नेपाल पुलिस क्लबले च्यासल युथ क्लबलाई पराजित

त्रिपुरेश्वरस्थित दशरथ रंगशालामा बुधबार भएको नेपालको सर्वाधिक ठूलो र स्तरीय सहिद स्मारक ‘ए’ डिभिजन लिग फुटबलमा विभागीय टोली नेपाल पुलिस क्लबले च्यासल युथ क्लबलाई २–१ गोलले पराजित गरेको छ ।

खेलको ३७औं मिनेटमा मिडफिल्डर पासवानले गोल गरी पुलिसलाई थप उर्जा प्रदान गरेका थिए । पहिलो हाफमा १–० गोलले च्यासल पछि परेको हो।

मौसाले पेनाल्टीमा गोल गर्दै च्यासललाई १–१ गोलको बराबरीमा ल्याएका थिए। ७०औं मिनेटमा रवि पासवानले पुलिसलाई २–१ को जित दिलाए। ८७औं मिनेटमा च्यासलले गोलको अवसर गुमाएको थियो।

पुलिसका रवि पासवानले प्लेयर अफ दी म्याच छनोट भई १० हजार पुरस्कार पाए। पुलिस लिगको १०औं स्थानमा उक्लिएको छ भने च्यासल १३औं स्थानमा रहेको छ ।