शुक्रबार बारखम्बा रोडस्थित नेपाली राजदूतावासमा आयोजित स्वागत तथा सम्मान कार्यक्रममा भारतमा बस्दै आएका नेपालीहरुले प्रधानमन्त्री शेर बहादुर देउवा सहितको टोलीलाई स्वागत एबमं सम्मान गरेका छन् ।
स्वागत तथा सम्मान कार्यक्रममा स्वास्थ्यमन्त्री विरोध खतिवडा, परराष्ट्रमन्त्री नारायण खड्का, कृषिमन्त्री महेन्द्रराय यादव र उर्जामन्त्री पम्फा भुसाल उपस्थित थिए ।
सरकारले पट्रोलियम पदार्थको मूल्यबृद्धि भए सङ्गै यातायातको भाडा बढाउने भएको छ । आइताबार देखि १४ प्रतिशत सम्म भाडा बढ्ने भएको हो ।
सरकारले लामो दूरीको पहाडमा चल्ने ट्रक र लामो दूरी तराईमा चल्ने मालबाहक ट्रक र लामो दूरीको बसको छुट्टाछुट्टै भाडादर तय गरिने भएको छ।
पछिल्लो समय पेट्रोलियम पदार्थको मूल्य बढेर प्रतिलिटर ३४ रुपैयाँ पुगेको नेपाल यातायात व्यवसायी राष्ट्रिय महासंघका महासचिव सरोज सिटौलाको भनाई छ ।
धानमन्त्री शेरबहादुर देउवा आज शुक्रबार चार वर्षपछि भ्रमणका लागि भारतको नयाँ दिल्ली जाँदै छन्।
प्रधानमन्त्री देउवा भारतीय समकक्षी नरेन्द्र मोदीको निमन्त्रणा स्वीकार गरी तीनदिने भारत भ्रमणमा जाने भएका हुन् ।
प्रधानमन्त्री देउवाको भ्रमणले भारत र नेपाल बिच रहेका समस्याहरु समधान गर्न सहयोग पुग्ने विश्वास गरिएको छ ।
काठमाडौँ उपत्यकामा प्राचिन काल देखि मनाउँदै आएको घोडे जात्रा एक प्रसिद्ध सामाजिक तथा धार्मिक जात्रा हो । यो जात्रा प्रत्येक बर्ष काठमाडौँको टुँडिखेलमा चैत कृष्ण औंसीको दिन मनाइन्छ ।
यस जात्राको दिन बिशेष गरी नेपाली सेनाले घोडा चढी अश्व कला, अश्व दौड आदी प्रदर्शन गर्दछन् । परापूर्वकालमा टुँडिखेलको एउटा रुखमा बस्ने गुरुमापा भन्ने राक्षसले बालबालिकालाई खाने गर्दथ्यो ।
उक्त सहर बासीले राक्षसलाई मारे पनि राक्षसको प्रेतात्माले अनिष्ठ हुने डरले दैत्यको प्रेतात्मालाई घोडाको टापले कुल्चिएर जमिन माथी आउन नदिन घोडे जात्रा मनाउँन थालिएको धार्मिक बिश्वास आम नागरिक माथी छ ।
नेवारी समुदायले यस जात्रालाई महान पर्बको रुपमा मनाउँदै आएको पाइन्छ । नेवार समुदायले आज शिवजीको पूजा गर्ने, परम्परागत भेषभूषामा बाजागाजा सहित नाचगान गर्ने, बिबाहित चेलीपेटीलाई माइतिमा बोलाउने चलन छ ।
धार्मिक, सांस्कृतिक तथा सामाजिक महत्व बोकेको यस पर्बले नेवार सम्प्रादयको कला र कौशलताको बिकासमा ठुलो भूमिका खेलेको पाइन्छ । आज काठमाडौँको टुँडिखेलमा मानिसहरुको निकै चहलपहल देखिन्छ ।
लाखौँ मानिसको भिडभाडले टुँडिखेललाइ ढाकेको हुन्छ । देशका उच्च पदमा रहेका ब्यक्ति देखी लिएर साधरण ब्यक्ति समेत जात्रामा सामेल हुन्छन् । बिगतमा केही बासीहरुमा मात्र सिमित यस जात्रा हाल राष्ट्रिय स्तरमा फैलिन सफल भएको छ ।
लक्ष्मी बैंक लिमिटेड र भारतको आईसीआईसीआई बैंक लिमिटेडबीच व्यापारिक साझेदारीका क्षेत्रहरू विस्तार गर्ने सम्झौता सम्पन्न छ । सो सम्झौतापत्र लक्ष्मी बैंकका प्रमुख कार्यकारी अधिकृत अजय विक्रम शाह र आईसीआईसी बैंकको नेपालका लागि प्रमुख प्रतिनिधि रन्जन कुमार थापाले आदानप्रदान गरे।उक्त सम्झौताले नेपाल र भारतबीचको परम्परागत अन्तर–बैंक भुक्तानीका साथसाथै त्तच् भुक्तानी गरी दुई देशबीच रेमिट्यान्स भुक्तानीको दायारा विस्तार गर्न सहज बनाउने छ । साथै यो सम्झौताल दुई बैंकबीच मानव संसाधन, प्रविधि र सञ्चालनलगायतका विविध क्षेत्रमा ज्ञान आदानप्रदान गर्न सहयोग गर्ने अपेक्षा गरिएको छ ।
काभ्रेको नमोबुद्ध–५, कानपुर मा रहेको मैनाली सम्प्रदायको कुलदेवताको मन्दिर राष्ट्रपति विद्यादेवी भण्डारी ले उद्घाटन गरेकी छिन् ।
वि.सं १८३८ सालमा स्थापना भएर २०७२ सालको भूकम्पमा क्षतिग्रस्त भएको मन्दिर राष्ट्रिय पुनर्निर्माण प्राधिकरण, पूरातत्व विभाग र नगरपालिकाको ७५ लाख ७७ हजारको लगानीमा पुनर्निर्माण गरिएको हो ।
साथै नमोबुद्ध क्षेत्रलाई विश्व सम्पदा सूचीमा सूचीकृत गर्न पहल भइरहेको नगरप्रमुख टंकप्रसाद शर्माले जानकारी दिए ।
इजरायलमा भएको पछिल्लो आक्रमणमा ५ जनाको मृत्यु भएको छ ।
तेल अभिभ शहर नजिकै एक प्यालेष्टाइनी बन्दुकधारीले जथाभावी गोली प्रहार गर्दा ५ जनाको मृत्यु भएको हो ।
सुरक्षाकर्मीको जवाफी कारवाहीमा बन्दुकधारी पनि मारिएको बीबीसीले जनाएको छ ।
बन्दुकधारीलाई निष्कृय बनाउन गोली चलाउने सुरक्षाकर्मी पनि मारिएको इजरायली अधिकारीले जनाएका छन् ।
प्यालेष्टाइनको वेष्ट ब्याङ्कस्थित जेनिन भन्ने स्थानमा बसोबास गर्ने २६ वर्षीयले गोलीकाण्ड मच्चाएको जनाइएको छ ।
बन्दुकधारी यसअघि पनि इजरायली कारागार चलान भइसकेको पूर्व कैदी रहेको बीबीसीले जनाएको छ ।
पछिल्लो एक सातामा इजरायलमा भएको यो तेश्रो आक्रमण हो ।
कतारमा हुने फिफा विश्वकपमा मंगलबार पोर्चुगल र पोल्यान्ड छनोट भएका छन् । युरोपेली प्ले अफमा पोल्यान्डले स्विडेनलाई र पोर्चुगलले नर्थ मेसेडोनियालाई २–० ले पराजित गरी छनोट भएका हुन् ।
ब्रुनो फर्नान्डेसले दुइ गोल गरी पोर्चुगल लाई जित हासिल गराए भने रोबर्ट लेवनडोस्कीले पेनाल्टीबाट एक गोल र पिटर जिलिन्स्कीले अर्को गोल थपि पोल्यान्डलाई जित हासिल गराएका हुन् ।
शरीरलाई स्वस्थ, फुर्तिलो, र तन्दुरुस्त राख्न नियमित शारीरीक ब्याम गर्नु अत्ति आबश्यक हुन्छ । शारीरीक ब्यामलाई शारीरीक कसरत पनि भनिन्छ ।
शारीरीक ब्याम मानब स्वास्थ्यका लागि फाइदाजनक मानिन्छ । नियमित शारीरीक ब्याम गर्नाले बिभिन्न किसिमका रोगहरुबाट बच्न सकिन्छ ।
शारीरीक ब्यामले बालबालिकाको स्मरण शक्ति बृद्धि गर्ने, ध्यान केन्द्रित गर्ने, तनाब तथा संबेग ब्यबस्थापन गर्ने, ब्यक्तिलाई आनन्दित अनुभूति गराउने, रोग प्रतिरोधात्मक क्षमता बृद्धि गर्ने, आदि गर्दछ ।
बिभिन्न अध्ययन अनुसन्धानका अनुसार शारीरीक ब्यामले मस्तिष्कमा रगत प्रवाह गर्न गर्न समेत सहयोग गर्छ भनिएको छ ।
शारीरीक ब्याम जुनसुकै उमेर समुहका ब्यक्तिहरुले गर्न सक्छन् । बिरामी तथा गर्बवती महिलाहरुले समेत ब्याम गर्नु फाइदाजनक हुन्छ चिकित्सकहरुले भन्ने
गर्दछन् ।
त्यसैगरी शारीरीक ब्याम मोटोपन भएका ब्यक्तिको लागि पनि अत्यन्त फाइदाजनक छ । यसले मोटपन घटाउन मदत गर्दछ ।
कोलेस्ट्रोल र उच्च रक्तचाप घटाउन मदत गर्छ । तसर्थ मानब स्वास्थ्यको लागि शारीरीक ब्यामको अत्यन्त महत्व रहेको छ ।
चार दिनदेखि गरिएको परीक्षणमा कुनै पनि व्यक्तिमा कोरोना सङ्क्रमण नदेखिए पछि काभ्रेपलाञ्चोक जिल्ला कोरोनामुक्त भएको जनाइएको छ ।
बनेपा नगरपालिकामा रहेका एक कोरोना सङ्क्रमित पुरुष चार दिनअघि निको भएपछि जिल्ला कोरोना सङ्क्रमणमुक्त भएको हो ।
जिल्लामा पछिल्लो २४ घण्टामा २३ जनाको कोरोना परीक्षण गरिएको थियो ।
चार दिनदेखि दैनिक दुई दर्जन हाराहारीमा कोरोनासँग मिल्दोजुल्दो लक्षण देखिएकाको परीक्षण गर्दा कसैमा पनि कोरोना सङ्क्रमण नदेखिएको जिल्लास्थित कोभिड–१९ सङ्क्रमण नियन्त्रण, रोकथाम र उपचारसम्बन्धी केन्द्र (डिसीएमसी)का सदस्यसचिव एवं जिल्ला स्वास्थ्य कार्यालय प्रमुख डा पुरुषोत्तमराज सेढाईँले जानकारी दिनुभयो ।