१९ वैशाख, काठमाडौं ।
पछिल्लो २४ घण्टामा ३ हजार ७०० भन्दा बढी कोरोना संक्रमण भारतमा पुष्टि भएको छ ।
आज बिहान स्वास्थ्य मन्त्रालयले सार्वजनिक गरेको नयाँ तथ्यांकमा कोरोनाबाट २४ घण्टामा ३ हजार ७१२ जना संक्रमण पुष्टि भएकाले उल्लेख छ । ९६७ जनाले अघिल्लो पटकको तथ्यांकभन्दा धेरै हो ।
भारतको स्वास्थ्य मन्त्रालयका अनुसार भारतमा कोरोनाबाट सक्रिय संक्रमितको संख्या बढेर १९ हजार ५०९ पुगेको छ ।
भारतमा हालसम्म कोरोनाका ४ करोड २६ लाख ३९४ जना बिरामी ठिक भइसकेका छन् ।
दैनिक संक्रमण दर पनि ०।८४ प्रतिशत पुगेको छ ।
जेठ १८ बुधबार, २०७९
काठमाडौं ः नेपाल सरकारले आगामी वर्ष २०७९र०८० को नीति तथा कार्यक्रम कार्यान्वयन गर्न रु १७ खर्व ९३ अर्व ४० करोड विनियोजन गरेको छ । जसअन्तर्गत चालु खर्च ४२ प्रतिशत , पुँजीगत खर्च २१.२ प्रतिशत बित्तिय ब्यवस्थापन खर्च १२.८ प्रतिशत र प्रदेश तथा स्थानीय तहमा वित्तिय हस्तान्तरण २४ प्रतिशत रहेको छ ।
नेपाल सरकारले प्रस्तुत गरेको आगामी वर्ष २०७९र०८० को वजेट वक्तव्यमा श्रम बजारसँग सम्बन्धित विषयहरु समेट्ने प्रयास भएको जनाएको छ । तर जेटियुसीसीले उठाएका केही मुलभुत बिषयहरु समेटिएका छैनन् । समेटिएका कतिपय विषयहरु पनि अस्पष्ट रहेको दावि गरेको छ ।
विश्व नै आर्थिक मन्दीमा रहेको वर्तमान परिस्थितिको कारण वजेटमा उल्लेखित अधिकांश विषयहरुको कार्यान्वयनमा चुनौतीपुर्ण देखिएको छ । जेटियुुसीसीको श्रम रोजगार तथा सामाजिक सुरक्षा मन्त्रालयका लागी ९ अरब १३ करोड रुपैया बिनियोजन भएको छ । बिषयगत स्पष्टता सहित छुटेका बिषयहरु समावेश गरी प्रभावकारी कार्यान्वयनका लागी सम्वन्धित निकायहरुसँग छलफल गर्न आवश्क रहेको जेटियुसीसीको धारणा छ ।
वजेटमा समावेश नभएका यी बिषयलाई सरकारबाट सम्बोधन गरिनुपर्ने ः
१. नेपाल सरकारको नीति , कार्यक्रम तथा बजेटले समेटेको सम्वन्धि बिषयहरुमा प्रभावकारी कार्यान्वयन, अनुगमन तथा निरीक्षणका लागी जेटियुसीसीको प्रतिनिधित्व रहने गरी संयन्त्र निमार्ण गर्ने ।
२ . श्रमिकहरुको पञ्जीकरण गर्न प्रत्यक स्थानिय तहमा श्रम खाता मार्फत पारिश्रमिक भुक्तानीको व्यवस्था ।
३ . औपचारिक क्षेत्रका सबै श्रमिकहरुलाई अनिवार्य बैक खाता मार्फत पारिश्रमिक भुक्तानी व्यवस्था ।
४ . योगदानमा आधारित सामाजिक सुरक्षा कोषको दायरालाई फराकिलो बनाई स्वरोजगार, असंगठित क्षेत्रका श्रमिक एवम् करार र ज्यालादारीमा कार्यरत श्रमिकलाई समेत आवद्ध गर्ने स्पष्ट व्यवस्था मिलाउने ।
५ . सबै प्रकारका उद्योग, फर्म, कम्पनी , सेवा तथा व्यवसायको दर्ता प्रमण पत्र नविकरण गर्दा योगदानमा आधारित सामाजिक सुरक्षा कोष सुचीकरण भई योगदान गरेको निस्सा अनिवाई संलग्न गर्नु पर्ने व्यवस्था ।
६ . स्थानीय तहमा श्रमिकहरुको अनिवार्य पञ्जीकरणको लागी यथोचित वजेटको व्यवस्था तथा स्थायी प्रणालीको प्रबन्ध गर्ने ।
७ । पञ्जिकृत श्रमिकहरुका लागी यथाशीघ्र रासन कार्डको व्यवस्था गर्ने ।
८ . पञ्जिकृत भएका तर सामाजिक सुरक्षाको दायरामा नआएका श्रमिकका लागी नेपाल सरकारले रकम प्रदान गरी सामाजिक सुरक्षाको दायरा बिस्तार गर्ने ।
९ . व्यवसायजन्य सम्भाव्यताका आधारमा रुग्ण उद्योग पुन ः सञ्चालन गर्ने र बन्द भएको उद्योगमा काम गरेका तर पारिश्रमिक नपाएका श्रमिकहरुको सेवा सुविधाको रकम भुक्तानी गर्ने ।
१० . प्रारम्भिक बालबिकास केन्द्रका शिक्षक तथा कर्मचारीलाई नेपाल सरकारले निर्धारण गरे बमोजिम न्युनतम पारिश्रमिक तथा सामाजिक सुरक्षा योजना उपलब्ध गराउने ।
११ . कोभिड १९ का कारण मृत्यृ भएका श्रमिकहरुका परिवारलाई उचित राहतको व्यवस्था तथा नावालक बालबालिकालाई निशुल्क स्वास्थको व्यवस्था ।
उक्त बजेट विनियोजनमा उल्लेख गरिएका श्रम बजारसँग सम्बन्धित बिषयहरु पनि अस्पष्टता रहेको प्रेस बिज्ञप्तीमा उल्लेख गरेको छ ।
जेठ १६,२०७९
काठमाडौं ः काठमाडौं महानगरपालिकाका नवनिर्वाचित मेयर बालेन्द्र ९बालेन० साहले सपथ लिएका छन् ।
सोमबार राष्ट्रिय सभागृहमा आयोजित सपथ ग्रहण समारोहमा साहले सपथ लिएका हुन् । मुख्य निर्वाचन अधिकृत राजु खतिवडासँग महानगर प्रमुखमा निर्वाचित साहले नेपाली भाषामा सपथ लिएपछि नेपाल भाषामा समेत सपथ पढे । प्रमुख साहसँग उपप्रमुख सुनिता डंगोलले भने नेपाल भाषामा सपथ लिएकी थिइन् । कार्यक्रममा वडाध्यक्ष, वडा सदस्यहरुलाई पनि शपथ गराइएको थियो ।
कार्यक्रममा निर्वाचित जनप्रतिनिधिहरूलाई प्रमाणपत्र वितरण गरिएको थियो । शपथपछि सोमबार प्रमुख साह र उपप्रमुख सुनिता डंगोलले कार्यालयमा पुगेर पदभार ग्रहण गर्दैछन् ।
जेठ १६ सोमबार ,२०७९
बागमती प्रदेश सरकारले आगामी आर्थिक वर्ष २०७९र०८० को नीति तथा कार्यक्रम आज प्रस्तुत गर्दैछ ।
प्रदेश सरकारले आगामी आर्थिक वर्षको नीति तथा कार्यक्रम आज दिउँसो २ बस्ने प्रदेशसभा बैठकमा प्रस्तुत गर्ने भएको हो ।
प्रदेशसभा बैठकमा सरकारको तर्फबाट प्रदेश प्रमुख यादवचन्द्र शर्माले संसदमा नीति तथा कार्यक्रम प्रस्तुत गर्नेछन् ।
नीति तथा कार्यक्रममा प्रदेश सरकारले कृषि, उत्पादन, रोजगारी र आत्मनिर्भरतालाई प्राथमिकतामा राखेको प्रदेश सरकारले बताएको छ ।
शुक्रबार बसेको प्रदेशसभा बैठकमा प्रदेश अर्थमन्त्री शालिकराम जमकट्टेलले नीति तथा कार्यक्रमको सिद्वान्त र प्राथमिकता प्रस्तुत गरेका थिए।
जेठ १६,२०७९
काठमडौं ः तारा एयरको जहाज दुर्घटनामा परि मृत्यु भएकाहरुको शव काठमाडौं ल्याइने भएको छ । गृहमन्त्रालयका प्रवक्ता फडिन्द्रमणि पाख्रेलले दुर्घटनास्थलबाट शव काठमाडौं ल्याउने बताए। उनले भने, काठमाडौं ल्याएर शव आफन्तको जिम्मा लगाउँछौ।
आइतबार पोखराबाट जोमसोम उडेको जहाज मुस्ताङको थासाङ गाउँपालिका २ सानुसरे भीरमा सोमबार बिहान दुर्घटनाग्रस्त अवस्थामा फेला परेको थियो।
पोखराबाट जहाज आइतबार बिहान ९ ः ५५ मिनेटमा जोमसोमका लागि उडेको थियो ।
आइतबार घोडेपानी क्षेत्रबाट वेपत्ता भएको जहाज सोमबार बिहान दुर्घटनाग्रस्त अवस्थामा भेटिएको हो । नेपाली सेना, प्रहरी र स्थानीयवासीको सहयोगमा अहिले शव संकलन भइरहेको छ ।
तारा एयरको जहाज दुर्घटनामा चालक दलका तीनसहित २२ जनाको मृत्यु भएको छ । जसमा दुई जर्मनी , ४ भारतीय र १३ जना नेपाली नागरिकको मृत्यु भएको छ । दुर्घटनामा चालक दलका सदस्य पाइलट प्रभाकर घिमिरे, को(पाइलट उत्सव पोख्रेल र विमान परिचारिका किस्मी थापाको मृत्यु भएको छ ।
जेठ १५,२०७९
काठमाडौं ः सामुदायिक रेडियो प्रसारक सघं (अकोराब) नेपालद्धारा सञ्चालित सुचना नेटवर्क (सीआईएन) को १३ औं वार्षिकोत्सव समारोह सम्पन्न भएको छ ।
उक्त आयोजित कार्यक्रममा प्रमुख अतिथि सुचना तथा संचार प्रविधि मन्त्रि ज्ञानेन्द्र बहादुर कार्की, कार्यक्रमका अध्यक्ष सामुदायिक रेडियो प्रसारक संघका अध्यक्ष अर्जुन गिरीको उपस्थिती रहेको थियो । साथै अतिथिहरुमा महिला आयोगका अध्यक्ष कमला पराजुली,संचारीका समुहका अध्यक्ष विमला तुम्खेवा, वानका कार्यवाहक अध्यक्ष कुमार भट्टराईको उपस्थिती रहेको थियो ।
नयाँ बानेश्बरको अल्फबिटा कम्प्लेक्समा आयोजना कार्यक्रममा सुचना तथा संचार प्रविधि मन्त्री कार्कीले भने, रेडियोहरुको समस्या निराकरण गर्न आफुले भरपुर प्रयास गरीरहेको र यस बर्षको बजेटले रेडियोका समस्या समाधान गर्ने उल्लेख गरे।त्यस्तै कार्यक्रमका अध्यक्ष अर्जुन गिरीले भने रेडियोहरुका समस्या समाधान हुदै गएको र विजुली महसुलमा छुट प्रदान गरेकोमा सरकारलाई विशेष धन्यवाद दिएका छन् । महिला आयोगकी अध्यक्ष कमला पराजुलीले अझै पनि समाजमा महिला प्रतिनिधित्व कम रहेको बताएकी छिन् ।
त्यस्तै गरी ब्रोडकाष्टिङ एसोसिएसन अफ नेपाल (वान) का कार्य वाहक अध्यक्ष कुमार भट्टराईले समाजमा लुकेर रहेका ज्ञान र सिपलाई जिताउ, सबैलाई जिताउ भन्ने भनाईका साथ सामुदायिक रेडियोले गाउँ गाउँमा हराउन लागेका सिप, ज्ञान र प्रविधिलाई जेष्ठ नागरकिसग नयाँ पुस्ताको अन्तरक्रिया गराई आजको विज्ञान र प्रविधिसँग मिलाएर सभ्यता संरक्षणमा पनि थप योग्दान पु¥याउने र नेपालको ५००० वर्ष भन्दा पुरानो सभ्यता संरक्षण, प्रविधिको खोज गरी समग्र मानव कल्याणमा सदुपयोग गर्नु पर्ने बताए ।
कार्यक्रममा विभिन्न विधाका ८ जना विद्युत वर्गका प्रतिनिधिलाई सम्मानित गरिएको थियो भने देश भरीका उत्कृष्ट रेडियो कर्मी मध्ये ४ जनालाई पुरस्कृत गरिएको थियो ।
काठमाडौं : पोखराबाट मुस्ताङको जोमसोम विमानस्थलका लागि उडेको तारा एयरको (9-N-AIT) कल साइनको ट्विनअटर विमान मुस्ताङको लेतेमा ठोक्किएको छ।
१३ नेपाली नागरिक, ४ जना भारतीय नागरिक, अन्य २ विदेशी नागरिक र सवार विमानको चालक दलका सदस्य सहित २२ जना रहेको विमान लेतेमा ठोक्किएको हो।
आइतबार बिहान ९ः५५ बजे उडेको उक्त जहाज सम्पर्कविहीन भएको र विमान मुस्ताङको लेतेमा ठोक्किएको जानकारी आएको पोखरा विमानस्थल स्रोतले जनाएको छ।
सम्पर्कविहीन रहेको जहाजको खोजीकार्य सुरु गरिएको तारा एयरका प्रवक्ता सुर्दशन बर्तौलाले जानकारी दिएका हुन्।
विमानमा क्याप्टेन प्रभाकर प्रसाद घिमिरे, को पाइलट इतासाप पोखरेल र एयर होस्टेज कास्मी थापा थिए। घटनाको विस्तृत जानकारीका लागि सुरक्षाकर्मी र स्थानीय सक्रियतापूर्वक लागिपरेको बताइएको छ।
जेठ १५,२०७९
काठमाडौँ — १५औं गणतन्त्र दिवसको अवसरमा आइतबार सैनिक मञ्च टुँडिखेलमा विशेष कार्यक्रम आयोजना गरिएको छ ।
राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, कायमुकायम प्रधानन्याधीश दीपककुमार कार्की, प्रतिनिधिसभाका सभामुख अग्निप्रसाद सापकोटा, राष्ट्रिय सभाका अध्यक्ष गणेशप्रसाद तिमिल्सनासहित संवैधानिक निकायका पदाधिकारी, नेपालस्थित कूटनीतिक नियोगका प्रतिनिधिलगायतको उपस्थितिमा गणतन्त्र दिवस मूल समारोह समितिले कार्यक्रम आयोजना गरेको हो ।
नेपाली सेनाको हेलिकोप्टरबाट पृष्पवृष्टिसहित शुभारम्भ भएको कार्यक्रममा नेपाली सेना, नेपाल प्रहरी र सशस्त्र प्रहरी बलका टुकडीले मार्च पास र राष्ट्रियभावका गीतमा संयुक्त ब्यान्ड प्रस्तुत गरिएको थियो ।
समारोहमा ‘मेरो टोपी कैलाशको शीरजस्तो।।।’, बनेको छ पहराले यो छाती मेरो।।।’ र ‘धेरै छ गर्नु स्वदेशको सेवा नेपाली भन्नलाई।।।’ बोलका गीत संगीत गुञ्जिएका थिए
प्रतिकूल मौसमका कारण यस वर्ष विविध जाजातिगत झाँकी र प्रदर्शनी भने राखिएको थिएन ।
काठमाडौं : नेपाल सरकारले आज बजेट सार्वजनिक गर्ने भएको छ।
मन्त्रिपरिषद बैठकले बजेट स्वीकृत गरेपछि संघीय संसदको संयुक्त बैठकमा अर्थमन्त्री जनार्दन शर्माले आज बजेट प्रस्तुत गर्नेछन्।
आर्थिक वर्ष ०७९ ०८० का लागि सरकारले आन्तरिक उत्पादनमा जोड दिने गरी बजेट ल्याउन लागेको छ।
राष्ट्रिय योजना आयोगले १७ खर्ब, ४५ अर्बको बजेट सीमा निर्धारण गरेको छ। यसै सीमा भित्र रहेर बजेट ल्याउने सरकारको तयारी रहेकोछ।
भरतपु महानगरपालिका चितवनकी मेयर रेनु दाहाल दुर्धटनामा परेकी छिन् ।
दाहाल सवार प्रदेश ३–०१–०२३ च ७३१८ नम्बरको गाडी शुक्रबार दिउँसो ललितपुरको जाउलाखेलमा दुर्घटना भएको छ।
टायर पञ्चर भएपछि उनको गाडी विद्युतको पोलमा गएर ठोक्किएको थियो । दुर्घटनामा दाहालको टाउकोमा चोट लागेको छ ।
सिटी स्क्यान गर्दा घाउ बाहिरी छालामा मात्र लागेको देखिकाले डिस्चार्ज गर्न लागिएको छ ।