काठमाडौँमा डिग्रीधारी प्रहरी पनि तालिममा सहभागी

काठमाडौँ :
आगमी निर्वाचनका लागि काठमाडौँमा ४ हजार ८७३ निर्वाचन प्रहरी भर्ना भएका छन् । तीमध्ये ६ जना स्नातकोत्तर (पोष्टग्राजुएट) र ३५ जना स्नातक उतीर्ण उत्तीर्ण रहेका छन् ।

नेपाल प्रहरी प्रवक्ता डिआईजी अभि नारायण काफ्लाका अनुसार माघ १८ देखि भर्ना भएका प्रहरीहरुको १० दिने तालिम सुरु भइसकेको छ । तालिममा शारीरिक व्यायाम, सलामी अभ्यास र सर्वसाधारणसँग कसरी व्यवहार गर्ने जस्ता प्रशिक्षण दिइँदैछ ।

नेपाल प्रहरी अहिलेसम्म १ लाख ३३ हजार ९८० र सशत्र प्रहरी बलले १५ हजार ११० निर्वाचन प्रहरी छनौट गरिसकेको छ । देशभर कति डिग्रीधारीहरु भर्ना भएका छन् भन्ने विवरण संकल भइरहेको छ ।

जिल्ला प्रहरी परिसर काठमाडौँका डिएसपी कौशल बुढाथोकीका अनुसार, काठमाडौँमा भर्ना भएका डिग्रीधारी प्रहरीहरुले तालिमपछि निर्वाचनको सुरक्षामा खटिने तयारीमा छन् । यस पटक कुल १ लाख ४९ हजार ९० प्रहरी निर्वाचनमा खटिने तयारीमा छन् ।