पुरुषको तुलनामा धेरै महिलाहरुमा डिप्रेसन हुन्छ किन ?

हाल बिश्वमा डिप्रेसनको समस्या धेरै ब्यक्तिहरुमा देखिएको छ । सामान्यतया ब्यक्तिहरुले निराशपनकोे अनुभव गर्नु डिप्रेसन हुनु हो । डिप्रेसनलाई मानसिक समस्या पनि भन्ने गरिन्छ । डिप्रेसनको समस्या भएका ब्यक्तिहरुले आफ्नो जीवन अनि भबिष्य अन्धकार र अर्थहीन देख्छन् ।

त्यस्ता ब्यक्तिहरुमा बारम्बार आत्माहत्याको सोच समेत आउने डाक्टरहरुको भनाई छ । काम प्रति ध्यान नजानु, दिक्क लाग्नु, छिटो रिस उठ्नु, निद्रा नलाग्नु, टोलाइरहनु आदि पनि डिप्रेसको लक्षणहरु हुन् । डिप्रेसन धनी गरिब, बालबालिका, महिला पुरुष र सबै उमेर समूहका मानिसहरुलाइ देखिएता पनि बिषेस गरि २० देखी ३५ बर्ष सम्मका मानिसहरुलाई डिप्रेसनको समस्या भएको अध्ययन अनुसन्धानले देखाउँछ ।

त्यति मात्रै नभएर बिश्व स्वास्थ्य संगठनको रिर्पोट अनुसार डिप्रेसनको समस्या पुरुषहरुमा भन्दा महिलाहरुमा बढी देखिन्छ । महिलाहरु बढी भावुक हुन्छन् । महिलाहरुमा कामको बोझ सँगै जीम्मेवारी थपिएको हुन्छ । महिलाहरुले धेरै समस्या सामना गर्दै आएका हुन्छन् । कतिपय महिलाहरु घरेलु हिंसाको सिकार बनेका हुन्छन् ।

परिवार र समाजबाट अपलेहित भएका हुन्छन् । जसले गर्दा मानसिक चिन्ता बढ्दै जान्छ । तसर्थ पुरुषको तुलनामा धेरै महिलाहरुमा डिप्रेसनको समस्या देखा पर्दछ । डिप्रेसनको समस्याबाट बच्नका लागि नकरात्मक सोचबाट टाढा रहने, सिर्जनात्मक कार्यमा संलग्न हुने, नियमित योग ध्यान गर्ने, समयमा नै सुत्ने र समयमा नै उठ्ने बानीको बिकास गर्ने, परिवारको सदस्य सँग समय बिताउने आदि गरेमा डिप्रेसनको समस्याबाट टाढा रहन सकिन्छ ।