१८ प्रकारका औषधि उत्पादन गर्दै नेपाल औषधि लिमिटेड

सरकारी स्वामित्वमा चलेकोे नेपाल औषधि लिमिटेडले आफ्नो उत्पादन क्षमता वृद्धि गर्ने भएको छ । कम्पनीले हेमोडाइलासिस सहित अन्य थप १८ प्रकारका औषधि उत्पादन गर्न लाई उत्पादन क्षमता बढाउन लागेको हो ।

लिमिटेडले विभिन्न संक्रमणमा प्रयोग हुने एन्टीबायोटिक, गर्भवती र बच्चालाई स्तनपान गराउँदा रगतको कमीबाट हुने रोगबाट बचाउने औषधि लगायत सेनिटाइजर, ग्लिसिरिन र जीवनजल गरी थप १८ वटा औषधि उत्पादन गर्ने तयारी गरेको हो ।

महाप्रबन्धक सफिउल्लाहका अनुसार लिमिटेडले ती औषधि उत्पादनका लागि औषधि सेवा विभागमा अनुमती मागिसकेको छ । औषधि व्यवस्था विभागको टोलीले अनुगमन पश्चात् उत्पादन अनुमती दिए लगतै ती औषधिको उत्पादन सुरु गर्ने तयारी रहेको छ ।