दक्षिण कोरियामा केही दिनदेखि पुनः कोरोना भाइरसको संक्रमण दर तीव्र गतिमा फैलिरहेको कारण नेपाल लगाएत अन्य मुलुकका श्रमिक लैजान रोक लगाएको छ ।
वैदेशिक रोजगारका लागि दक्षिण कोरिया जान भाषा परीक्षा पास गरी लामो पर्खाइपछि १४ फेब्रुअरीमा उडान तय भएर रोकिएका श्रमिकहरूको अर्को उडान तालिका छिट्टै सार्वजनिक गर्न पहल भइरहेको श्रम, रोजगार तथा सामाजिक सुरक्षामन्त्री कृष्णकुमार श्रेष्ठले बताएका छन् ।
संक्रमण दर कम हुनासाथ रोकिएका श्रमिकहरूलाई तत्काल पठाउने व्यवस्था गर्ने पनि उनको भनाइ छ ।