बाँदर आतंककै कारण भोजपुरका किसान फलफूल खेतीमा आकर्षित

भोजपुरमा बाँदरको कारण अन्नबाली भित्र्याउन नपाएपछि किसानहरु फलफूल खेतीमा लागेका छन् ।

खेतीयोग्य जमिनमा अन्नबाली लगाउँदा बाँदरले नाश गर्ने भएकाले किसानहरुले अन्नबालीको विकल्पमा फलफूल खेती गर्न थालेका हुन् ।

बाँदरको आतंकले आजित भएर धेरै गाउँबस्ती बसाइँ सरेका र खेती योग्य जमिन बाँझो भएका छन् ।

बाँदरकै कारण प्रभावित भएर बसाइँ सरेका केही बस्ती भने पूःन फर्किएर बाँदरले नखाने खालका खेती गर्न थालेका छन् ।

गाउँका सबै किसानहरुले बाँझो जमिनलाई हराबरा बनाउने योजना समेत बनाएका छन् ।