काठमाडौँ । नेपाली कांग्रसले आगमी शुक्रबारका लागि केन्द्रीय कार्यसम्पादन समितिको बैठक आह्वान गरेको छ । पार्टी मुख्यालय सनेपामा दिउसो १ बजे बस्ने गरी बैठक बोलाइएको कर्यवाहक मुख्यसचिव कृष्णप्रसाद दुलालले जानकारी दिएका छन् ।
यस बैठकका औपचारिक एजेन्डाहरु स्पष्ट नगरिए पनि गत फागुन २१ गते सम्पन्न निर्वाचनको समीक्षा हुने अनुमान गरिएको छ । यस अघिका बैठकहरुमा समानुपतिक सांसद छनोट लगायतका विषयमा छलफल भए पनि निर्वाचनको समग्र समीक्षा बाँकी नै थियो ।
बैठकमा पार्टीको आन्तरिक रणनीति र समसामयिक राजनीतिक विषयमा समेत छलफल हुने नेताहरुले बताएका छन् ।
Leave a Reply