आज १०बजे गठबन्धनको बैठक बस्ने

हिजो संसझा एमसीसी अघि बढाउने विषयमा सहमति जुटाउन बसेको सत्ता गठबन्धनको बैठक बिना निष्कर्ष टुंगिए पछि पुन आज बिहान १० बजे बैठक बस्ने माओवादी अध्यक्ष पुष्पकमल दाहालका स्वकीय सचिव रमेश मल्लले जानकारी दिए ।

हिजो बसेको बैठकमा प्रधानमन्त्री देउवा, कांग्रेसबाट महामन्त्री गगन थापा, नेताहरू कृष्णप्रसाद सिटौला, प्रकाशशरण महत, कानुनमन्त्री दिलेन्द्रप्रसाद बडु, माओवादी केन्द्रका अध्यक्ष पुष्पकमल दाहाल, नेता नारायणकाजी श्रेष्ठ, एकीकृत समाजवादी अध्यक्ष माधवकुमार नेपाल, झलनाथ खनाल, जनता समाजवादी पार्टीका संघीय परिषद् अध्यक्ष बाबुराम भट्टराई र राजेन्द्र श्रेष्ठ लगायत नेताहरू उपस्थित भएका थिए ।

एमसीसीलाई अघि बढाउने विषयमा कांग्रेस नेताहरु सहमति भएता पनि माओवादी केन्द्र र एकीकृत समाजवादीका नेताहरुले असहमति जनाएकाले फेरि सहमतिको कोसिस गर्न आज बिहान बैठक बस्ने भएको हो ।