समर्थकलाई रवि लामिछानेको निर्देशन “अराजक र असहिष्णु नबन्नु”

काठमाडौं । ​राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्ना कार्यकर्ता र समर्थकहरूलाई सामाजिक सञ्जालमा संयमित र जिम्मेवार हुन निर्देशन दिएका छन्। ललितपुरमा आयोजित एक कार्यक्रममा बोल्दै लामिछानेले पार्टी समर्थकहरूमाथि लाग्ने गरेको ुअराजकु र ुअसहिष्णुु भन्ने आरोपलाई चिर्नुपर्ने बताए।

​उनले विजयी हुनुको अर्थ विपक्षीलाई गाली गर्ने अधिकार पाउनु नभएको प्रष्ट पारे। ूरास्वपालाई छुनै हुँदैन, गाली गरिहाल्छन् भन्ने जुन छवि बनेको छ, अब त्यसबाट बाहिर निस्कनुपर्छ,ू लामिछानेले भने।

​स्थापनाको छोटो समयमै विभिन्न चुनौती र आक्रमण झेल्नु परेकाले कार्यकर्तालाई पर्याप्त प्रशिक्षण दिन नसकिएको स्वीकार गर्दै उनले अबदेखि सार्वजनिक मञ्च र सामाजिक सञ्जालमा सभ्य भएर प्रस्तुत हुन सबैलाई अपिल गरेका छन्।