स्याङ्जामा देखियो अफ्रिकन स्वाईन फिभर

स्याङ्जा : स्याङ्जामा अफ्रिकन स्वाईन फिभर देखिएको छ ।

पुतलीबजार नगरपालिकामा पालिएका बंगुरमा अफ्रिकन स्वाईन फिभर देखिएको हो ।
यो रोग स्याङ्जामा पहिलो पटक देखिएको हो।

फिभरका कारण पुतलीबजारका झण्डैं ३ सय वटा बंगुर मरेको भेटेरिनरी अस्पताल तथा पशु सेवाविज्ञ केन्द्र स्याङ्जाले जनाएको छ।

बंगुर झोक्राउने, खान खान रुची नदेखाउने, ज्वरो आउने, शरीरमा ढब्बा तथा निलो दागहरु देखिने, नाक र मुखबाट रगत र पानी र र्‍याल बग्ने लक्षण संक्रमित बंगुरमा देखिएको छ ।