हेटौँडा सडक विवादमा अदालतको पेसी

काठमाडौँ :
हेटौँडा बजार क्षेत्रमा सडक विस्तार विवादमा सर्वोच्च अदालतले सुनुवाइको लागि पेसी तोकेको छ । यो सुनुवाई आठौँ पटक हुँदैछ ।

रास्वपा नेतृ विन्दवासिनी कंसाकारसहित ६ जनाले सडक विस्तारले सम्पत्ति अधिकारमा असर पुर्याएको भन्दै रिट दायर गरेका थिए । सर्वोच्च अदालतका न्यायाधीश सपना प्रधान मल्ल र अब्दुल अजिज मुसलमानको इजलासले सुनुवाइको मिति तय गरेको हो ।

अदालतले यसअघि अल्पकालीन अन्तरिम आदेश र मिसिल फाइल झिकाउने आदेशसमेत जारी गरिसकेको छ ।