आउन बाँकी छ। लाङटाङ क्षेत्रको मौसम र भौगोलिक अवस्थालाई ध्यानमा राख्दै खोजी कार्यका लागि आवश्यक समन्वय भइरहेको बुझिएको छ।

​प्राधिकरणले हेलिकप्टरको पछिल्लो अवस्थितिबारे जानकारी लिन प्राविधिक टोली परिचालन गरेको छ। यस घटनाले उड्डयन क्षेत्रमा चिन्ता बढाएको छ।

बनेपा । अरनिको राजमार्ग अन्तरर्गत काभ्रेको बनेपामा लागुऔषध सेवन गरेर सवारी चलाउने ५ जना चालकलाई प्रहरीले नियन्त्रणमा लिएको छ । विहिबार बनेपा–८ जनागलमा गरिएको विशेष चेकिङका क्रममा उनीहरु पक्राउ परेका हुन् ।

जिल्ला ट्राफिक प्रहरी कार्यलय काभ्रे र इलाका प्रहरी कार्यालय बनेपाका संयुक्त टोलीले शिर मेमोरियल अस्पतालका प्राविधिकको सहयोगमा ‘ड्रग्स किट्स’ मार्फत पिसाब परीक्षण गर्दा उनीहरुले लागुपदार्थ सेवन गरेको पुष्टि भएको हो ।

पक्राउ पर्नेहरु समिर तामाङ, रोहित घतानी विश्रवकर्मा, समिर महत, महेश चौधरी र सुगम भुजेल रहेका छन् । पक्राउ पर्नेमा ३ जना सार्वजनिक बसका चालक र १ जना पानी ट्याङकरका चालक रहेका छन् । प्रहरीले जम्मा ३९ वटा सवारी साधनको जाँच गरेको थियो ।

प्रहरी नायब उपरीक्षक रविन विष्टका अनुसार पक्राउ परेका सबै चालकलाई आवश्यकता कानुनी कारबाहीका लागि इलाका प्रहरी कार्यलय बनेपा राखिएको छ । सार्वजनिक सडकमा यात्रुको ज्यान जोखिममा पार्ने यस्ता चालकहरुमाथि प्रहरीले निगरानी बढाएको छ ।

काठमाडौं । राष्ट्रपति रामचन्द्र पौडेलले बिहीबार राति काठमाडौंको असनमा सेतो मच्छिन्द्रनाथको विशेष पूजाअर्चना गरेका छन् ।

चैत्र शुक्ल अष्टमीको अवसरमा आयोजित रथयात्रा असन पुगेपछि राष्ट्रपति पौडेलले परम्पराअनुसार पूजाअर्चना गरेका हुन् ।

राष्ट्रपति पौडेलले असनमा रथको दर्शन गरी परम्परागत विधिअनुसार पूजाअर्चना गरेका थिए । यो रथयात्रा काठमाडौंको सांस्कृतिक महत्त्व बोकेको एक महत्त्वपूर्ण पर्व हो ।