काउलि, टमाटर जस्ता पाँच थरी तरकारीमा घातक विषादी

काठमाडौँ : काउली र गोलभेँडासहित विभिन्न पाँच किसिमका तरकारीमा घातक विषादीको अवशेष पाइएको छ ।

कालीमाटी तरकारी बजारमा रहेको केन्द्रीय कृषि प्रयोगशाला अन्तर्गतको द्रुत विषादी अवशेष विश्लेषण प्रयोगशालामा परीक्षण गरेका तरकारीका नमुनामध्ये काउली, तुनेबोडी, गोलभेँडा, हरियो खुर्सानी र भेँडेखुर्सानीमा बढी विषादीको अवशेष फेला परेको पाइएको हो ।

केन्द्रीय कृषि प्रयोगशालाका अनुसार कालीमाटीको विश्लेषण एकाइमा गत आर्थिक वर्ष २०७८\७९ मा दुई हजार ८८३ वटा नमुनाको परीक्षण गरिएकोमा ४६ वटामा अत्यधिक विषादी अवशेष भेटिएको हो ।

परीक्षण गरिएका नमुनामध्ये तोरीको साग, काउली, हरियो खुर्सानी, गोलभेँडामा सातरसात वटा खान नहुने विषादीको अवशेष भेटिएको थियो । यस्तै तुनेबोडीमा पाँचवटा, काँक्रो र घिउ सिमीमा तीनरतीनवटा, भेँडेखुर्सानी र गाँजरमा दुईरदुई वटा, हरियो फर्सी, बन्दा सलगममा एक\एक वटामा विषादीको अवशेष भेटिएको थियो । यी तरकारीमा विषादीको रोकावट दर ४५ देखि १२० प्रतिशतसम्म थियो ।

यस्तै सो अवधिमा २९ किसिमका तरकारीमा केही दिन पर्खेर पुनः परीक्षणमा रिपोर्ट ठीक भएमा खान मिल्ने विषादीको अवशेष भेटियो । यो भनेको विषादीको रोकावट दर ३५ देखि ४५ प्रतिशत हो । विषादीको रोकावट दर ३५ प्रतिशतभन्दा कम भएकालाई मात्र सहज खान मिल्ने भनी वर्गीकरण गरिएको छ ।

आर्थिक वर्ष २०७८\८९ मा भारतबाट भित्रिएको तरकारीको नमुना परीक्षण गराउँदा खान नहुने विषादीको अवशेष भटिएको छ । सो अवधिमा कालीमाटी बजारमा भारतबाट भित्रिएका ४१६ वटा तरकारीको नमुना परीक्षण गर्दा पाँचवटामा खान नहुने विषादीको अवशेष र छवटा तरकारीमा केही दिन पर्खेर पुनः परीक्षण गर्दा ठीक भए मात्रै खान सकिने विषादीको अवशेष भेटिएको केन्द्रीय कृषि प्रयोगशालाले जनाएको छ ।

सो प्रयोगशालाका अनुसार सो अवधिमा कालीमाटी बजारमा भारतसहित चीन, युगान्डा, टर्की, बगङ्लादेश, केन्याबाट भित्रिएका ६२५ वटा तरकारीका नमुना परीक्षण गरेको गरिएको थियो ।

भारतपछि युगान्डाबाट भित्रिएका तरकारीमा १७७ वटा नमुना परीक्षण गरिएकोमा एउटैमा पनि खान नहुने विषादीको मात्रा नभेटिएको प्रयोगशालाकाले जनाएको छ ।