नेपालमा केही साता यता कोरोना संक्रमितको सङ्ख्या निरन्तर घट्दै गएको छ ।
आइतबार १३ हजार १ सय ४५ जनाको परीक्षण गर्दा ३ हजार ५ सय ४० जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयको तथ्यांकअनुसार यो सातामा संक्रमण दर ५.६ प्रतिशतले घटेको हो।
अब ओमिक्रोन भेरियन्टका कारण संक्रमण दर उच्च हुने सम्भावना नरहेको विज्ञहरूले बताएका छन् ।
हाल मुलुकभरका अस्पतालमा ४ सय ९० जना उपचाररत संक्रमित मध्ये १४ जनाको भेन्टिलेटरमा उपचार भइरहेको छ।
अस्पतालको शय्यामा न्यून संख्यामा संक्रमित उपचाररत छन्।
स्वास्थ्य तथा जनसंख्या मन्त्रालयकी प्रवक्ता डा. संगीता मिश्राले पछिल्लो दुई सातामा संक्रमितको संख्या अत्यधिक घटेको बताएकी छिन् ।