मानव शरीरमा पानीको कमीले पार्ने असर

पानी सबै जीवित प्राणीलाई अत्तिआवश्यक तरल पदार्थ हो । मानव शरीरको लगभग ७५ प्रतिशत भाग पानीले ओगटेको हुन्छ । एक स्वस्थ बयस्क मानिसलाई दैनिक कम्तिमा पनि ३ देखि ४ लिटर पानिको आवश्यक पर्दछ । यो मात्रा तापक्रम, हावापानी र ब्यक्तिको श्रमको क्षमतामा भर पर्छ ।

पानीको अभावमा पृथ्वीका सबै प्राणी तथा बोट बिरुवा रहदैनन् । मानिसलाई दैनिक खानेकुराको आवश्यकता परे जस्तै पानीको पनि त्यतिनै आवश्यकता पर्दछ । पानीले मानव शरीरमा रोग प्रतिरोधात्मक क्षमता बृद्धि गर्दछ । शरीरमा पानीको मात्रा कमी भएमा शारीरीक मात्र नभई मानसिक समस्या समेत उत्पन्न हुन्छ ।

चिकित्सकहरुको अनुसार शरीरमा पानीको मात्रा कमी भएमा सेरोटोनिकको मात्रा परिवर्तन टाउको दुख्ने समस्या उत्पन्न हुन्छ । त्यसैगरी बैज्ञानिकहरुका अनुसार “ शरीरमा हुने पानीको मात्रा (६० प्रतिशत)को केबल १.५ प्रतिशत कम हुँदा पनि शरीर सुख्खा भई हिडाइड्रेसनको असर देखा पर्न थाल्छ । ”

साथै शरीरमा पानीको कमीले अल्छीपन, थकित महसुस हुने, छिटो रिसाउने जस्ता मानसिक समस्याहरु देखा पर्दछ भने छाला सुख्खा हुने, मांशापेशी बाउँडिने, टाउको दुख्ने, आँखा धमिलो हुने, कब्जियत हुने जस्ता शारीरक असरहरु देखा पर्दछ । यस्ता शारीरीक तथा मानसिक असरहरुबाट बच्न दैनिक आवश्यकता अनुसार पानी पिउँनुपर्छ ।