Author: Nabin Bhattarai

काठमाडौँ :
आगमी निर्वाचनका लागि काठमाडौँमा ४ हजार ८७३ निर्वाचन प्रहरी भर्ना भएका छन् । तीमध्ये ६ जना स्नातकोत्तर (पोष्टग्राजुएट) र ३५ जना स्नातक उतीर्ण उत्तीर्ण रहेका छन् ।

नेपाल प्रहरी प्रवक्ता डिआईजी अभि नारायण काफ्लाका अनुसार माघ १८ देखि भर्ना भएका प्रहरीहरुको १० दिने तालिम सुरु भइसकेको छ । तालिममा शारीरिक व्यायाम, सलामी अभ्यास र सर्वसाधारणसँग कसरी व्यवहार गर्ने जस्ता प्रशिक्षण दिइँदैछ ।

नेपाल प्रहरी अहिलेसम्म १ लाख ३३ हजार ९८० र सशत्र प्रहरी बलले १५ हजार ११० निर्वाचन प्रहरी छनौट गरिसकेको छ । देशभर कति डिग्रीधारीहरु भर्ना भएका छन् भन्ने विवरण संकल भइरहेको छ ।

जिल्ला प्रहरी परिसर काठमाडौँका डिएसपी कौशल बुढाथोकीका अनुसार, काठमाडौँमा भर्ना भएका डिग्रीधारी प्रहरीहरुले तालिमपछि निर्वाचनको सुरक्षामा खटिने तयारीमा छन् । यस पटक कुल १ लाख ४९ हजार ९० प्रहरी निर्वाचनमा खटिने तयारीमा छन् ।

काठमाडौँ :
त्रिभुवन अन्तराष्ट्रिय विमानस्थल अन्तर्गत वैदेशिक हुलाक भन्सार शाखामा कार्यरत भन्सार अधिकृत इन्द्र न्यौपानेसहित तीन कर्मचारीलाई अख्तियार दुरुपयोग अनुसन्धान आयोगले घुस रकमसहित नियन्त्रणमा लिएको छ ।

नियन्त्रणमा पर्नेमा भन्सार अधिकृत न्यौपाने, गोश्वारा हुलाक कार्यलय निकासी शाखामा कार्यरत नायक सुब्बा छविप्रसाद रिजाल र कार्यलय सहयोगी गणेशप्रसाद पुडासैनी रहेका छन् ।

अख्तियारका अनुसार कुरियर सेवामार्फत विदेश पठाइने सामाग्री सहजीकरण गरिदिने बहानामा सेवाग्राहीसँग घुस असुल गरेको उजुरीपछि निगरानी बढाएको थियो । सोही आधारमा टंगालबाट खटिएको टोलीले उनीहरुलाई डिल्लिबजार स्थ्ति गोश्वारा हुलाक कार्यलयबाट नियन्त्रणमा लिएको हो ।

अनुसन्धानका क्रममा उनीहरुको कार्यकक्ष, डेरा तथा साथबाट घुस र स्रोत नखुलेको गरी कुुल २ लाख ६८ हजार २८८ रुपैयाँ नगद बरामद गरिएको आयोगले जनाएको छ । साथै, घटनसँग सम्बन्धित २३ थान मोबाइल फोन पनि नियन्त्रणमा लिएको छ ।

अख्तियारका प्रवक्ता सुरेश न्यौपानेका अनुसार बरामद रकम कर्मचारीहरुबीच बाँडफाँट हुनु अगावै नियन्त्रणमा लिइएको हो । घटना सम्बन्धी थप प्रमाण संकलन गरी कानुनी प्रक्रिया अघि बढाइएको आयोगले जनाएको छ ।

काठमाडौँ :
राष्ट्रिय स्वतन्त्र पार्टीका सभापति रवि लामिछानेको राहदानी दुरुपयोग सम्बन्धी मुद्दा सर्वोच्च अदालतका इजलासमा सुनुवाइका लागि पेसी तोकिएको छ ।

तत्कालीन महान्याधिवक्ताले मुद्दा नचलाउने निर्णय गरेपछि युवराज पौडेल (सफल) ले त्यसविरुद्ध रिट दायर गरेका थिए । उनले लामिछानेले राहदानी ऐनविपरीत नागरिकता विवरण प्रयोेग गरेको दाबी गरेका छन् ।

अदालतले यसअघि फाइल मगाउने आदेश दिइसकेको छ भने अहिले अन्तिम सुनुवाइ प्रक्रिया अघि बढेको छ । यस मुद्दाको निर्णयले लामिछानेको राजनीतिक भविष्यमा प्रभाव पार्ने अपेक्षा गरिएको छ ।

काठमाडौँ :
इरानका सर्वोच्च धार्मिक नेता आयतोल्लाह अली खामेनीले अमेरिकाले इरानमाथि आक्रमण गरेमा मध्यपूर्व क्षेत्रमा ठूलो स्तरको युद्ध सुरु हुन सक्ने चेतावनी दिएका छन् ।

इरानको पारमाणविक कार्यक्रम र सरकारविरुद्धका प्रदर्शनलाई लिएर अमेरिकी राष्ट्रपति डोनाल्ड ट्रम्पले निरन्तर दबाब दिँदै आएका छन् । यसका कारण खाडी क्षेत्रसहित मध्यपूर्वमा तनाव बढ्दै गएको छ ।

इरान वरपर अमेरिकाले सैनिक गतिविधि बढाइरहेका बेला खामेनीको यो भनाइ सार्वजनिक भएको हो । उनले अमेरिकाको धम्कीबाट इरान नडराउने स्पष्ट पारेका छन् ।

यसैबीच नेपाल सरकारले इरानमा रहेका नेपालीलाई सतर्क रहन र आवश्यक परे स्वदेश फर्कन आग्रह गर्दै ट्राभल एडभाइजरी जारी गरेको छ । इरान जाने कार्यक्रमसमेत स्थागित गर्न अनुरोध गरिएको छ ।

यसैबीच नेपाल सरकारले इरानमा रहेका नेपालीलाई सतर्क रहन र आवश्यक परे स्वदेश फर्कन आग्रह गर्दै ट्राभल एडभाइजरी जारी गरेको छ । इरान जाने कार्यक्रम समेत स्थिगित गर्न अनुरोध गरिएको छ ।

तनावका बीच कतारलगायत देशले कूटनीतिक पहल मार्फत समस्या समाधान गर्ने प्रयास गरिरहेका छन् । दुबै पक्षबीच वार्ताका लागि वातावरण बनाउन प्रयास भइरहे पनि ठोस सहमति भने हुन सकेको छैन ।

विश्लेषकहरुका अनुसार यदि अमेरिका र इरानबीच सैन्य दून्दू चर्कियो भने त्यसको असर सम्पूर्ण क्षेत्र तथा विश्व राजनीतिमा पर्न सक्नेछ ।

काठमाडौँ :
सरकारले इरानमा रहेका नेपालीलाई सकेसम्म चाँडो स्वदेश फर्किन र इरान जाने योजना स्थगित गर्न आग्रह गरेको छ ।

परराष्ट्र मन्त्रालयले आइतबार जारी गरेको ट्राभल एड्भाइजरी अनुसार, अमेरिका–इरान तनाव बढेपछि त्याहाँको अवस्था सामान्य नहुँदासम्म भ्रमण स्थगित गर्न सल्लाह दिइएको हो ।

इरानमा बसोबास वा रोजगारीमा रहेका नेपाली नागरिकलाई आफ्नो पासपोर्ट, परिचयपत्र लगायत आवश्यक कागजात सहजै उपलब्ध हुने ठाउँमा राख्न पनि मन्त्रालयले भनेको छ ।

थप जानकारी र समन्वयको लागि काठमाडौँस्थित परराष्ट्र मन्त्रालय र दोहास्थित नेपाली दूतावाससँग सम्पर्कमा रहन सुझाव दिइएको छ । हाल इरानमा रहेका नेपालीको ठ्याक्कै संख्या भने उपलब्ध छैन ।

काठमाडौँ :
साताको पहिलो कारोबार दिन आइतबार सेयर बजारमा गिरावट आएको छ । नेपाल स्टक एक्सचेञ्ज (नेप्से) सूचक १९.८५ अंकले घटेर २६९४.२० विन्दुमा कायम भएको हो ।

यस दिन ३२९ कम्पनीका करिब २ करोड २० लाख कित्ता सेयर ९ अर्ब १० करोड रुपैयाँभन्दा बढीको कारोबार भयो ।

कारोबारका क्रममा कुनै पनि कम्पनी सकारात्मक सर्किटमा पुग्न सकेन । मिथिला लघुवित्तको सेयर सबैभन्दा बढी ९.७० प्रतिशतले बढ्दा कर्पोरेट डेभलपमेन्ट बैंकको सेयर १० प्रतिशतले घट्यो ।

कारोबार रकमको आधारमा आँखु खोला जलविद्युत कम्पनी अग्रस्थानमा कायम भयो । बजारमा जम्मा ५० कम्पनीको मुल्य बढ्दा २०१ कम्पनीको मुल्य घटेको छ भने ९ कम्पनी स्थिर रहे ।

१२ समूह मध्ये व्यापार (ट्रेडिङ) समूह बाहेक सबै समूहको सूचक घटेको छ ।

काठमाडौँ :
भारत सरकारले आर्थिक वर्ष २०२६/०२७ का लागि नेपाललाई ८ अर्ब भारतीय रुपैयाँ अनुदान दिने घोषणा गरेको छ । आइतबार भारतीय संसद्मा अर्थमन्त्री निर्मला सीतारमणले वार्षिक बजेट प्रस्तुत गर्दै उक्त जानकारी दिएकी हुन् ।

बजेट अनुसार, नेपाललाई गत वर्षसरह नै सहयोग रकम उपलब्ध गराइनेछ । चालु अर्थिक वर्षमा भने भारतले संशोधित अनुमान अनुसार ८ अर्ब ३० करोड रुपैयाँ अनुदान दिएको थियो ।

छिमेकी मुलुकहरुमध्ये भारतले सबैभन्दा बढी सहयोग भुटानलाई दिने जनाएको छ । भुटानलाई २ खर्ब २२८ करोड रुपैयाँ अनुदान दिइनेछ । त्यस्तै, माल्दिभ्स, म्यानमार, श्रीलंका, अफगानिस्तान, बंगलादेश, अफ्रिकी देशहरु र मंगोलियालाई पनि विभिन्न रकम सहयोगका रुपमा विनियोजन गरिएको छ ।

नेपाललाई प्रदान गरिने यो अनुदान भारतीय बजेटमार्फत विनियोजन गरिएको हो ।

काठमाडौँ
आगमी निर्वाचनमा रास्वपाबाट प्रधानमन्त्री उम्मेदवार बालेन्द्र (बालेन) शाहको प्रचारमा खटिएका चलचित्र पत्रकार दिनेश सिटौला को ४५ वर्षको उमेरमा निधन भएको छ ।

सिटौला अछाममा प्रचारका क्रममा अचानक बेहोस भएपछि नेपाली सेनाको हेलिकप्टर मार्फत काठमाडौँ ल्याइएको थियो । ग्रान्डी अस्पतालमा १२ः४५ बजे उनको निधन भएको पुष्टि भएको छ ।

काठमाडौँ :
हेटौँडा बजार क्षेत्रमा सडक विस्तार विवादमा सर्वोच्च अदालतले सुनुवाइको लागि पेसी तोकेको छ । यो सुनुवाई आठौँ पटक हुँदैछ ।

रास्वपा नेतृ विन्दवासिनी कंसाकारसहित ६ जनाले सडक विस्तारले सम्पत्ति अधिकारमा असर पुर्याएको भन्दै रिट दायर गरेका थिए । सर्वोच्च अदालतका न्यायाधीश सपना प्रधान मल्ल र अब्दुल अजिज मुसलमानको इजलासले सुनुवाइको मिति तय गरेको हो ।

अदालतले यसअघि अल्पकालीन अन्तरिम आदेश र मिसिल फाइल झिकाउने आदेशसमेत जारी गरिसकेको छ ।

काठमाडौँ :
नागरिक उन्मुक्ति पार्टीका संरक्षक रेशमलाल चौधरीले आफ्नो उम्मेदवारी खारेजविरुद्ध सर्वोच्च अदालतमा दायर गरेको रिटको सुनुवाई आइतवार भएको छ ।

सुनुवाइ वरिष्ठतम न्यायधीश सपना प्रधान मल्ल र न्यायाधीश अब्दुल अजीज मुसलमानको इजलासमा तय भएको हो । निर्वाचन अधिकृतले जन्मकैद सजाय प्राप्त, राजनीतिक दल सदस्य आयोग्य र कैद मफि भए पनि सजाय कायम भएको आधारमा उम्मेदवारी खारेज गरेको थियो ।

२०७९ को चुनावमा पनि चौधराको उम्मेदवारी खारेज भएको थियो । उनको बुवा लालवीर चौधरी पछि स्वतन्त्र उम्मेदवार बनेका थिए ।