अभिनेता पल शाहलाई जबर्जस्ती करणीको आरोप

चर्चित अभिनेता पल शाहविरुद्ध जबर्जस्ती करणीको आरोप लागेको छ । म्युजिक भिडियो छायांकनका क्रममा नजिक भएका शाहले बिवाह गर्ने प्रलोबनमा बारम्बार जबर्जस्ती करणी र यौन दुर्व्यवहार गरेको भन्दै १७ वर्षीया गाइका समिक्षा अधिकारीले बुधबार जिल्ला प्रहरी कार्यालय तनहुँमा जाहेरी दिएकी छिन् ।

पीडित किशोरीको उजुरीमाथि अनुसन्धान भइरहेको तनहुँका प्रहरी प्रवक्ता डीएसपी युवराज खड्काले जानकारी दिए ।

जाहेरीमा अभिनेता शाहले युबतीलाइ गत चैत ३१ मा बागलुङको गलकोटमा आयोजित महोत्सवबाट फर्किने क्रममा गाडीमा यौन दुर्व्यवहार गरेको, गत वैशाख १४ गते पोखराबाट काठमाडौं फर्किने क्रममा तनहुँमा बास बसेका बेला जबर्जस्ती करणी गरेको, त्यसै गरी छायांकनका क्रममा गत वर्ष पुस १० पोखरामा र चैत ७ मा चितवनमा जबर्जस्ती करणी गरेको उल्लेख छ।