रास्वपाका नवनिर्वाचित सांसदहरुको दुई दिने अभिमुखीकरण सुरु

काठमाडौँ । राष्ट्रिय स्वतन्त्र पार्टी (रास्वपा) ले नवनिर्वाचित प्रतिनिधि सभा सदस्यहरुका लागि दुई दिने अभिमुखीकरण कार्यक्रम सुरु गरेको छ । ललितपुरको ग्वार्कोस्थित रोयल टुलिप होटलमा आज बिहान १० बजेदेखि कार्यक्रम सुरु भएको हो । चैत ३ र ४ गते चल्ने यस प्रशिक्षणको उद्धाटन पार्टीका शीर्ष नेताहरुबाट हुने कार्यतालिका छ ।

अभिमुखीकरणमा सांसदहरुलाई संसदीय अभ्यास, नीति निमार्ण, संसद्को कार्यप्रणाली र जनप्रतिनिधिको जिम्मेवारीबारे प्रशिक्षण दिइनेछ । साथै, पार्टीले निर्वाचनका क्रममा जनतामाझ गरेको ‘करार’ र आगामी दिनमा अपनाउनुपर्ने रणनीतिका विषयमा पनि छलफल हुने प्रवक्ता मनिष झाले जानकारी दिनुभयो ।

हालै सम्पन्न निर्वाचनमा रास्वपाले प्रत्यक्ष र समानुपातिकतर्फ गरी कुल १८२ सिट हासिल गरेको छ । महामन्त्री कबिन्द्र बुर्लाकोटीले ६ बुँदे निर्देशन जारी गर्दै सबै नवनिर्वाचित सांसदहरुलाई यस प्रशिक्षणमा अनिवार्य उपस्थित हुन आह्वान गर्नुभएको छ ।