हिउँका कारण अवरुद्ध जोमसोम लोमन्थाङ सडक खुल्यो

बाक्लो हिमपातले गर्दा पछिल्लो एक हप्ता देखि अवरुद्ध भएको मुस्ताङको जोमसोम लोमन्थाङ सडकमा हिउँ पन्छाएर शुक्रबारदेखि सवारी सञ्चालन भएको छ ।

लो–घेकर दामोदर कुण्ड गाउँपालिकाले जमेका बाक्लो हिउँ डोजरको सहायताले पन्छाएपछि जीप, ट्रक र ट्याक्टर चल्न थालेको छ ।

हिउँ जमेर सडक अवरुद्ध भएपछि अलपत्र परेर बीचमै रोकिएका खाद्यान्न तथा मालसामान र विकास निर्माणका सामग्री बोकेका सवारीसाधन तथा यात्रा गरिरहेका सर्वसाधारणहरु आ–आफ्नो गन्तव्यतर्फलाग्ने क्रम जारी छ ।

गाउँपालिकाका जनप्रतिनिधिहरु आफै फिल्डमा गएर हिमपात पन्छाएका हुन् ।