वैशाख ३० मा हुदै गरेको स्थानीय तहको निर्वाचनमा मतपत्रलगायत निर्वाचन सामग्री हेलिकप्टरबाट पनि ढुवानी गरिने भएको छ।
सडक विस्तार नभएका क्षेत्रमा हेलिकप्टरबाट निर्वाचन सामग्री ढुवानी गर्न लागिएको हो। त्यसका लागि निर्वाचन आयोगले फर्म तथा कम्पनी सूचीकृत गर्नसमेत आग्रह गरेको छ।
हेलिकोप्टर भाडामा लिन करिब ३ करोड खर्च हुनेछ। ट्रक/कन्टेनर भाडामा लिन एक करोड तथा कुरियर सेवाका लागि ३० लाख खर्च हुने बताइएको छ।
निर्वाचन आयोगले पछिल्लो तीन आर्थिक वर्षको न्यूनतम औसत वार्षिक कारोबार रकमलाई आधार मानेर इच्छुक फर्म तथा कम्पनीलाई सूचीकृत हुन आग्रह गरेको छ।
नेपाल वायुसेवा सञ्चालक संघले हवाई भाडादर वृद्धि गरेको छ। नेपाल आयल निगमले पेट्रोलियम पदार्थको मूल्यवृद्धि गरेसँगै हवाई सञ्चालक संघले फागुन २२ गतेबाट लागु हुने गरि आन्तरिक तर्फको नयाँ हवाई भाडादर सार्वजनिक गरेको हो।
बढेको भाडाअनुसार सबैभन्दा बढी विराटनगर–नेपालगञ्ज रुटमा ५४० रुपैयाँले बढेको छ भने सबैभन्दा कम काठमाडौ–सिमराको ९० रुपैयाँले बढेको छ ।
यस्तै, अन्य उडान गन्तव्यहरुमा काठमाण्डौ–धनगढीको ४४५ रुपैयाँ, काठमाण्डौ–भद्रपुर ३०० रुपैयाँ, काठमाण्डौ–सुर्खेत ३४५ र काठमाण्डौ–नेपालगञ्जको ३३० रुपैयाँले बढेको छ ।
युक्रेनमा भएको द्वन्द्वबाट प्रभाबित भएका नेपालीहरु सुरक्षित स्थानमा पुग्न सफल भएका छन् ।
रुस–युक्रेन द्वन्द्व प्रभावित नेपालीको सहयोग एवं उद्धार उच्च स्तरीय समितिका अनुसार ५११ जना नेपाली नागरिक युक्रेनबाट सुरक्षित स्थानमा पुग्न सफल भएका हुन् ।
समितिका अनुसार हाल सम्म ७१ जना स्लोभाकिया, ४०३ जना पोल्यान्ड, २७ जना रोमानिया, छ जना हङ्गेरी र चार जना नेपाली नागरिक माल्दावामा सुरक्षित पुग्न सफल भएका छन् ।
स्थायी रुपमा युक्रेनमा बसोबास गर्दै आएका ४० जनाको परिवारले भने युक्रेन छाड्न नसकेको गैरआवासीय नेपाली सङ्घका उपाध्यक्ष बद्री केसीले जानकारी दिए ।
बाँसबारीमा अबस्थित शहीद गंगालाल हृद्धय रोग केन्द्रमा पहिलो पटक शल्यक्रिया बिना नै मुटुको भल्ब प्रत्यारोपण गर्न सफल भएको छ ।
शुक्रबार उक्त अस्पतालमा भएको पत्रकार सम्मेलनमा अस्पतालका निर्देशक डा। चन्द्रमणि अधिकारीले केन्द्रले शल्यक्रिया बिना नै ८० वर्षीया महिलाको मुटुको भल्ब प्रत्यारोपन गर्न सफल भएको बताउका हुन् ।
विशेषगरी यस पद्दति वृद्धवृद्धाका लागि मात्रै उपयोगी हुने पनि डाक्टर अधिकारीको भनाई छ ।
अन्य देशहरुले यस पद्दतिबाट मुटुको भल्ब प्रत्यारोपन गर्दै आएता पनि नेपालले भने यस अघि उक्त पद्दतिद्धारा प्रत्यारोपण सफल भएको थिएन ।
वीरेन्द्रनगरमा सोमबार जिल्ला प्रशासन कार्यालय सुर्खेतले राति सवा आठ बजेबाट मंगलबार साँझ सात बजेसम्म लगाएको २४ घण्टे कर्फ्यू हटाएर निषेधाज्ञा सुरु गरेको छ ।
सोमबार एमसीसी पारित भएको विषयमा साना ८ दलले गरेको बन्दका क्रममा अत्याधिक भिडभाड भएका कारण जिल्ला प्रशासन कार्यालय सुर्खेतले कर्फ्यू लगाएको थियो ।
प्रमुख जिल्ला अधिकारी खगेन्द्रप्रसाद रिजालका अनुसार कर्फ्यूले नागरिकको जनजीवनमा पर्नसक्ने प्रभावलाई मध्यनजर गर्दै कर्फ्यू हटाएर निश्चित भीडभाड हुने ठाउँमा निषेधाज्ञा लगाइको हो ।
एरिचोक, मंगलगढी चोक, हटिया चोकरहटिया लाइन क्षेत्रमा निषेधाज्ञा लगाइको छ ।
मंगलबार बिहान युक्रेनको खर्किभ सहरमा रुसी फौजले गरेको गोलीबारीमा परि भारतीय विद्यार्थीको मृत्यु भएको छ ।
मृतक बिद्यार्थी कर्नाटकका नवीन शेखरप्पा रहेको मुख्यमन्त्री बासवराज बोम्मईले पुष्टि गरेका छन् ।
नवीन एमबीबीएस चौथो वर्षका विद्यार्थी रहेको बेंगलुरु सेन्ट्रलबाट प्रतिनिधित्व गर्ने बीजेपी सांसद पीसी मोहनले जनाएका छन् ।
भारतीय विदेश मन्त्रालयका प्रवक्ता अरिन्दम बाग्चीले भारतीय नागरिक र विद्यार्थीलाई युक्रेनको राजधानी छाड्ने वाताबरण सिर्जना गर्न युक्रेनका दूतसँग कुरा गरिरहेका छन् ।
तराई मधेस द्रुत मार्गमा पर्ने सुरुङ मार्गको निर्माण कार्य सुरु भएको छ ।
उक्त सुरुङको निर्माण व्यवस्थापनको जिम्मा नेपाली सेनाले पाएको हो । द्रुत मार्गमा तीनवटा सुरुङ बन्ने डिजाइन गरिएको छ ।
हाल तराई मधेस द्रुत मार्गमा पर्ने सुरुङ मार्गको निर्माण सुरु भएको तथा अबको तीन वर्षभित्र सुरुङ मार्गको निर्माण सम्पन्न हुने सैनिक प्रवक्ता नारायण सिलवालले जानकारी दिए ।
द्रुत मार्गको सडक खण्डमा ८८ प्रतिशत खन्ने र पुर्ने काम सम्पन्न भइसकेको छ ।
द्रुत मार्गमा कम्तिमा ६५ देखि १२० किलोमिटर प्रतिघण्टाको गतिमा सवारी साधन चलाउन सकिने गरी निर्माण गर्ने भएको छ ।
हाम्रो देशमा महाशीव रात्री पर्व फागुन कृष्ण पक्षको चतुर्दशीको दिन धुमधामका साथ मनाइन्छ । हिन्दु धर्मावलम्बीहरुले महाशिव रात्रीलाई महान पर्वको रुपमा लिने गर्दछन् ।
हिन्दु शात्रमा भगवान शिवलाई सबैभन्दा शक्तिशाली देवताको रुपमा लिइन्छ । भगवान शिवको नामबाट आजको दिन महाशिव रात्री रहन पुगेको अनुमान छ ।
आज बिशेष गरी भगवान शिवको चर्चा परिचर्चा गर्ने दिन भएकाले श्रद्धालु तथा भक्तजनहरुले भगवान शिवको गुणगान गाउने गर्दछन् ।
आज भगवान शिवको प्रत्येक मठ मन्दिरहरु सझाएर सुन्दर पारिएको हुन्छ । काठमाडौँको पशुपति मन्दिरमा केही दिन अघि देखि नै महाशिवरात्रीको तयारी गरिन्छ ।
आज पशुपति क्षेत्रमा भक्तजनहरुको निकै चहल पहल देखिन्छ । भिडभाडले पशुपति क्षेत्रलाई ढाकेको हुन्छ । पशुपति क्षेत्रको वरिपरि जतासुकै फूल मालाहरु वेचबिखन गर्न राखिएको हुन्छ ।
आज यहाँ ठूलो मेला लाग्ने भएकाले मानिसहरु टाढा टाढा बाट आउने गर्दछन् । आज अन्य दिन भन्दा पशुपति मन्दिर पृथक किसिमको देखिन्छ ।
शिव महापुराणका अनुसार आजको दिनमा भगवान शिवको ६४ ज्योतिलिङ्ग प्रकट भएको मानिन्छ । भगवान शिवलाई भोले शंकर, महादेव आदि नामले चिनिन्छ ।
महाशिव रात्री नेपालमा मात्र नभई छिमेकी मुलुक भारतमा पनि हर्षोल्लासका साथ मनाइन्छ । आज शुद्ध भई व्रत बसी जाग्राम बस्ने र दाउरा बाली धोनी लगाउने गरिन्छ ।
कतिपय मानिसले आज गाँजा, भाङ, धतुरो खाएर संकृतिको नाममा बिकृति समेत फैल्याउने गर्दछन् ।
