प्रकाश सपुतले बागलुङमा चुनावी अभियान सुरु गरे

काठमाडौँ :
राष्ट्रिय स्वतन्त्र पार्टी (रास्वपा) को समानुपातिक सूचीबाट उम्मेदवार बनेका कलाकार प्रकाश सपुतले आफ्नो गृह जिल्लामा चुनावी अभियान सुरु गरेका छन् ।

सपुतले शनिबार बागलुङ बजार, काठेखोला गाउँपालिका–३, धम्जा र अन्य वडामा घरदैलो र वडा भेला गरेर मतदातासँग भेटघाट गरे । उनले सर्वसिद्धिधाम पञ्चकोटको दर्शन गरी शुभकामना लिएका थिए ।

सपुतका अनुसार उनले आफुले आर्दश मान्ने स्थानीय नेताहरु विरुद्ध पनि चुनावी अभियान सञ्चालन गरेका छन् । यसले मतदातामा उत्साह जगाएको बताइएको छ ।

बागलुङ–१ र बागलुङ–२ क्षेत्रमा प्रत्यक्ष र समानुपतिक उम्मेदवारको भिडभाड छ । सपुतले रास्वपाको समानुपातिक उम्मेदवारको रुपमा मत माग्दै देशव्यापी अभियाानको तयारी पनि गर्दैछन् ।

उहाँको चुनावी यात्रा घरदैलो, भेला, धार्मिक स्थल भ्रमण र सामाजिक सञ्जालमार्फत फैलाउने शैलीमा भइरहेको छ । रास्वपा बागलुङका अध्यक्ष महेन्द्र खड्काका अनुसार सपुतको उपस्थितिले मतदातामा सकारात्मक प्रभाव परेको छ ।