रास्वपाको प्रशिक्षण सुरुः किन आएनन् रवि र बालेन?

काठमाडौँ । राष्ट्रिय स्वतन्त्र पार्टी (रास्वपा) का नवनिर्वाचित सांसदहरूका लागि आजदेखि ललितपुरमा सुरु भएको दुई दिने अभिमुखीकरण कार्यक्रममा पार्टीका शीर्ष नेताहरू नै अनुपस्थित भएका छन्। उपसभापतिद्वयले उद्घाटन गरेको कार्यक्रममा सभापति रवि लामिछाने र वरिष्ठ नेता बालेन शाह नदेखिएपछि धेरैले चासो व्यक्त गरेका छन्।

​पार्टी स्रोतका अनुसार स्वास्थ्य समस्या र कार्यव्यस्तताका कारण रवि र बालेन उद्घाटन सत्रमा सहभागी हुन नसकेका हुन्। समापन समारोहमा सभापति लामिछाने सहभागी हुने कार्यतालिका भए पनि वरिष्ठ नेता बालेन शाहको उपस्थितिबारे भने अझै निश्चित गरिएको छैन।

​सांसदहरूलाई संसदीय अभ्यास सिकाउन आयोजित यस कार्यक्रमको मुख्य आकर्षण मानिएका दुई शीर्ष नेताहरूको अनुपस्थितिलाई राजनीतिक वृत्तमा अर्थपूर्ण रूपमा हेरिएको छ।