Category: समाचार

काठमाडौं । वाणिज्य, आपूर्ति तथा उपभोक्ता संरक्षण विभागले खाना पकाउने एलपी ग्यासको कृत्रिम अभाव सिर्जना गर्ने र अवैध कारोबार गर्नेलाई कडा कारबाही गर्ने चेतवानी दिएको छ । बजारमा ग्यास लुकाउने कालो बजारी गर्नेबारे जानकारी भएमा तत्काल पैसा नलाग्ने नम्बर ११३७ मा फोन गरेर सुचना दिन विभागले नागरिकलाई अनुरोध गरेको छ ।

अनुगमनको क्रममा कैफियत फेला परेमा उपभोक्ता संरक्षण ऐन, २०७५ अनुसार तत्काल कारबाही गरिने विभागले जनाएको छ । सोमबार मत्रै ललितपुरको हरिसिद्धिमा ६ हजार ३७७ वटा सिलिन्डर लुकाएर राखेको अवस्थामा फेला पारेपछि विभागले श्रीराम ग्यास उद्योगलाई ३ लाख रुपौयाँ जरिवाना गरेको छ ।

ग्यासको आपुर्ति सहज बनाउन विभागले देशभर अनुगमन तीव्र पारेको छ । विभागले सबै उद्योगी र वितरकहरुलाई कानुनसम्मत व्यवसाय गर्न र कृत्रिम अभाव सिर्जना नगर्न सचेत गराएको छ ।

उदयपुर । उदयपुरको कटारी नगरपालिकामा सोमबार साँझ आएको भीषण हुरीबतासका कारण रुख ढलेर लाग्दा दुई जनाको ज्यान गएको छ । घटनमा अन्य ६ जना घाइते भएका छन् ।

जिल्ला प्रहरी कार्यलय उदयपुरका अनुसार कटारी नगरपालिका–८ थालियाटारकी ४९ बर्षीय मीनामाया तामाङको रुखको हाँगाले लागेर मृत्यु भएको हो । त्यस्तै, कटारी–५ तीनकुने चोकस्थित राधाकृष्ण मन्दिर नजिकै सखुको रुख ढलेर लाग्दा ६४ बर्षिय वीरेन्द्र चौधरीको मृत्यु भएको छ ।

हुरीबतासका कारण घाइते भएका ६ जनामध्ये २ जनाको अवस्था गम्भीर रहेकाले थप उपचारका लागि विराटनगरस्थित नोबेल अस्पतालमा लगिएको छ । अन्य चार जना भने कटारी अस्पतालमा सामान्य उपचारपछि घर फर्किसकेका छन् ।

प्रहरीका अनुसार हुरीबतास र वर्षाले कटारीको पहाडी क्षेत्रमा घरका छाना उडाउनुका साथै भौतिक क्षति समेत पुर्‍ययाएको छ । मृतकहरुको शव परीक्षणका लागि अहिले कटारी अस्पतालमा राखिएको छ ।

कैलाली । सुदूरपश्चिमका मुख्यमन्त्री कमलबहादुर शाहमाथि घुस मागेको आरोप लगाउँदै आएका वरिष्ठ डिभिजन वन अधिकृत कृष्णदत्त भट्ट पक्राउ परेका छन्। उनलाई जिल्ला प्रहरी कार्यालय कैलालीको टोलीले उद्योग, पर्यटन, वन तथा वातावरण मन्त्रालय परिसरबाट नियन्त्रणमा लिएको हो।

​वन निर्देशनालयमा कार्यरत भट्टविरुद्ध मुख्यमन्त्री शाहका स्वकीय सचिव प्रयागराज खनालले विद्युतीय कारोबार ऐनअन्तर्गत जाहेरी दिएका थिए। सोही जाहेरीका आधारमा उनलाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक योगेन्द्रसिंह खड्काले जानकारी दिए।

​मन्त्रालयले सोधेको स्पष्टीकरण बुझाउन पुगेका बेला भट्टलाई प्रहरीले पक्राउ गरेको हो।

​केही दिनअघि भट्टले एक अन्तर्वार्तामा मुख्यमन्त्री शाहले आफूसँग ५ लाख रुपैयाँ घुस मागेको र रकम दिन अस्वीकार गरेपछि पूर्वाग्राही भई सरुवा गरेको गम्भीर आरोप लगाएका थिए। हाल भट्टलाई जिल्ला प्रहरी कार्यालयको हिरासतमा राखी थप अनुसन्धान भइरहेको छ।

काठमाडौं । भदौ २३ र २४ को घटनाबारे छानबिन गर्न गठित ‘कार्की आयोग’ को प्रतिवेदन सार्वजानिक गर्न माग गर्दै काठमाडौँको माइतीघरमा जेन्जी युवाहरुद्धारा प्रर्दशन भएको छ । जेन्जी मुभमेन्ट एलाइन्स, नेपाल जेन्जी फ्रन्ट र जेन्जी सिभिज फोरम लगायतका युवा समूहहरुले उक्त प्रतिवेदन अविलम्ब सार्वजानिक गर्न सरकारलाई दबाब दिएका हुन् ।

प्रर्दशनमा उत्रिएका युवाहरुले आँखामा पट्टी बाँधेर सांकेतिक विरोध जनाएका छन् । उनीहरुले जेन्जी प्रर्दशनका घाइते तथा शहीदहरुलाई न्याय दिनुपर्ने माग गर्दै ‘कार्की आयोगको पूर्ण प्रतिवेदन खोई?’, ‘कलमले लेखेका सत्यलाई सत्ताको कैँचीले नकाट’ र ‘एएर ४०४ः जस्टिस नट फाउन्ड’ जस्ता नारा लेखिएका प्लेकार्डहरु प्रर्दशन गरेका थिए ।

प्रर्दशनका क्रममाा सहभागी युवाहरुले सरकाले नियुक्तिका सवालमा नातावाद र कृपाबादलाई प्रश्रय दिएको भन्दै तीव्र आक्रोशसमेत व्यक्त गरेका थिए ।

काठमाडौँ । मध्यपूर्वमा जारी तनावका कारण सरकारले इजरायल, टर्की लगाएत ११ देशमा वैदेशिक रोजगारीका लागि दिइने श्रम स्वीकृत तत्कालका लागि स्थगित गरेको छ । इजरायल–अमेरिका र इरानबीचको युद्धको कारण नेपाली श्रमिकहरुको सुरक्षालाई मध्यनजर गर्दै सरकाले यस्तो निर्णय लिएको हो

फागुन १७ गते मन्त्रीस्तरीय निर्णयमार्फत साउदी अरब, यूएई, कतार, कुवेत, बहराइन, ओमान, इराक, यमन, जोर्डन, लेबनान, टर्कि र इजरायलमा श्रम स्वीकृत तथा नवीकरण प्रक्रिया अर्को सुचना जारी नभएसम्मका लागि बन्द गरिएको छ ।

सरकारले प्रतिबन्ध लगाए पनि फागुन महिनामा मात्रै ५२ हजार ९४४ जना नेपाली रोजगारीका लागि विदेशिएका छन् । वैदेशिक रोजगार विभागका अनुसार यसमा ४६ हजार ४५२ पुरुष र ६ हजार ३९२ महिला रहेका छन् । फागुनको दोस्रो सातासम्म श्रम स्वीकृत खुल्ला रहेकाले यो संख्या उच्च देखिएको हो ।

तथ्यांक अनुसार फागुनमा सबैभन्दा धेरै बढी मलेसियामा १२ हजार ६०१ जना, यूएईमा ११ हजार ४९२ जना, कतारमा ६ हजार ७७५ जना र साउदी अरबमा ६ हजार ७७५ जना र साउदी अरबमा ६ हाजार २२५ जना रोजगारीका लागि गएका छन् । पछिल्लो महिनाहरुको तुलनामा यो संख्यामा केही कमी आएको विभागको भनाइ छ ।

नेकपा एमालेका अध्यक्ष केपी शर्मा ओलीलाई भेट्न आज भक्तपुरको गुण्डुस्थित ओलीकै निवासमा प्रधानमन्त्री सुशीला कार्की पुगेकी छन् ।

पिताको निधन पछि पितृ आशौच बारिरहेको ओलीलाई संवेदना दिनका लागि प्रधानमन्त्री कार्की र उनका श्रीमान प्रथम पुरुष दुर्गा सुवेदी गएका थिए ।

आलीका बुबा महोन प्रसादको फागुन २९ गते ९७ बर्षको उम्मेरमा निधन भएको हो ।

चितवन । चितवन जिल्लामा लगाइएको तोरीको उत्पादनमा कमी आएको छ । अघिल्लो वर्षका तुलनामा यस वर्ष प्रतिहेक्टर उत्पादकत्व समेत घटेको छ । कृषि विकास कार्यालयका कृषि अर्थविज्ञ निर्मल पौडेलका अनुसार गत वर्ष प्रतिहेक्टर १.३१ मेट्रिक टन भएको उत्पादकत्व यस वर्ष १.०१ मा झरेको छ ।

अघिल्लो वर्ष जिल्लामा १८ हजार ५६५ मेट्रिक टन तोरी उत्पादन भएकामा यस वर्ष १४ हजार ३१५ मेट्रिक टन उत्पादन भएको छ। पौडेलका अनुसार फूल फुल्ने समयमा हुस्सु, तुसारो लाग्नु र बेमौसमी पानी पर्नु को कारण तोरी उत्पादनमा कमी आएको हो ।

नेपालमा तोरी उत्पादनका लागि प्रमुख जिल्लाका रूपमा चितवनलाई लिइँदै आएको छ। हाल चितवनमा १४ हजार १७३ हेक्टर क्षेत्रफलमा तोरीखेती गरिँदै आइएको छ। नगदे बालीमा पछिल्ला वर्षहरूमा किसानको आकर्षण बढेसँगै तोरी लगाउने किसान पनि वृद्धि भएका हुन् ।

विशेषगरी जङ्गली जनावरहरुले तोरीमा नोक्सानी नपुर्याउने भएकाले यसतर्फ किसानको रुची बढेको पौडेलको भनाइ छ ।

गोरखा । सहिद लखन गाउँपालिका–३ कान्टारमा शनिबार भएको यात्रुवाहक माइक्रोबस दुर्घटनाको मृतकको पहिचान खुलेको छ । बा.प्र.०१–००६ ख ८४३० नम्बरको सो माइक्रोबसमा मनकामना दर्शन गरेर फर्कँदै गरेका यात्रु सवार रहेका थिए ।

जिल्ला प्रहरी कार्यालयका प्रमुख भरतबहादुर विकका अनुसार दुर्घटनामा परी निधन हुने सात जना भारतीय नागरिक छन् । भारतका करिब ५८ वर्षीय मुतु कुमार, ५८ वर्षकै अनामलिक, ५९ वर्षकी मीनाक्षी, ५३ का सिवगामी, ५७ वर्षका विजायल, ५८ वर्षकी मीना र ६० वर्षका तमिलारसीको घटनास्थलमा नै मृत्यु भएको छ ।

मनकामना दर्शन गरेर फर्केका १६ जना भक्तजन सवार विद्युतीय माइक्रोबस दुर्घटनामा परेको हो । सडकखण्डबाट करिब २०० मिटर तल खसेको माइक्रोको ब्रेक फेल भएर दुर्घटना भएको हुनसक्ने जनाइको छ । प्रहरी प्रमुख विकका अनुसार घटनाका घाइतेलाई उद्धार गरी थप उपचारका लागि पुरानो मेडिकल कलेज चितवन लगिएको छ । ६२ वर्षका सोरनम, ६५ वर्षका मङ्गदा जलम, ७५ वर्षकी सुभाद्रा, ६५ वर्पकी मायाल, ७३ वर्षकी सरोजा, ७५ वर्षकी भाग्यलक्ष्मी र ३४ वर्षकी मीनाक्षीको उपचार भइरहेको र अवस्था गम्भीर रहेको प्रहरीले जनाएको छ ।

चालक लमजुङको बेँसीसहर नगरपालिका–१ का ४६ वर्षका पुष्प मल्ल ठकुरी सकुशल छन् भने सहचालक बेँसीसहर नगरपालिका–३ का २९ वर्षका सन्तोष गुरुङ घाइते छन् । घटनाबारे थप अनुसन्धान भइरहेको प्रहरीको भनाइ छ ।

काठमाडौं । जल तथा मौसम विज्ञान विभाग मौसम पूर्वानुमान महाशाखाका अनुसार आज(सोमबार) बिहान देशका केही क्षेत्रमा वर्षा भएको छ।

कोशी र बागमती प्रदेशका एक–दुई स्थान तथा गण्डकी र लुम्बिनी प्रदेशका केही ठाउँमा हल्का वर्षा भइरहेको छ ।

पछिल्लो चौबीस घन्टामा तिलोत्तमामा २५ मिलिमिटर र भैरहवामा २२.२ मिलिमिटर ,पोखराको पचासेमा ६.८ मिलिमिटर, संखुवासभाको नुममा १२.८ मिलिमिटर र टासी गाउँमा ७.६ मिलिमिटर वर्षा भएको छ।

यस्तै आज दिउँसो कोशी, मधेश, बागमती, गण्डकी र लुम्बिनी प्रदेश तथा कर्णाली र सुदूरपश्चिम प्रदेशको पहाडी र हिमाली भू–भामामा साधारणतया बादल लाग्नेछ।

त्यस्तै,दिउँसो कोशी, मधेश, बागमती, गण्डकी प्रदेशसहित लुम्बिनी प्रदेशको पहाडी र हिमाली भू–भागका थोरै स्थानहरूमा तथा कर्णाली र सुदूरपश्चिम प्रदेशका पहाडी र हिमाली भू–भागका एक–दुई स्थानमा मेघगर्जन÷चट्याङ्ग सहित हल्का वर्षा÷हिमपातको सम्भावना रहेको छ।

राति कोशी, बागमती, गण्डकी र लुम्बिनी प्रदेशको पहाडी र हिमाली भू–भामामा तथा कर्णाली र सुदूरपश्चिम प्रदेशको पहाडी भू–भागमा साधरणतया बादल लाग्नेछ। बाँकी भू–भागमा आंशिक बादल लाग्नेछ।

गण्डकी प्रदेशको पहाडी र हिमाली भू–भागका थोरै स्थानहरूमा र कोशी, बागमती र लुम्बिनी प्रदेशको पहाडी र हिमाली भू–भागका एक–दुई स्थानमा मेघगर्जन÷चट्याङ्ग सहित हल्का वर्षा÷हिमपातको सम्भावना रहेको छ।

काठमाडौं । हाल नेपालमा उपल्लो वायुमण्डलमा पश्चिमी न्यूनचापीय प्रणालीको आंशिक प्रभाव रहेको छ ।
हाल कोशी, बागमती र गण्डकी प्रदेशको पहाडी तथा हिमाली भूभागमा साधारणतया बादल लागेको छ । देशका बाँकी हिमाली तथा पहाडी भूभागमा आंशिक बादल लागेको छ । तराई भूभागमा मौसम मुख्यतया सफा रहेको छ ।

आज दिउँसो तराई भूभागका केही स्थानहरूमा बिहानको समयमा हुस्सु रहनेछ । कोशी प्रदेशका हिमाली तथा पहाडी भूभागसहित बाँकी हिमाली भूभागमा साधरणतया बादल लाग्नेछ, बाँकी पहाडी भूभागमा आंशिक बादल लाग्नेछ। तराई भूभागमा मौसम मुख्यतया सफा रहनेछ ।

कोशी, बागमती र गण्डकी प्रदेशको हिमाली भूभागका थोरै स्थानहरूमा तथा बाँकी प्रदेशका हिमाली भूभागका एकरदुई स्थानमा मेघगर्जन र चट्याङ्गसहित हल्का वर्षारहिमपातको सम्भावना रहेको छ। कोशी, बागमती र गण्डकी प्रदेशका पहाडी भूभागका समेत एकरदुई स्थानमा मेघगर्जन र चट्याङ्गसहित हल्का वर्षाको सम्भावना रहेको छ ।

आज राती तराई भूभागका थोरै स्थानहरूमा तुँवालो रहनेछ । कोशी र गण्डकी प्रदेशका हिमाली भूभागमा साधरणतया बादल लाग्नेछ। कोशी र गण्डकी प्रदेशका पहाडी भूभाग सहित बाँकी हिमाली भूभागमा आंशिक बादल लाग्नेछ र बाँकी भूभागमा मौसम मुख्यतया सफा रहने । कोशी र गण्डकी प्रदेशका हिमाली भूभागका एकरदुई स्थानमा मेघगर्जन र चट्याङ्गसहित हल्का वर्षारहिमपातको सम्भावना रहेको छ ।