वर्डफ्लु संक्रमित पंक्षीको प्रत्यक्ष सम्पर्कबाट मानिसमा सर्ने

ईन्फ्लुएन्जा ए नामक विषाणुको माध्यमबाट बिशेष गरी कुखुरा, बट्टाई, टर्की लगयत अन्य चराचुरुङ्गि जस्ता पंक्षीहरुमा वर्डफ्लु रोग लाग्दछ । सन् १८७८ मा चराचुरुङ्गिमा वर्डफ्लु रोग पहिचान भएको हो ।

ईन्फ्लुएन्जा नामक बिषाणु संक्रमित पंक्षीको सुलिमा ४ डिग्री सेन्टीग्रेड तापक्रममा कम्तिमा ३० दिनसम्म जीबित रहन्छ । २२ डिग्री सेन्टीग्रेड तापक्रम भएको तालको पानीमा ४ दिनसम्म जीबित रहन सक्छ ।

बिश्व पशु स्वास्थ्य सङ्गठनको अनुसार ‘नोटिफाइअबल एभियन ईन्फ्लुएन्जा’ भाइरसको ‘सब टाइप ’बाट हुने रोग वर्डफ्लु हो भनिएको छ । बिज्ञहरुका अनुसार वर्डफ्लु भाइरस अत्यन्त अस्थिर खालको हुन्छ । बिषेश गरी वर्डफ्लु भाइरसलाई तीन भागमा बिभाजन गरीएको छ ।

‘ए’ ‘बि’ र ‘सि’ ति मध्ये ‘ए’ प्रकारको भाइरस सबैभन्दा बढी खतरनाक हुन्छ । वर्डफ्लु संक्रमित पंक्षीहरुको प्रत्यक्ष सम्पर्कबाट मानिसमा पनि सर्ने गर्दछ ।

संक्रमित पंक्षी पानीमा तैरीरहेको बेला पनि मानिसमा सर्ने सम्भावना हुन्छ । यो भाइरस मानिसको आँखा, नाक र मुखको माध्यमबाट सर्ने गर्दछ ।

हावा पानीको माध्यबाट यो भाइरस ब्यापक रुपमा मानिसमा फैलने गर्दछ । यस रोगले श्वासप्रश्वासमा असर गर्छ ।

यो रोग मानिसमा लागेमा जरो आउने, खोकी लाग्ने, जीउ दुख्ने, फोक्सोमा असार गरी श्वास फेर्न असहज हुने आदि लक्षणहरु देखिने चिकित्सकहरुको भनाई छ ।

यो रोग एक प्रकारको प्राण घातक रोग भएकाले समयमानै उपचार नगरेमा ज्यान समेत जान सक्छ । तसर्थ वर्डफ्लुबाट बच्न संक्रमित पंक्षीबाट टाढा रहनुपर्छ, खानपानमा ध्यान दिनुपर्छ, सरसफाइमा ध्यान दिनुपर्छ । यसरी सुरक्षित जीवनशैली अपनाएमा वर्डफ्लुबाट बच्न सकिन्छ ।