Author: Suchitra Gautam

काठमाडौँ ।:
काठमाडौँ महानगरपालिकाले नदी किनारमा निजी जग्गामा भवन निमार्ण गर्न लगाएको प्रतिबन्ध हटाएको छ । सर्वोच्च अदालतको पछिल्लो आदेश कार्यान्वयन गर्दै महानगरले नक्सा पास तथा निमार्ण कार्यमा रोक नलगाइने जनाएको छ ।

यसअघि महानगरपालिकाले नदीको दायाँ – बायाँ थप २० मिटर जग्गा खाली गनुपर्ने भन्दै निर्माण अनुमति रोकेको थियो । तर अब मन्त्रिपरिषद्ले २०६५ सालमा तय गरेको मापदण्डभित्र रहेर भवन निर्माण गर्न पाइने भएको छ ।

महानगरपालिकाका अनुसार २०८२ माघ ४ गते सर्वोच्च अदालतको संयुक्त इजलासले पुरानो फैसालालाई आंशिक रुपमा सच्याएको छ । अदालतले २०६५ सालको मापदण्डबाहेक थप २० मिटर जग्गा छोड्नुपर्ने व्यवस्था कानुनसम्मत नरहेको उल्लेख गरेको छ ।

यस निर्णयपछि थप २० मिटर क्षेत्रमा संरचना नबनाउने तथा बनेको संरचना हटाउने अघिल्लो आदेश संशोधन भएको हो । त्यसअनुसार महानगरपालिकाले नदी किनारका जग्गामा निर्माणसम्बन्धी रोक फुकुवा गरेको जनाएको छ ।

महानगरले जारी गरेको सूचनामा अदालतको आदेशअनुसार निजी जग्गामा भवन निर्माण अनुमति नरोकिने स्पष्ट गरिएको छ । यससँगै नदी किनारमा जग्गा भएका हजारौँ जग्गाधनीलाई राहत पुगेको छ भने रोकिएका निर्माण कार्य पुन : अघि बढ्ने भएका छन् ।

काठमाडौँ :
नेपाली कांग्रेसका सभापति गगन थापा आफुले उम्मेदवारी दिएको निर्वाचन क्षेत्र सर्लाही – ४ मा बिहीबार मात्रै जाने तयारीमा रहेका छन् ।

कांग्रेसका प्रवक्ता देवराज चालिसेका अनुसार थापाले मंगलबार मधेस प्रदेश सभा सदस्य वीरेन्द्रकुमार सिंहलाई वारेस दिएर उम्मेदवारी दर्ता गराइसकेका छन् । उम्मेदवारी दर्तापछि उनी प्रत्यक्ष रुपमा निर्वाचन क्षेत्रमा भने पुगेका छैनन् ।

‘सभापति थापा भोलि मात्रै आफ्नो निर्वाचन क्षेत्रमा जाने भन्ने प्रारम्भिक योजना छ,’ प्रवक्ता चालिसेले बताए, ‘यधपि कार्यक्रम पूर्ण रुपमा निश्चित भइसकेको छैन ।’

यस अघिका तीन वटा आम निर्वाचनमा काठमाडौँ निर्वाचन क्षेत्र नम्बर ४ बाट निर्वाचित भएका थापा यसपटक भने मधेस प्रदेशको सर्लाही – ४ बाट चुनावी प्रतिस्पर्धामा उत्रिएका छन् ।

उनको उम्मेदवारीपछि सर्लाही – ४ मा राजनीतिक गतिविधि थप चर्किएको छ भने कांग्रेसले त्यहाँ चुनावी अभियानलाई तीव्र बनाउने तयारी गरिरहेको छ ।

काठमाडौँ ।:
पूर्व ऊर्जामन्त्री कुलमान घिसिङले माघ ६ गते काठमाडौँ क्षेत्र नम्बर ३ बाट आफ्नो उम्मेदवारी दर्ता गरेका छन् ।

घिसिङले आफ्नै पार्टी उज्यालो नेपाल पार्टी (उनेपा) को तर्फबाट उम्मेदवारी दर्जा गराएका हुन् । उनी सो पार्टिका अध्यक्षसमेत हुन् ।

काठमाडौँ ।:
पूर्वप्रधानमन्त्री केपी शर्मा ओलीले झापा जिल्लामा जेनजी आन्दोलनका क्रममा ध्वस्त भएका संरचनाहरुको स्थलगत निरीक्षण गर्नु भएको छ ।

उहाँ आउदो फागुन २१ गते हुने प्रतिनिधिसभा निर्वाचनका लागि आफ्नो गृह जिल्ला झापा – ५ बाट मनोनयन दर्ता गर्न पुग्नुभएको थियो । जानकारी का अनुसार मनोनयन दर्ता गर्नु पहिले नष्ट भएका संरचनाहरुको अवलोकन गर्ने कार्यक्रम तयार गरिएको हो ।

निरीक्षणको क्रममा अध्यक्ष ओलीले इलाका प्रहरी कार्यलय दमक, दमक टावर , नगरपालिक कायलय, पार्टी कार्यलय तथा अन्य सार्वजानिक र निजी संरचना अवलोकन गर्नु भएको छ ।

अध्यक्ष ओलीले निर्वाचन अघि क्षेत्रको स्थिति बुझ्न र प्रभावित संरचनाको अवस्था हेर्न यो निरीक्षण गर्नु भएको बताइएको छ ।

काठमाडौँ :
नेपाली कांग्रेसका निवर्तमान सभापति शेरबहादुर देउवा र पूर्णबहादुर खड्का पक्षले निर्वाचन आयोगको निर्णयविरुद्ध सर्वोच्च अदालतमा रिट दायर गरेका छन् । आयोगले थापा नेतृत्वको विशेष महाधिवेशनबाट निर्वाचित कार्यसमितिलाई मान्यता दिएको छ।

मंगलबार न्यायाधीश सुनिलकुमार पोखरेलको एकल इजलासमा सुनुवाइ सुरु भएको हो । रिट निवेदनमा देउवा पक्षले विशेष महाधिवेशन अवैधानिक भएको दाबी गरेका छन् । साथै, निर्वाचित कार्यसमिति भंग गर्न र फागुन २१ गतेका लागि तय निर्वाचनको मनोनयन प्रक्रिया रोक्न माग गरिएको छ ।

पूर्णमहान्यायाधिवक्ता खम्ब खातीले निवेदक पक्षको तर्फबाट बहस गरिरहेका छन् । पूर्णबहादुर खड्का पनि इजलासमा उपस्थित छन् ।

काठमाडौँ ।:
झापा क्षेत्र नंम्बर ५ का प्रतिनिधिसभा उम्मेदवार बालेन शाहले दमक नगरपालिक वडा नं ८ स्थित निर्वाचन अधिकृतको कार्यलयमा उम्मेदवारी दर्ता गर्न पुगे । उनी हजारौँ समर्थकसहित कार्यालयतर्फ अघि बढे । कार्यलयमा पुगेपछि केहि बेरमा मनोनयन दर्ता गर्ने तयारी भइरहेको छ ।

उम्मेदवारी दर्ता गर्दा शाहले प्रतिनिधिसभामा आफ्नो सहभागिता सुनिश्चित गर्ने उदेश्य राखेका छन् ।

म्याग्दी ।:
शिक्षा, विज्ञान तथा प्रविधि मन्त्री महावीर पुन ले मन्त्री पदबाट राजीनामा दिएका छन् । राजीनामा दिएपछि उनले म्याग्दी निर्वाचन क्षेत्र बाट स्वतन्त्र उम्मेदवारको रुपमा उम्मेदवारी दर्ता गरेका छन् ।

पुनले मनोनयन दर्ता प्रक्रिया आफै उपस्थित भएर आफ्नो उम्मेदवारी दर्ता गरेका हुन् । यससँगै उनी आगमी प्रतिनिधिसभा निर्वाचनमा स्वतन्त्र उम्मेदवारको रुपमा प्रतिस्पर्धा गर्ने भएका छन् ।

काठमाडौँ ।:
नेपाली कांग्रेसका सभापति गगन थापाले आसन्न प्रतिनिधिसभा निर्वाचनमा सर्लाहि–४ बाट उम्मेदवारी दिने भएका छन् ।

यसअघि काठमाडौँ – ४ बाट तीनपटक निर्वाचित भएका थापाले यसपटक निर्वाचिन क्षेत्र परिवर्तन गर्ने निर्णय गरेका हुन् ।