Blog

CAPE CANAVERAL: A NASA spacecraft has officially “touched” the sun, plunging through the unexplored solar atmosphere known as the corona.

Scientists announced the news Tuesday.

NASA’S Parker Solar Probe has become the first spacecraft, actually flew through the corona in April during the spacecraft’s eighth close approach to the sun.

Scientists say it took a few months to get the data back and then several more months to confirm it.

Launched in 2018, Parker was 8 million miles from the center of the sun when it first crossed the uneven boundary between the solar atmosphere and outgoing solar wind. The spacecraft dipped in and out of the corona at least three times, each a smooth transition, according to scientists.

It will keep drawing ever closer to the sun and diving deeper over the next 3 1/2 years.

नेपाली कांग्रेसको १४औँ महाधिवेशनस्थल भृकुटीमण्डपमा जम्मा भएको फोहर सफाइ गर्ने अभियान सुरु गरिएको छ । पार्टीको १४औँ महाधिवेशन केन्द्रीय प्रचारप्रसार समितिले सफाइ अभियान सुरु गरेको हो ।

महाधिवेशनस्थलमा जम्मा भएको उम्मेदवारका प्रचारप्रसार सामग्रीले भृकुटीमण्डप एवं राष्ट्रियसभा गृह अघिको सडक क्षेत्र प्रदूषित बनेको थियो । महाधिवेशनको प्रचारप्रसारका लागि टाँगिएका तुल, ब्यानरलगायत सामग्री पनि हटाउन थालिएको छ ।

महाधिवेशनका क्रममा प्रयोग भएका सामग्रीले शहरको सुन्दरतामा प्रभाव पार्ने भएपछि सफाइ अभियान सुरु गरिएको समितिका सदस्य सचिव दीनेश थापामगरले जानकारी दिए ।

यसैगरी उपत्यकाका अन्य स्थानमा राखिएका प्रचारप्रसार सामग्रीसमेत हटाइने उनले बताए । समितिमार्फत उपत्यका विभिन्न स्थानमा निर्माण गरिएका मूल ढोकालगायत प्रचारप्रसारका तुल, ब्यानर पनि हटाइने जनाइएको छ ।

गुगलले कोरोनाविरुद्धको खोप नलगाउने कर्मचारीलाई बर्खास्त गर्ने चेतावनी दिएको छ । सीएनबीसीले प्राप्त गरेको कम्पनीको एक कागजपत्रमा गुगलले आफ्ना कर्मचारीलाई कोभिड१९ खोप नीतिको पालना नगरेमा बर्खास्त गर्ने चेतावनी दिएको हो ।उक्त कागजपत्र अनुसार गुगलले आफ्ना कर्मचारीलाई डिसेम्बर ३ सम्म खोप लगाएको प्रमाण पत्र या खोप लगाउन चिकित्सा वा धार्मिक छुटको लागि स्वीकृति प्राप्त प्रमाणपत्र अपलोड गर्न भनेको थियो । जनवरी १३ सम्म पनि यी दुईमध्ये एक काम नगर्ने कर्मचारीलाई ३० दिनको तलबसहितको बिदा दिइने छ । सो समयमा समेत कर्मचारीले नियम पालना नगरे ६ महिनाका लागि बिना तलब बिदा दिइनेछ र त्यसपछि बर्खास्त गरिनेछ । गुगलले अफिसमै आएर काम गर्ने कर्मचारीका लागि खोप अनिवार्य गरेको छ अन्यथा खोप छुटको प्रमाणपत्र देखाउनु पर्नेछ ।

शिक्षक सेवा आयोगले चार बर्ष पछि सामुदायिक विद्यालयका लागि १७ हजार २ सय ३२ स्थायी शिक्षक नियुक्तिको विज्ञापन खुलाउन लागेको छ ।

आयोगले बुधबार माध्यमिक तहमा १ हजार ५ सय ४७ जना शिक्षक लिन विज्ञापन प्रकाशन गर्दै छ । अर्को सातासम्म क्रमशः निम्न माध्यमिक र प्राथमिक तहको पनि विज्ञापन खुलाइने बताइएको छ ।

आयोगका अध्यक्ष मधुप्रसाद रेग्मीले पहिलो पटक अनलाइनबाट दरखास्त दिन सकिने व्यवस्था गरिएको बताएका छन् । यसअघि साविकको जिल्ला शिक्षा कार्यालयमा आवेदन लिइन्थ्यो ।

आयोगले वार्षिक कार्ययोजना बनाएर मंसिरभित्र विज्ञापन आह्वान गर्ने कार्यतालिका बनाएको थियो । आगामी असोज र कात्तिकसम्म शिक्षक नियुक्तिका लागि सिफारिस गरिसक्ने लक्ष्य लिइएको छ ।

दरबन्दी मिलान सुझाव कार्यदलले दुई वर्षअघि नै सामुदायिक विद्यालयमा ५८ हजार शिक्षक दरबन्दी अपुग रहेको प्रतिवेदन सरकारलाई बुझाएको थियो ।

यसअघि २०७४ र ७५ मा विज्ञापन खुलेको थियो । त्यतिबेला करिब १२ हजार शिक्षक आयोगको परीक्षा पास गरेर स्थायी भएका थिए ।

नेपाली कांग्रेसको सभापति पदको टुंगो लागेसँगै अन्य पदाधिकारी तथा केन्द्रीय सदस्यहरुको मतगणना आज दिउँसोबाट सुरू हुने भएको छ।

निर्वाचन समितिका संयोजक गोपालकृष्ण घिमिरेका अनुसार १ तहको मतगणना आज दिउँसोबाट सुरू हुने छ।

सभापतिका लागि प्रधानमन्त्री एवं वर्तमान सभापति शेरबहादुर देउवा, उपसभापति विमलेन्द्र निधि, पूर्वमहामन्त्री प्रकाशमान सिंह, केन्द्रीय सदस्यद्वय डा शेखर कोइराला र कल्याणकुमार गुरुङ चुनावी प्रतिस्पर्धामा थिए।

निर्वाचन समितिले सार्वजनिक गरेको अन्तिम मत परिणामअनुसार सभापतिमा विजयी देउवाले २ हजार ७ सय ३३ मत प्राप्त गरेका थिए। सभापतिका प्रत्यासी डा. शेखर कोइरालाले भने १ हजार ८५५ मत प्राप्त गरेका थिए।

दोस्रो चरणको निर्वाचनमा कूल ४ हजार ६ सय २३ मत खसेको थियो। जसमध्ये ३५ मत बदर भएको थियो।

मतदानका लागि राष्ट्रियसभागृहमा एक स्थान र भृकुटीमण्डपमा दुई स्थानमा मतदानको व्यवस्था गरिएको थियो।

अस्ट्रेलियाले यहि बुधबारदेखि विद्यार्थी भिसा तथा भिसावाहक विदेशी नागरिकका लागि सीमा खुल्ला गर्ने निर्णय गरेको छ ।

दुई साताअघि सीमा खोल्ने निर्णय गरेको भए पनि ओमिक्रोन भाइरसको संक्रमण देखिएसँगै अस्ट्रेलियाली प्रधानमन्त्री स्कट मरिसनलले उक्त निर्णयलाई दुई साताका लागि स्थगित गरेका थिए ।

सोमबार प्रधानमन्त्री तथा स्वास्थ्यमन्त्रीले डिसेम्बर १५ बुधबारदेखि अन्तर्राष्ट्रिय सीमा खोल्ने निर्णयलाई निरन्तरता दिने बताएका हुन् ।

बुधबारदेखि विद्यार्थीका साथै टीआर भिसामा रहेका विदेशी नागरिकका साथै उनीहरुका अभिभावक, दक्ष कामदार भिसा भएका नागरिकले अस्ट्रेलिया प्रवेश पाउनेछन् ।

काठमाडौं । सभामुख अग्निप्रसाद सापकोटाले प्रतिनिधिसभाको बैठक एक हप्ताका लागि स्थगित गरेका छन् ।मंगलबार संसद अधिवेशनको पहिलो बैठक बसेपछि अर्को बैठक पुस ६ गते मंगलबार दिउँसो १ बजेसम्मका लागि स्थगित गरिएको छ ।

कांग्रेस सभापतिको दोस्रो चरणको निर्वाचनका लागि मतदाताहरु लाइन बस्न सुरु गरेका छन्। मतदान ३:३० बजेदेखि सुरु हुने भनिए पनि अझैं सुरु भएको  छैन। पहिलो निर्वाचनमा कुनै पनि उम्मेदवारले ५० प्रतिशत मत कटाउन नसकेपछि पुन: मतदान हुन लागेको हो।निर्वाचन साँझ ७:३० बजेसम्म चल्ने समितिले जनाएको छ। पहिलो चरणको निर्वाचनमा शेरबहादुर देउवाले २२५८,शेखर कोइरालाले १७०२,प्रकाशमान सिंहले ३७१,विमलेन्द्र निधिले २५० र कल्याणकुमार गुरुङले २२ मत ल्याएका थिए।खसेको मतमध्ये ७६ मत वदर भएको थियो। दोस्रो चरणको मतदानमा देउवालाई सिंह,निधि र गुरुङले समर्थन गर्ने बताएका छन्।

मंसिर महिनाको शुक्ल पक्षका दिन मोक्षिका एकादशी मनाइन्छ । आजको दिन महाभारत युद्धमा अर्जुनले भगवान श्रीकृष्ण बाट गिता उपदेश प्राप्त गरेकाले मोक्षदा एकादशीलाइ गिता जयन्तीका रुपमा पनि मनाइन्छ । मोक्षदा एकादशीलाई मोहनशक एकादशी, शुद्ध एकादशी पनि भनिन्छ ।

आजको दिनमा बिशेष गरी धुप, दिप, नैवेद आदि चढाइ भगवान बिष्णु को पुजा गरिन्छ । साथै गिता उपदेशको पुस्तक सहित श्रीकृष्ण वेदव्यासको पनि भक्ति पुर्वक पुजा गरिन्छ ।

मोक्षदा एकादशीको व्रत पापबाट मोक्ष हुन र वैदिक ज्ञान भावी पुस्तालाई हस्तान्तरण गर्ने उदेश्यले लिइन्छ ।

आज शुद्ध भइ व्रत बस्नाले सबै पाप नष्ट हुने, पुर्वजहरुको स्वर्गमा बास हुने, मानसिक रोगहरु दुर हुने, ब्राह्रामनलाई भोजन गराइ दक्षिणा दिएमा धार्मिक फल प्राप्त हुने, आदि धार्मिक बिश्वास रहेको छ ।