काठमाडौँ । बेल्जियममा आयोजना हुन लागेको पहिलो फ्रेन्चाइज क्रिकेट ‘इयू टी–२० लिग‘मा नेपाली खेलाडीहरूले पनि प्रतिस्पर्धा गर्ने भएका छन्। जनकपुर बोल्ट्स (एनपिएल) को मुख्य लगानीकर्ता ड्रिम स्पोर्ट्सको स्वामित्वमा रहेको ‘जेबी ब्रुजेज’ टोलीले नेपाली खेलाडीलाई आबद्ध गरेको हो।
टोलीले दक्षिण अफ्रिकी स्टार ब्याटर रासी भान डर डुसेनलाई अनुबन्ध गरिसकेको छ भने आबद्ध गरिएका नेपाली खेलाडीहरूको नाम केही दिनमै सार्वजनिक गर्ने जनाएको छ। जेबी ब्रुजेजका अनुसार भर्खरै सम्पन्न टी–२० विश्वकपमा उत्कृष्ट प्रदर्शन गरेका राष्ट्रिय टोलीका खेलाडीहरू यसमा सहभागी हुनेछन्।
आगामी जुन ६ देखि १४ सम्म चल्ने यो लिगमा ६ टोलीले प्रतिस्पर्धा गर्दैछन्। २४ मार्चमा हुने ड्राफ्टका लागि नेपालका कप्तान रोहित पौडेल र सन्दीप लामिछानेसहित १५ भन्दा बढी नेपाली खेलाडीहरूले नाम दर्ता गराएका छन्।
लिगमा एन्जेलो म्याथ्युज, वानिन्दु हसरंगा र एलेक्स हेल्स जस्ता विश्वचर्चित खेलाडीहरू समेत देखिनेछन्।
Leave a Reply