संखुवासभाको मकालु गाउँपालिका–५ को नुम र वडा नम्बर–१, वालुङ जोड्ने अरुण नदीमा निर्माण गरिएको बेलिब्रिज भाँचिएको छ ।
संखुवासभाका प्रमुख जिल्ला अधिकारी नुरहरि खतिवडा को भनाइ अनुसार हिजो शनिबार दिउँसो निर्माणाधीन इप्सुवा हाइड्रोपावर कम्पनीको निर्माण सामग्री बोकेको तीनवटा ‘लो वेट’ ट्रक तार्ने क्रममा बेलिब्रिज भाँचिएको हो ।
उक्त बेलिब्रिज भाँचिएपछि तीनवटा ट्रक अरुण नदीमा खसेको प्रजिअ खतिवडाको भनाइ छ ।
ट्रकमा सवार चालक र सहचालक सकुशल रहेको तथा आवतजावत ठप्प भएको कार्यपालिका सदस्य पुरन याम्फुले जानकारी दिए ।
Leave a Reply