–चितवन चितवनमा बाघको आक्रमणबाट एक पुरुषको मृत्यु भएको छ । मृत्यु भएका पुरुष खैरहनी नगरपालिका–१३ का ६५ वर्षीय नारायण दाहाल रहेको जिल्ला प्रहरी कार्यालय चितवनले जनाएको छ ।
कार्यालयका सूचना अधिकारी नरहरि अधिकारीका अनुसार आज बिहान घर नजिकै रहेको कुमरोज मध्यवर्ती सामुदायिक वनको राप्ती घाँसे मैदानमा घाँस काट्न जाने क्रममा दाहाललाई बाघले आक्रमण गरेको थियो ।
दाहाललाई बिहान ८ बजे बाघले आक्रमण गरेको हो । आक्रमणमा परेका दाहालको घटनास्थलभन्दा एक किलोमिटर पर शव भेटिएको कार्यालयले जनाएको छ । शव बिहान १० बजे भेटिएको हो ।
काठमाण्डौ /अन्तराष्ट्रिय श्रमिक स्मृति दिवसको अवसर पारेर हिजो अप्रिल २८ तारिखका दिन निमार्ण तथा सम्बद्ध श्रमिक संघ (काउन) नेपालले स्मृति सभा को आयोजना गरेको थियो ।
काठमाण्डौको माइतिघर मण्डलामा आयोजना गरिएको उक्त कार्यक्रममा अठ्ठाइस ओटा मैन बत्ति प्रज्वलन गरी एक मिनेट मौन धारण गरिएको थियो ।
कार्यक्रममा नेपाल ट्रेड युनियन कांग्रेसका केन्द्रिय सदस्य कुलबहादुर खड्का , काउनका महासचिव प्रदिप आचार्य, युनिप्रेसका महासचिव सुर्य नेपाल, नेपाल ट्रेड युनियन काग्रेस राष्टिय समितिको राजनीतिक तथा सघं सस्था समन्वय समितिका महासचिव गणेस भट्टरार्ई लगाायत श्रमिक नेतृत्वहरुको उपस्थिति रहेको थियो ।
कामको शिलशिलामा अकालमा मृत्युवरण गर्न पुगेका श्रमिको सम्झनास्वरुप यो दिवस मनाउन थालिएको हो ।
युद्धमा भन्दा बढि कामको शिलशिलामा मानिसको मृत्यु भइरहेको बताइन्छ ।अन्तराष्ट्रिय श्रम संगठनको एक तथ्याङ्क अनुसार कामको शिलशिलामा प्रत्यक १५ सेकेण्डमा १ जनाको मृत्यु हुने गरेको छ भने एक दिनमा ६ हजार मानिसले मृत्युवरण गरिरहेका हुन्छन् ।
त्यस्तै १ बर्षमा २ लाख कामकै कारणले मृत्यु हुने गरेको छ । प्रतेक बर्ष २७० लाख मानिस काम गर्दा गर्दै दुघटनामा पर्दछन भने १६०लाखलाई चोट पटक लाग्ने गरेको छ भने त्यतिनै संख्यामा शारीरीक अपाडग हुने गरेका छन ।
कार्यस्थलोको बाताबरणीय प्रभावले गर्दा शरीरमा पर्ने असरले प्रतेक बर्ष ४लाख ४० हजार श्रमिकले मृत्युबरण गर्न बाध्य हुनुपरेको छ भने १ लाखको गर्भ पतन हुनेका साथै जन्म शत्तिm नाश हुने गरेको छ ।
माथिको तथ्याङ्कलाई निर्मुल पार्ने उद्देश्यका साथ हरेक बर्ष अप्रिल २८ तारिकका दिन देखी सुरु गरिने श्रमिक स्मृति दिवश, ब्यबसायजन्य सुरक्षा र स्वास्थ्य सप्ताहको रुपमा बिश्वभरी मनाउन गरिन्छ ।
बितेका दिनमा जस्तो कसैले अकाल मृतु बरण गर्नु नपरोस भन्ने कामना गर्दै, रक्तदान ,बृक्षरोपण गरि श्रमिकले दुर्घटनाबाट बच्ने उपाय, सावधानी पुर्वक काम गर्न चेतना जगाउने प्रचार प्रसार श्रयाली, सभा, जस्ता बिभिन्न कार्य गरि मनाउने गरिएको छ ।
कामको सिलसिलामा असावधानीवस, कार्यथलोको असुरक्षा आदिका कारण श्रमिको मृत्यु हुने र त्यसको जिम्मेबारी ब्यवस्थापनले नलिनेहुदा श्रमिक पीडित हुदै गए पछि टे्रड युनियनहरुले यस विषयमा पहल गर्न थालेका छन्।
नेपाल सरकारले एक हप्तामा दुई दिन सार्वजनिक विदा दिने निर्णय गरेको छ ।
मन्त्रिपरिषद्को मंगलबार बसेको बैठकले सातामा दुई दिन सार्वजनिक बिदा दिने निर्णय गरेको हो ।
सरकारले जेठ १ गतेदेखि लागू हुने गरी बिहान ९ः३० बजेदेखि साँझ साढे ५ बजेसम्म कार्यालय समय कायम गर्ने निर्णय गरेको छ ।
विदेशी मुद्रा सञ्चिति घट्दो र शोधनान्तर घाटा बढ्दो स्थितिले अर्थतन्त्रमा जोखिम बढेपछि सरकारले सार्वजनिक बिदा बढाउने निर्णय गरेको हो ।
पेट्रोलियम पदार्थको आयात घटाई विदेशी विनिमय सञ्चिति बढाउन सरकारले विभिन्न १० वटा वस्तुमाथि पूर्ण रूपमा बन्देज लगाउने र २ दिन सार्वजनिक बिदा दिने निर्णय समेत गरिसकेको छ ।
त्रिभुवन अन्तर्राष्ट्रिय विमानस्थलमा बढ्दो हवाई चाप व्यवस्थापन गर्न नियामक निकाय नेपाल नागरिक उड्डयन प्राधिकरणले आन्तरिक तर्फ उडान समयावधि बढाएर १८ घण्टा पुर्याएको छ ।
विमानस्थलको एयर ट्राफिक जामलाई ध्यानमा राख्दै बिहीबारदेखि तराईका ६ क्षेत्रीय विमानस्थलमा १८ घण्टा उडान गर्न लागिएको हो ।
प्राधिकरणले रात्रिकालीन उडानयोग्य भद्रपुर, विराटनगर, जनकपुर, सिमरा, भैरहवा, नेपालगन्ज र धनगढी विमानस्थललाई बिहान ६ देखि राति १२ बजेसम्म सञ्चालनमा ल्याउने निर्णय गरेको हो ।
अन्तर्राष्ट्रिय उडानमा पनि आगामी जेठ २ गतेदेखि त्रिभुवन अन्तर्राष्ट्रिय विमानस्थल र गौतमबुद्ध अन्तर्राष्ट्रिय विमानस्थलमा २४सै घण्टा उडान गर्ने प्राधिकरणले तयारी गरिरहेको छ ।
विमानस्थलमा हाल दैनिक दुवैतर्फ गरेर कूल ४२० उडान भइरहेको छ ।
नेपाल सरकारले १० प्रकारका वस्तुको आयातमा बन्देज लगाएको छ ।
उद्योग वाणिज्य तथा आपूर्ति मन्त्रालयले राजपत्रमा सूचना प्रकाशित गरेर कुरकुरे, मदिरा, टिभी, मोबाइल, मोटरसाइकललगायत १० वस्तुको आयातमा रोक लगाएको हो ।
विलासीताका लागि उपभोग्य हुने वस्तु असार मसान्तसम्म आयातमा बन्देज लगाइएको छ ।
आयात बन्देज लगाइएको वस्तुहरुमा कुरकुरे, कुरमुरे, लेज र यस्तै उत्पादन, सबै प्रकारका तयारी मदिरा, चुरोट तथा सुर्तीजन्य वस्तु (कच्चा प्रदार्थबाहेक) छन् ।
त्यस्तै, हिरा (औद्योगिक कच्चा प्रदार्थबाहेक), मोबाइल सेट, रंगिन टेलिभिजन (३२ इन्चभन्दा माथि), जिप, कार र भ्यान, २५० सीसीभन्दा माथिल्लो क्षमताका मोटरसाइकल, सबै प्रकारका खेलौना र तास आयातमा बन्देज लगाइएको छ ।
नेपाल सरकारद्धारा प्रकाशित राजपत्र अनुसार २०७९ वैशाख १३ गतेभन्दा अगाडि बुकिङ माध्यमबाट आयातको प्रक्रिया भएको हकमा यो व्यवस्था लागू हुँदैन ।
त्यस्तै, नेपालस्थित कूटनीतिक नियोगले आफ्नो प्रयोजनका लागि यी वस्तुहरु आयात गर्न सक्ने जनाइएको छ ।
अन्तर्राष्ट्रिय हवाई सुरक्षा मापदण्ड बमोजिम नेपालको हवाई सुरक्षा दर वृद्धि भएको छ ।
नेपाल एयर सेफ्टी सम्परीक्षण टोलीको प्रारम्भिक नतिजाअनुसार विश्वको औसत परिपालना दरभन्दा ३ प्रतिशतले वृद्धि भएर अर्थात् कूल परिपालना दर ७०.१ प्रतिशत कायम गर्न सफल भएको हो ।
अन्तर्राष्ट्रिय नागरिक उड्डयन सङ्गठन (आइकाओ) को एयर सेफ्टी अडिटबाट नेपालको परिपालना दर औसत दरभन्दा माथि रहेको नियामक नेपाल नागरिक उड्डयन प्राधिकरणले पत्रकार सम्मेलन गरी जानकारी गराएको छ ।
सम्परीक्षण टोलीको प्रारम्भिक नतिजाअनुसार आजको मितिमा एसिया प्रशान्त क्षेत्रको औसत परिपालना दर ६१.४ प्रतिशत रहेको र विश्वको औसत परिपालना दर ६७.२ प्रतिशत रहेकामा नेपालले यी दुवै औसत दरभन्दा माथि रही परिपालना दर ७० भन्दा बढी कायम गर्न सफल भएको हो । यसअघि नेपालको परिपालना दर ६७.०२ प्रतिशत थियो ।
आइकाओको १० सदस्यीय सम्परीक्षण टोलीले यही अप्रिल १३ देखि २५ सम्म अडिट गरेको थियो ।
नेपालमा सम्परीक्षणका क्षेत्रमा कानुनी, संस्थागत, व्यक्तिगत लाइसेन्स, उडान अप्रेशन, एयरओर्दिनेस, एयर नेभिगेसन सर्भिस, एरोड्रोम एन्ड ग्राउण्ड हयान्डलिङ र दुर्घटना अनुसन्धान छन् । यि आठ विषयमा आइकाओले अडिट गर्दै आएको छ ।
नेपाल सरकारले निजामती कर्मचारीका सन्ततिलाई छात्रवृत्ति प्रदान गर्न आवेदन आह्वान गरेको छ ।
निजामती कर्मचारी (प्रदेश र स्थानीय तहसमेत), नेपाली सेना, नेपाल प्रहरी, सशस्त्र प्रहरी तथा तीन तहकै सरकारका सार्वजनिक पदमा स्थायी नियुक्ति भएकाहरूका सन्ततिले उच्च शिक्षा अध्ययनका लागि छात्रवृत्ति पाउने भएका हुन् ।
संघीय मामिला तथा सामान्य प्रशासन मन्त्रालयले सोमबार सार्वजनिक सूचना जारी गरेर १५ दिनभित्र शैक्षिक प्रोत्साहन वृत्ति व्यवस्थापन समितिको सचिवालयमा आवेदन दिन अनुरोध गरेकोछ ।
प्लस टूमा कम्तिमा सी प्लस वा जिपिए २.४ ल्याएका, स्वदेशी विश्वविद्यालय वा आंगिक, सम्बन्धन प्राप्त स्वदेशी शिक्षण संस्थामा भर्ना भएर स्नातक वा सो सरह तहको प्रथम वर्ष वा पहिलो वा दोस्रो सेमेस्टरमा भर्ना भइ अध्ययन गरिरहेकाले दरखास्त दिन पाउनेछन् ।
दरखास्त दिनका लागि २५ वर्ष उमेर ननाघेको हुनुपर्नेछ ।
काठमाडौं महानगरपालिकामा एक सय १६ जनप्रतिनिधिले राजीनामा दिएका छन्।
आगामी वैशाख ३० गते हुन लागेको स्थानीय तह निर्वाचनमा उम्मेदवारी दिनका लागि उनीहरूले हाल बहाल रहेको पदबाट राजीनामा दिएका हुन्।
आइतबार ५ बजेसम्ममा वडाध्यक्ष र कार्यपालिका सदस्य गरी २९ जनाले राजीनामा दिएका छन् भने ८७ वडा सदस्यहरूले पनि राजीनामा दिएका महानगरका सहायक प्रवक्ता महेश काफ्लेले जानकारी दिए।
स्थानीय तह निर्वाचन उम्मेदवारी दर्ता गर्न सरकारको स्वामित्वमा रहेको कुनै संस्थामा पारिश्रमिक पाउने भए त्यस्तो पदबाट राजीनामा दिएको निस्सा बुझाउनुपर्ने कानुनी मान्यताअनुसार जनप्रतिनिधिले राजीनामा दिएका हुन्।
महानगरका वडा ५, ६, ७, १०, १४, २५, २६ र ३१ गरी ८ वटा वडाका अध्यक्षबाट राजीनामा आउन बाँकी छ।
सोमबारसम्म उम्मेदवारी दर्ता गर्ने समय बाँकी रहेकाले अरू जनप्रतिनिधिबाट राजीनामा आउन सक्ने महानगरको भनाइ छ।
निर्वाचनमा उम्मेदवारी नदिने हो भने राजीनामा दिनुपर्दैन। काठमाडौं महानगरमा मेयर, उपमेयरसहित १६० जनप्रतिनिधि छन्।
निलम्बित गभर्नर महाप्रसाद अधिकारीले सर्वोच्च अदालतविरुद्ध दिएको रिटमा न्यायाधीश हरिप्रसाद फुयालको इजलासमा सुनुवाइ हुने भएको छ ।
पदमुक्त गर्ने प्रयोजनले आफूविरुद्ध जाँचबुझ समिति बनाएको भन्दै अधिकारीले मन्त्रिपरिषद्को निर्णयलाई सर्वोच्च अदालतमा चुनौती दिएका थिए । अधिकारीको उक्त रिटमाथि सर्वोच्च अदालतमा आजदेखि सुनुवाइ हुन लागेको हो ।
गत चैत २४ मा मन्त्रिपरिषद्ले गभर्नरविरुद्ध सर्वोच्च अदालतका पूर्वन्यायाधीश पुरुषोत्तम भणडारीको अध्यक्षतामा जाँचबुझ समिति गठन गरेसँगै उनी स्वतस् निलम्बनमा परेका छन् । आफ्नो निलम्बनविरुद्ध सर्वोच्च पुगेका अधिकारीले अन्तरिम आदेश मार्फत् जाँचबुझ समितिलाई कामकाज गर्न रोक लगाउन र आफूलाई नियमित काममा फर्काउन माग गरेका छन् ।
अर्थमन्त्री जनार्दन शर्माले पूर्वाग्रहपूर्ण तरिकाले आफूलाई हटाउन जाँचबुझ समिति गठन गरेको, समितिको नेतृत्व आफ्नै नातेदारलाई दिएको र समिति सदस्यहरूमा पनि अर्थमन्त्री शर्मा आवद्ध नेकपा माओवादी केन्द्रका कार्यकर्तालाई राखेको भन्दै जाँचबुझ समितिकै वैधानिकतामा चुनौति दिएका छन् ।
