रुसको विद्यालयमा चलेको गोलीले १३ जनाको मृत्यु

रुस : रूसको इजेभ्स्क शहरको एक विद्यालयमा सोमबार भएको गोलीकाण्डमा सात बालबालिका सहित कम्तीमा १३ जनाको मृत्यु भएको छ ।

रुसी अनुसन्धान निकायलाई उद्धृत गर्दै रुसी समाचार संस्था तासले बताए अनुसार मध्यपश्चिमी रुसको उडमुर्त गणतन्त्रको राजधानी इजेभ्स्कको शहरी प्रशासन भवन नजिकै अवस्थित विद्यालयमा भएको आक्रमणमा सात बालबालिका सहित १३ जनाको मृत्यु भएको छ ।

घटनामा १४ बालबालिका र अन्य सात जना घाइते भएका छन् ।

आक्रमणकारीले आत्महत्या गरेको र उसको शव फेला परेको र उसले नाजी चिन्ह अङ्कित कालो टि–सर्ट र मास्क लगाएको भेटिएको रूसी प्रहरीले जनाएको छ ।

घटनाप्रति दुःख व्यक्त गर्दै उदमुर्त गणतन्त्रको प्रशासनले सोमबारदेखि तीन दिने शोकको घोषणा गरेको छ ।