Author: Nabin Bhattarai

कैलाली । सुदूरपश्चिमका मुख्यमन्त्री कमलबहादुर शाहमाथि घुस मागेको आरोप लगाउँदै आएका वरिष्ठ डिभिजन वन अधिकृत कृष्णदत्त भट्ट पक्राउ परेका छन्। उनलाई जिल्ला प्रहरी कार्यालय कैलालीको टोलीले उद्योग, पर्यटन, वन तथा वातावरण मन्त्रालय परिसरबाट नियन्त्रणमा लिएको हो।

​वन निर्देशनालयमा कार्यरत भट्टविरुद्ध मुख्यमन्त्री शाहका स्वकीय सचिव प्रयागराज खनालले विद्युतीय कारोबार ऐनअन्तर्गत जाहेरी दिएका थिए। सोही जाहेरीका आधारमा उनलाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक योगेन्द्रसिंह खड्काले जानकारी दिए।

​मन्त्रालयले सोधेको स्पष्टीकरण बुझाउन पुगेका बेला भट्टलाई प्रहरीले पक्राउ गरेको हो।

​केही दिनअघि भट्टले एक अन्तर्वार्तामा मुख्यमन्त्री शाहले आफूसँग ५ लाख रुपैयाँ घुस मागेको र रकम दिन अस्वीकार गरेपछि पूर्वाग्राही भई सरुवा गरेको गम्भीर आरोप लगाएका थिए। हाल भट्टलाई जिल्ला प्रहरी कार्यालयको हिरासतमा राखी थप अनुसन्धान भइरहेको छ।

काठमाडौँ । साताको पहिलो दिन सोमबार सेयर बजार परिसुचक नेप्सेमा दोहोरो अंकको गिरावट आएको छ । बजार २६.०७ अंकले घटेर २ हजार ७ सय ९८ को विन्दुम सीमित भएको छ ।

बजारमा गिरावट आएसँगै कारोबार रकममा पनि संकुचन देखिएको छ । अघिल्लो दिन १४ अर्ब ३५ करोड रुपौयाँ बराबरको कारोबार भएकोमा सोमबार घटेर ११ अर्ब ९७ करोड रुपैयाँमा झरेको छ ।

सोमबार कुल २११ कम्पनीको मूल्य घट्दा ४८ कम्पनीको मूल्यमा मात्र वृद्धि भएको छ । चार कम्पनीको सेयर मूल्य भने स्थिर रहेको छ । समूहगत सूचकहरुमध्ये उत्पादन तथा प्रशोधन समूह ०.२५ प्रतिशतले बढेको छ भने बाँकी सबै समूहका सूचकहरु घटेको छ । विशेषगरी बैंकिङ, लगानी र अन्य समूहको सूचकमा बढी गिरावट देखिएको छ ।

बजारमा गिरावट आए पनि ५ वटा कम्पनीको सेयर मूल्यमा भने १० प्रतिशतको ‘पोजिटिभ सर्किट’ लागेको छ । रिलायन्स स्पिनिङ मिल्स, साल्पा विकास बैंक, अपर हेवाखोला जलविद्युत, सोलु हाइड्रोपावर र होटल फरेस्ट इनको सेयर मूल्य १० प्रतिशतले बढेको हो । त्यसैगरी, पिपुल्स हाइड्रोपावरका लगानीकर्ताले पनि राम्रो कमाएका छन् ।

यता, नारायणी डेभलपमेन्ट बैंक र ग्रिनलाइफ हाइड्रोपावरका लगानीकर्ताले भने सबैभन्दा बढी गुमाएका छन् । दिनभरको कारोबारमा आँखुखोला जलविद्युत्, नेसनल हाइड्रोपावर र अपर हेवाखोलाको सेयर सबैभन्दा बढी खरिद–बिक्री भएको छ ।

काठमाडौं । भदौ २३ र २४ को घटनाबारे छानबिन गर्न गठित ‘कार्की आयोग’ को प्रतिवेदन सार्वजानिक गर्न माग गर्दै काठमाडौँको माइतीघरमा जेन्जी युवाहरुद्धारा प्रर्दशन भएको छ । जेन्जी मुभमेन्ट एलाइन्स, नेपाल जेन्जी फ्रन्ट र जेन्जी सिभिज फोरम लगायतका युवा समूहहरुले उक्त प्रतिवेदन अविलम्ब सार्वजानिक गर्न सरकारलाई दबाब दिएका हुन् ।

प्रर्दशनमा उत्रिएका युवाहरुले आँखामा पट्टी बाँधेर सांकेतिक विरोध जनाएका छन् । उनीहरुले जेन्जी प्रर्दशनका घाइते तथा शहीदहरुलाई न्याय दिनुपर्ने माग गर्दै ‘कार्की आयोगको पूर्ण प्रतिवेदन खोई?’, ‘कलमले लेखेका सत्यलाई सत्ताको कैँचीले नकाट’ र ‘एएर ४०४ः जस्टिस नट फाउन्ड’ जस्ता नारा लेखिएका प्लेकार्डहरु प्रर्दशन गरेका थिए ।

प्रर्दशनका क्रममाा सहभागी युवाहरुले सरकाले नियुक्तिका सवालमा नातावाद र कृपाबादलाई प्रश्रय दिएको भन्दै तीव्र आक्रोशसमेत व्यक्त गरेका थिए ।

काठमाडौँ । मध्यपूर्वमा जारी तनावका कारण सरकारले इजरायल, टर्की लगाएत ११ देशमा वैदेशिक रोजगारीका लागि दिइने श्रम स्वीकृत तत्कालका लागि स्थगित गरेको छ । इजरायल–अमेरिका र इरानबीचको युद्धको कारण नेपाली श्रमिकहरुको सुरक्षालाई मध्यनजर गर्दै सरकाले यस्तो निर्णय लिएको हो

फागुन १७ गते मन्त्रीस्तरीय निर्णयमार्फत साउदी अरब, यूएई, कतार, कुवेत, बहराइन, ओमान, इराक, यमन, जोर्डन, लेबनान, टर्कि र इजरायलमा श्रम स्वीकृत तथा नवीकरण प्रक्रिया अर्को सुचना जारी नभएसम्मका लागि बन्द गरिएको छ ।

सरकारले प्रतिबन्ध लगाए पनि फागुन महिनामा मात्रै ५२ हजार ९४४ जना नेपाली रोजगारीका लागि विदेशिएका छन् । वैदेशिक रोजगार विभागका अनुसार यसमा ४६ हजार ४५२ पुरुष र ६ हजार ३९२ महिला रहेका छन् । फागुनको दोस्रो सातासम्म श्रम स्वीकृत खुल्ला रहेकाले यो संख्या उच्च देखिएको हो ।

तथ्यांक अनुसार फागुनमा सबैभन्दा धेरै बढी मलेसियामा १२ हजार ६०१ जना, यूएईमा ११ हजार ४९२ जना, कतारमा ६ हजार ७७५ जना र साउदी अरबमा ६ हजार ७७५ जना र साउदी अरबमा ६ हाजार २२५ जना रोजगारीका लागि गएका छन् । पछिल्लो महिनाहरुको तुलनामा यो संख्यामा केही कमी आएको विभागको भनाइ छ ।

कर्णाली । सुर्खेतको गुर्भाकोट नगरपालिका–११ पिप्ले गाउँकी माया कठायत दुई छोराछोरीसहित सम्पर्कविहीन भएकी छिन्

जिल्ला प्रहरी कार्यालयका सूचना अधिकारी एवं प्रहरी नायब उपरीक्षक मोहनजङ्ग बुढ्थापाका अनुसार कठायत ११ वर्षीया छोरी आशा र पाँच वर्षीय छोरा दीपक कठायतसहित आइतबार बिहानदेखि सम्पर्कविहीन भएकी हुन् । श्रीमान् भूपेन्द्र कठायतले आइतबार बेलुका छोराछोरीसहित श्रीमती सम्पर्कविहीन रहेको प्रहरी चौकी गुमीलाई जानकारी दिनुभएको थियो ।

सो जानकारीपश्चात् चौकीका वरिष्ठ हवल्दार गोपाल गुरुङको नेतृत्वमा चार सुरक्षाकर्मी र वडाध्यक्षसहित स्थानीयले खोजतलास सुरु गरेका थिए । खोजतलासका क्रममा घरदेखि तीन किलोमिटर टाढा भेरी नदीको किनारमा मायाले प्रयोग गरेको झोला, सल, चप्पल र एक थान मोबाइल फेला परेको सूचना अधिकारी बुढ्थापाले बताउनुभयो ।

तीनैजनाको खोजतलासका लागि भेरी नदी तथा त्यसआसपासको क्षेत्रमा इलाका प्रहरी चौकीहरुबाट ३५ प्रहरी र स्थानीय परिचालन गरिएको छ ।

(साभारः रासस)

बुटवल । प्रतिनिधिसभाको समानुपातिकतर्फ रुपन्देही जिल्लाबाट ७ जनाको नाम सिफारिस भएको छ । राष्ट्रिय स्वतन्त्र पार्टी (रास्वपा), नेपाली काग्रेस र राष्ट्रिय प्रजातन्त्र पार्टि (राप्रपा) ले आ–आफ्नो कोटाबाट उम्मेदवारहरुको नाम टुङगो लगाएका छन् ।

रास्वपाले श्रद्धा कुँवर, मन्जु भुसाल, ज्ञानु पौडेल, अमृता विक र पुनम कुमारी अग्रवाल गरी ५ जनालाई सिफारिस गरेको छ । यीमध्ये कुँवर, भुसाल र पौडेल खस–आर्यबा, विक दलितबाट र अग्रवाल मधेसी कोटाबाट सिफारिस भएका छन् ।

राप्रपाले मुस्लिम कोटाबाट ताहिर अलीलाई र नेपाली कांग्रसले गंगा शाहीलाई समानुपातिक सांसदमा सिफारिस गरेको छ ।

यसअघि नेकपा एमालेले एजाज आलमलाई उम्मेदवार बनाएको भए पनि अन्तिम समयमा मुस्लिम कोटाबाट दाङकी साजिदा सिद्धिकीलाई सिफारिस गरेको छ । नेकपाको सुचीमा आदिवासी जनजाति कोटाबाट चेत बहादुर पुन उम्मेदवार थिए ।

अमेरिका–इजराइल र इरानबीचको युद्धले मध्यपूर्वमा तनाब बढ्दै गएको छ । यात्रु र कर्मचारीहरुको सुरक्षाको सुनिश्चितताका लागि दुबई अन्तराष्ट्रिय विमानस्थलबाट हुने उडानहरु अस्थायी रुपमा बन्द गरिएको अधिकारीहरुले बताएका छन् ।

दुबईको सञ्चार माध्यमहरुका अनुसार सोमबार भएको ड्रोन आक्रमणमा विमानस्थलबाट नजिकै रहेको इन्धन ट्याङकीमा आगलागी भएको थियो । अहिले त्यस आगो नियन्त्रण ल्याउने काम भईरहेको छ ।

यस युद्धले तिब्र रुप लिएसँगै खाडी क्षेत्रका विभिन्न ठाउँहरुमा मिसाइल तथा ड्रोन आक्रमण धेरै भइरहेको छ । प्रेब्रुअरी २८ देखि सुरु भएको यस युद्ध कहिले सकिने हो भन्नेबारे केहि निर्णय आएको छैन् ।

खाडी क्षेत्रका विभिन्न देशहरुले करिब दुई हजारभन्दा बढी मिसाइल र ड्रोन आक्रमणको सामाना गरिसकेका छन् । यस आक्रमणबाट अमेरिकी सैन्य अड्डामा माात्र नभएर तेल पूर्वधार, बन्दरगाह, विमानस्थल, होटल र कार्यलय भवनहरुमा समेत क्षेति पुगेको छ ।

काठमाडौ । राष्ट्रिय प्रजातन्त्र पार्टी (राप्रपा) ले समानुपातिक निर्वाचन प्रणालीअन्तर्गत चार जनालाई प्रतिनिधिसभा सदस्यका निम्ति सिफारिस गरेको छ ।

पार्टीको केन्द्रीय कार्यसम्पादन समितिको आजको बैठकले भरत गिरी (खस आर्य पुरुष) महोत्तरी, ताहिर अली (मुस्लिम पुरुष) रुपन्देही, खुस्बु ओली (खस आर्य महिला) झापा तथा सरस्वती लामा (जनजाति महिला) धादिङ लाई सिफारिस गरेको सो पार्टीका प्रवक्ता मोहनकुमार श्रेष्ठले जानकारी दिनुभयो । रासस

काठमाडौँ । आज प्रधानमन्त्री निवास बालुवाटारमा मन्त्रिपरिषद्को बैठक बसेको छ । केही घण्टा अगाडी मात्र बसेको यस बैठक बारे प्रधानमन्त्रीको सचिवालयले जानकारी दिएका हुन् ।

जेन्जी प्रदर्शनबारे जाँचबुझ गर्न बनाईएको आयोगले सरकार समक्ष प्रतिवेदन बुझाइसके पछि बसेको मन्त्रिपरिषद्को यो पहिलो बैठक हो ।

सरकारलाई बुझाएको उक्त प्रतिवेदमा के–के लेखिएको छ भन्ने कुरा अहिलेसम्म सार्वजानिक भएको छैन ।