Author: admin

लिलाखबर सहकर्मी
सुबु लामीछाने

तपाईको सांगितिक यात्राबाट सुरु गरौ । कहिले देखि लाग्नु भयो यस क्षेत्रमा ?
खास भन्ने हो भने म यस क्षेत्रमा संगित सिक्ने क्रममा २०६७ साल देखि लागे पनि २०६९ मा पहिलो गित रेर्कड गरेकी हु । यसैलाई भन्नु पर्छ सायद मेरो संगित क्षेत्रकोे सुरुवाती ।

पहिलो गित रेर्कड २०६९ मा गरे त भन्नु भयो तर कुन भाषामा गर्नु भयो ?
पहिलो स्वर त मैले थारु भाषाको गितमा दिए । त्यो गित म्युजिक नेपाल ले निकालेको थियो । म तामाङ भएर पनि त्यो गित गाउनु नै मेरो लागि ठुलो अवसर थियो । त्यो अवसरलाई मैले राम्ररी नै दर्शक माझ प्रस्तुत गरे । त्यसपछि लगत्तै मैले तिज गितमा पनि स्वर दिए । तिजको गित पनि स्रोता र दर्शकले मन पराइदिनु भयो । तिजको एल्वम् आउ नाचौं छमछम भन्ने तिजको गितमा स्वरमा दिएकी थिए ।

यसपालिको तिज गितमा स्वर दिनु भएको छ नि ?
मैले यसपालि तिज गितमा स्वर त दिएकी छैन् । बाकि नै छ तिज आउन तिज आउनु भन्दा अगाडि अवसर पाए पछि गाउछु ।

तपाई कस्तो गित गाउन पाए हुन्थ्यो सोच्नु हुन्छ ?
गायिका भएपछि जुन सुकै गितपनि गाउन सक्नु पर्छ भन्ने मेरो विचार छ । गायिका भएपछि आफुलाई दखल छु भन्न देखाउन पनि स्वर दिन सक्नु पर्छ भन्ने लाग्छ ।

अहिले सम्म कस्ता कस्ता गित गाउनु भयो ?
मैले तिज गित, आधुनिक गित चार पाँच वटामा स्वर दिइसके त्यसै गरि फिल्मका गितहरुमा पनि स्वर दिएकी छु ।

आफुलाई सुनिमा लो भनेर चिनाएको गित कुन मान्नु भएको छ ?
मलाई आधुनिक गितले भन्दा पनि फिल्मकै गितले चिनाएको छ । राज्जारानि फिल्ममा भएको गित चिपक चिपकले मलाई दर्शकले मन पराउनुका साथै चिन्नु भएको हो ।

सांगितिक क्षेत्रमा सिकेर भन्दा नसिकेर आउनेको जमात छ तपाई के भन्नु हुन्छ ?
सांगितिक क्षेत्रमा आउनु भन्दा अगाडि संगित सिकेर आउनु राम्रो हुन्छ किनकि ति गायक गायिका दिगो सम्म टिक्छन् जस्तो लाग्छ ।

संगितमा लागेर जिउन सजिलो छ कि गाहे के छ ?
सजिलो त संगितमा छैन तर सहज बनाएर लाग्नु पर्छ भन्ने मेरो भनाई हो । यस क्षेत्रमा कमाई खासै त्यस्तो छैन भोको भने रहदैन ।

सांगितिक क्षेत्र लागेर तपाई कति सन्तुष्टि हुनुहुन्छ ?
सन्तुष्टि त मानिस कहिलै हुदैन् । म पनि त्यति सन्तुष्टि छैन नै भन्नु पर्छ तर पनि सांगितिक क्षेत्रलाई नै म आफ्नो क्षेत्र बनाउने कुरा त पक्का हो । यो मेरो सानै देखिको इच्छा हो ।

गित संगित सुन्ने कुरा हो तर अहिले भिडियो बनाउनु पर्छ भन्ने मान्यतामा तपाई के भन्नु हुन्छ ?
अहिले भिडियो अनिवार्य नै छ । किनकि अहिलेको आधुनिक समाजले मागेको माग हो जस्तो मलाई लाग्छ ।

तपाइलाई नृत्य नि आउँछ मोडेलिङ तिर जाने विचार छ कि छैन ?
हा हा हा मोडेलिङ त सोचेकै छैन । पछि खै के हुन्छ थाहा छैन ।

अन्त्यमा तपाईको अबको योजना के छ ?
रामा् राम्रा गित निकाल्ने योजना छ । अगाडि नै यो गर्छु त्यो गर्छु त के भन्नु पछिको सोच भनेकै मेरो स्रोताले मागेका आधारमा गित निकाल्छु भन्ने छ ।

हवस् तपाईले आफ्ना कुरा हामी,हाम्रा स्रोता र पाठक सम्म राख्न हाम्रो स्टुडियो सम्म आइदिनु भयो
तपाईलाई पनि धन्यवाद मेरा कुरा राख्ने मौका दिनु भयो । त्यसको लागि भ्वईस अफ युथ र लिला खबर अनलाइनलाई म धेरै धन्यवाद दिन चाहन्छु ।

लिलाखबर सहकर्मी
सुबु लामीछाने

नेपाली सांगितिक क्षेत्रमा दुई दशक देखि अनवरत रुपमा योगदान पु-याइरहनु भएका गायक तथा संगितकार नरहरि प्रेमीसंगको कुराकानी । उहाँले संगित विद्यालय पनि संचालन गरिरहनु भएको छ । श्रुति विद्यालयको चेयर म्यान समेत रहनु भएका गायकसंग उहाँका जिन्दगीको भोगाईहरुलाई समेटेर कुराकानी गरेका छौ ।

तपाईलाई स्वागत छ ?
धन्यवाद लिलाखबरसंगै तपाईलाई पनि ।

तपाई सांगितिक क्षेत्रमा लागेको लगभग दुई दशक भई सक्यो दिनहरु कसरी बितिरहनु भएको छ ?
नयाँ नयाँ गितहरु निकाल्ने र संगित दिने अनि श्रुति विद्यालयमा सिकाउने र सिक्ने काम भईरहेको छ । संगित कहिले नसकिने कुरा हो यसैमा निरन्तरता दिइरहेको छु ।

गीत पनि गाउनु हुन्छ संगित पनि भर्नु हुन्छ तपाईलाई गाउन सजिलो या संगित भर्न ?
तपाईले एकदमै राम्रो प्रश्न सोध्नु भयो । मलाई गीत गाउदा एकदमै मज्जा लाग्छ भनौ कि सहज हुन्छ । संगित भर्न गाहे हुन्छ किनकि संगित भनेको अर्काको मनै जाचेर गर्ने कुरा हो ।

तपाईले धेरै गीत गाउनु भएको छ तर पनि पहिलो गीत कहिले गाउनु भएको थियो ?
मैले पहिलो गीत २०५२ सालमा भोजपुरी गीत गाएको थिए, सो गित काठमाण्डौं आएर रेर्कड गरेको थिए । त्यो गीतले मलाई सांगितिक क्षेत्रमा र गायन तिर लग्यो । मलाई उखु बारीले नरहरी प्रेम भनेर चिनायो । म विशेष गरेर समुदाय र परिस्थिती हरेर गीत गाउने गर्छु । मेरो उखुबारी पनि त्यहीमा आधारित भएर लेखेको गीत हो ।

अहिले सम्म थुप्रै गीत गर्नुभयो पुराना र नयाँ कलाकारसंग कामको हिसावले नयाँसंग सहज कि पुरानासंग ?
गीत गाउन सहज त पुराना कलाकारसंगै हुन्छ यदि म नयाँ हुन्थे भने पुराना कलाकारसंग गाह्रो हुन्थ्यो । पुराना कलाकारलाई सबै ज्ञान हुन्छ । उहाँहरुलाई ताल सुर र लय सबै थाहा हुन्छ र उनीहरुसंग काम गर्न सजिलो हुन्छ ।

तपाईलाई सांगितिक क्षेत्रमा नाम र काम विकाउन कतिको गाह्रो भयो ?
गाह्रो भयो तर म गाह्रोमा पनि रमाइ रहेको थिए । जस्तै एउटा प्रसव पिडामा भइरहेको महिलामा लुकेको खुसी जस्तै म पनि सिक्दा अफ्ठारोमा भए पनि म रमाइरहेको थिए किनकि भोली म पनि अरु जस्तै राम्रो गायक बन्छु भन्ने लागिरहेको थिए ।

यो क्षेत्रमा लागेर तपाई कतिको सन्तुष्ट हुन्छ ?
म सन्तुष्ट नै छु जुन बेला काठमाण्डौै बस्दा कोठाको भाडा दिन समेत पैसा नभएको अवस्थामा पनि मैले सांगितिक क्षेत्रलाई अगालिरहे अहिले भने म सन्तुष्ट नभएको भए यहाँसम्म पुग्दैन थिए ।

तपाईले संगितको धेरै विधामा हात हाल्नु भएको छ , भजनको कुरा गरौ तपाई कतिको आध्यात्मिक हुनु हुन्छ ?
वास्तविक संगित भनेकै भजन हो । कतिले राग सिकिरहेका हुन्छन् तर त्यसलाई बुझिरहेका हुदैनन् । संगित भनेको आध्यात्मिक हुन्छ । साहित्य वा संगितमा नौ रस हुन्छ त्यसलाई बुझ्नु पर्छ । भजनको कुरा गर्दा मलाई एकदमै मन पर्ने विधा हो । भजनबाट प्रभावित भएरै म संगित क्षेत्रमा लागेको मान्छे हु ।

तपाईले फिल्मको गीतमा पनि आफ्नो स्वर दिनु भएको छ र त्यसबाट पनि अझ आफुलाई नरहरि प्रमी भनेर चिनाउन सफल हुनु भएको छ । के हो तपाईको यो राज हामीलाई पनि सुनाई दिनुस्न ?
किनकि मेरो सांगितिक क्षेत्र पृथक किसिमको होस भन्ने लाग्छ । मैले गाएको राज्जारानी मुभिको गीत चिपक चिपक अरु मुभिको गीत भन्दा पृथक नै छ र त्यो गीतलाई स्रोता दर्शकहरुले एकदमै मन पराएका छन् अनि मलाई नरहरि प्रेमी भनेर चिने । मैले बिशेष गरी सामाजिक परिवेश अनुसार आफुलाई प्रस्तुत गर्दछु । समाजमा जस्तो छ म त्यही परिवेशमा आधारित भएर गाउने गर्दछु ।

सफलताको मन्त्र के हो ?
असल बन्न सक्नु नै सफलताको सुत्र हो । आफु प्रसन्न हुने हो भने सफलता पक्कै हुनु हुन्छ । अरुको खुशीमा रमाई दिने हो भने सफल बन्न सकिन्छ ।