चार दिनदेखि गरिएको परीक्षणमा कुनै पनि व्यक्तिमा कोरोना सङ्क्रमण नदेखिए पछि काभ्रेपलाञ्चोक जिल्ला कोरोनामुक्त भएको जनाइएको छ ।
बनेपा नगरपालिकामा रहेका एक कोरोना सङ्क्रमित पुरुष चार दिनअघि निको भएपछि जिल्ला कोरोना सङ्क्रमणमुक्त भएको हो ।
जिल्लामा पछिल्लो २४ घण्टामा २३ जनाको कोरोना परीक्षण गरिएको थियो ।
चार दिनदेखि दैनिक दुई दर्जन हाराहारीमा कोरोनासँग मिल्दोजुल्दो लक्षण देखिएकाको परीक्षण गर्दा कसैमा पनि कोरोना सङ्क्रमण नदेखिएको जिल्लास्थित कोभिड–१९ सङ्क्रमण नियन्त्रण, रोकथाम र उपचारसम्बन्धी केन्द्र (डिसीएमसी)का सदस्यसचिव एवं जिल्ला स्वास्थ्य कार्यालय प्रमुख डा पुरुषोत्तमराज सेढाईँले जानकारी दिनुभयो ।
निर्वाचन आयोगले स्थानीय तह निर्वाचन–२०७९ मा काठमाडौँ उपत्यकामा निर्वाचन अधिकृत महिला मात्रै नियुक्त गर्ने तयारी गरेको छ ।
काठमाडौँ उपत्यकाका तीन जिल्लामा १८ वटा स्थानीय तह छन् जसमध्ये काठमाडौँ महानगर, ललितपुर महानगर र भक्तपुर नगरमा भने जिल्लाका मुख्य निर्वाचन अधिकृत नै निर्वाचन अधिकृतको भूमिकामा रहनेछन् ।
बाँकी रहेका १५ स्थानीय तहमा अधिकृत महिला रहने गरी तयारी गरिएको छ । मुख्य निर्वाचन अधिकृतमा न्यायाधीश मात्रै नियुक्त हुँदै आएका छन् । निर्वाचन अधिकृतका रूपमा भने न्याय र प्रशासन सेवाका उपसचिव नियुक्त हुँदै आएका छन् ।
आयोगले कानुन, न्याय तथा संसदीय मामिला मन्त्रालय र सङ्घीय मामिला तथा सामान्य प्रशासन मन्त्रालयबाट यसअघि नै निर्वाचन अधिकृतका रूपमा नियुक्त हुने कर्मचारीको सूची प्राप्त गरिसकेको छ ।उक्त सूचीबाट नै काठमाडौँ उपत्यकाका विभिन्न कार्यालयमा सेवामा रहेका उपसचिव श्रेणीका अधिकृत महिला नियुक्त गरिने आयोगले जनाएको छ ।
काठमाडौँ उपत्यकामा करिब १० लाखभन्दा बढी मतदाता छन् । आयोगले २०७७ साल पुस ५ गते मतदाता नामावली अद्यावधिक गर्दा काठमाडौँ जिल्लामा छ लाख, ललितपुरमा दुई लाख ३६ हजार र भक्तपुरमा एक लाख ८४ हजार मतदाता कायम थिए ।
निर्वाचन कार्यक्रम बमोजिम चैत १३ गते नै आयोगले निर्वाचन अधिकृतको नामावली प्रकाशन गर्नेछन् । चैत्त २९ गते निर्वाचन अधिकृत नियुक्त हुनेछन् ।
कपिलवस्तुको बांणगंगा जितपुरमा भएको कपिलवस्तु महोत्सवमा शुक्रबार साँझ पिङ भाँचिएको छ । पिङ भाँचिदा १४ जना घाइते भएका छन् । जसमध्य तिन जना गम्भिर घाइते भएका छन् ।
गम्भिर घाइते हुनेमा णगंगा नगरपालिका १ का अर्जुन क्षेत्री , सिर्जना थारु र कपिलवस्तु नगरपालिका ९ की आकृति खनाल रहेका छन् । घाइतेको उपचार भइरहेको छ ।
काठमाडौँको कलंकीमा हिजो साँझ पौने सात बजे सवारी साधन दुर्घटना भएको छ । उक्त दुुर्घटनामा परी एक जनाले ज्यान गुमाएका छन् ।
मृतु हुनेमा स्कुटरपछाडि सवार सुनसरी धरानका हाल ललितपुरको टिकाथली बस्दै आएका २९ वर्षीय सन्तोष लिम्बु रहेका छन् ।
दुर्घटनामा परेको लिम्बुको उपचारको क्रममा बल्खुस्थित बयोधा अस्पतालमा मृत्यु भएको हो ।
कलंकीबाट बल्खुतर्फ आउँदै गरेको बागमती प्रदेश(१(२५(प ०४२० नम्बरको गाडी, बा४९प ७१८५ नम्बरको स्कुटर, बा१प ९८८ नम्बरको माइक्रो बस र ना५ख ७५०८ नम्बरको ट्रक गरी चार सवारीसाधन दुर्घटनामा परेका हुन्।
निर्वाचन प्रयोजनका लागि खुलेको ४० दिने रोजगार म्यादी प्रहरीका लागि मधेसी युवाहरुको भिडभाड तिव्र रुपमा बढेको छ ।
२ नम्बर प्रदेशका जिल्लामा युवाहरु म्यादी प्रहरीमा भर्तीका लागि जिल्ला प्रहरी कार्यालयमा लाइन लागेका छन् ।
बिशेष गरि १८ बर्ष देखि ५४ बर्षका ब्यक्तिले दरखास्त दिन सक्ने प्राबधान रहेको म्यादी प्रहरीमा भर्ती हुने ब्यक्तिले ४० दिनको अबधिमा ३० हजार दुई सय ४० रुपैँया तलब र खाना, पोसाक र यातायात खर्च समेत प्राप्त गर्दछन् ।
आइतबार मोरङको लेटाङ नगरपालिका ५ खेरुवास्थित शिक्षा विकास माविका ५६ वर्षीय शिक्षक मनोज पौडेलले कक्षा ६ मा अध्ययनरत विद्यार्थीलाई यौन दुर्व्यवहार गरेको छन् । बिद्यार्थी माथी यौन दुर्व्यवहार गरेको जानकारी पाए पछि गाउँलेहरु बिद्यालयमा भिड लागेका हुन् ।
भिड नियन्त्रणका लागि सुरक्षा कर्मीहरु खटाइएको थियो ।
विद्यालयभित्रै लुकेर बसेका आरोपित शिक्षकलाइ बेलुका बाहिर निकाल्ने बेला भिडले आक्रमण गरेपछि सोही भिड नियन्त्रण गर्ने क्रममा एक महिला प्रहरीलाई घाँटीमा छुरा प्रहार गरि हत्या गरिएको स्थानीयको भनाई छ ।
स्थानीय तह निर्वाचनका लागि करिब २७ करोडको सामग्री विदेशबाट आयात गरिने भएको छ । आयातका लागि निर्वाचन आयोगले सामग्री आपूर्तिकर्तासँग सम्झौता गरिसकेको छ ।
आयोगका प्रवक्ता शालिग्राम शर्मा पौडेलले निर्वाचनका लागि आवश्यक ५६ प्रकारका सामग्री मध्य २३ प्रकारका सामग्री विदेशबाट आयात गरिने जानकारी दिनुभयो ।
नेपालमा स्थानीयस्तरमै उपलब्ध हुने १५ प्रकारका सामग्री खरिद व्यवस्थापन गर्न निर्वाचन आयोगले सम्बन्धित प्रदेश तथा जिल्ला निर्वाचन कार्यालयलाई अनुमति दिइसकेको छ ।
मतपेटिका भने आयोगसँग मौज्दात नै छ । उपसचिव एवं सहायक प्रवक्ता सूर्यप्रसाद अर्यालले आयोगसँग करिब ६५ हजार मतपेटिका मौज्दात रहेको जानकारी दिनुभयो ।
निर्वाचन प्रयोजनका लागि मात्रै बढी मात्रामा प्रयोग हुने स्वस्तिक चिह्न, छेकबारा, लाहालगायतका सामग्री आपूर्तिकर्ताले विदेशबाट मगाउनेछन् । आयोगको जिन्सी शाखाका अनुसार स्थानीय निर्वाचनमा छेकबारा ७८ हजार थान, स्टाम्प प्याड दुई लाख चार हजार थान, रबर म्याट ७८ हजार थान, स्ट्याप्लर मेसिन २६ हजार थान र स्वस्तिक छाप दुई लाख आठ हजार थान आवश्यक पर्नेछ ।
त्यसैगरी, ५२ हजार प्याकेट पित्तलको छाप र २६ हजार पित्तलको लाहा तथा चार लाख ८० हजार ‘सेक्युरिटी सिल’ निर्वाचनका लागि आयोगले आपूर्ति गर्न सम्झौता गर्दै छ । एक प्याकेट लाहामा तीन थान हुनेछ ।
आयोगले आयात गर्नुपर्ने २३ प्रकारका सामग्री खरिद गर्न १० वटा प्याकेजमा प्रस्ताव आह्वान गरेको थियो ।
सामग्री खरिद गर्न २७ करोड १९ लाख ५२ हजार ८०६ रुपियाँ खर्च हुनेछ । आयात गरिने २३ सामग्रीमध्ये सबैभन्दा बढी मतदान स्थलको गोपनीयताका लागि प्रयोग गरिने पर्दा र छेकबारामा मात्रै १२ करोड ७८ लाख ९१ हजार रुपियाँ खर्चिनेछ ।
रोजगार अनुमति प्रणाली (इपिएस) अन्तर्गत कोरियन भाषा परीक्षाको आवेदन खुला भएको छ ।
इपिएस कोरिया शाखाले आज सूचना जारी गर्दै भाषा परीक्षाका लागि इच्छुक नेपाली नागरिकबाट आवेदन माग गरेको हो ।
दक्षिण कोरिया सरकारले सन् २०२२ मा नेपालबाट नौ हजार ६५४ नेपाली रोजगारीका लागि लैजाने छ । तीमध्ये छ हजार ९१३ उत्पादनमूलक र दुई हजार ७४१ कृषि तथा पशुपालनतर्फ लैजाने कोरियाको तयारी छ ।
कोरियामा श्रमिकको मागका आधारमा नेपाली श्रमिकको छनोट थपघट हुने शाखाले जनाएको छ ।
भाषा परीक्षामा सहभागी हुन आगामी चैत १४ देखि २१ गतेसम्म आवदेन फारम भर्न सक्ने शाखाले जनाएको छ । आवेदन eoers.epsnepal.gov.np फाराम मार्फत भर्न सकिनेछ ।
परीक्षामा सहभागीको भाषा परीक्षाका साथै सीप परीक्षण पनि हुनेछ । आवेदन फारम शुल्क अमेरिकी डलर २४ लाग्नेछ ।
