आजदेखि स्थानीय चुनावका लागि दल दर्ता

आगामी वैशाख ३० मा हुने स्थानीय तहको निर्वाचनको लागि आजदेखि फागुन १५ सम्म दल दर्ता गर्न निर्वाचन आयोगले आह्वान गरेको छ ।

आयोगले संविधानको धारा २७१ बमोजिम राजनीतिक दलसम्बनधी नियमावली २०७४ को अनुसूची १२ बमोजिमको ढाँचामा स्थानीय तह निर्वाचनका लागि दल दर्ता गर्न आग्रह गरेको हो ।

निवेदनको ढाँचा आयोग सचिवालयबाट प्राप्त गर्न सकिने जनाएको छ ।

दलसम्बन्धी विवरण राजनीतिक दलको पूरा र संक्षिप्त नाम, स्थापना भएको मिति, आयोगमा दर्ता भएको मिति, केन्द्रीय कार्यालय रहेको ठेगाना, पत्राचार गर्ने ठेगाना, टेलिफोन नम्बर, इमेल र वेबसाइ स्पष्ट खुलार मात्र दल दर्ताका लागि निवेदन दिनुपर्ने आयोगले जनाएको छ ।