पोखराबाट मुस्ताङ उडेको जहाजको आपतकालिन अवतरण

कास्की । जोमसोमका लागि पोखराबाट आइतबार बिहान उडेको समिट एयरको जहाज इन्जिनमा खराबी देखिएका कारण ७ मिनेटमै पोखरामा आपतकालिन अवतरण भएको छ ।

जहाज पोखराबाट बिहान ७ः५९ बजे उडेको थियो ।

जहाज उडेको ७ मिनेटमा फेरि पोखरा विमानस्थलमा अवतरण भएको पोखरा विमानस्थलका सूचना अधिकारी देवराज सुवेदीले बताएका हुन ।

पाइलटले जहाजमा खराब सङ्केत देखिएको भन्दै दायाँ इन्जिन अफ गरी जहाजलाई पोखराको आकाशमा एक फन्को लगाएर फेरि पोखरानै अवतरण गराएका थिए ।

जहाज पोखरा विमानस्थलमा आपतकालिन अवतरण गरेपछि यात्रुमा रुवाबासी चलेको थियो ।

जहाजको आपतकालिन अवतरण भए पनि विमानस्थलमा आकस्मिक तैनाथ गर्न भने नपरेको जानकारी सूचना अधिकारी सुवेदीले बताए।